Zenezi 27:22 - ꞌRe Ihâimana Uꞌâsi Mono Zadawa Wasuꞌu

²² Tawamhã Zaco, Izaquihi tẽme ma tô 'râwi itẽme ai'ré. Imama te te upi mono sina, ma tô ãne duré tãma tinha: — Aimreme hã, tô Zacoho mreme ne, a hã. Tane nherẽ, asib'rata si hã, tô Ezau nhib'rata ne.

Zenezi 27:22 ပူးပေါင်းရင်းမြစ်များ

Zenezi 27:12

Bété za ĩmama te te ĩhâiba upi mono wamhã, te za ĩwaihu'u, ĩhâimana nhipese sina marĩ te tãma i'manharĩzém na hã. Tawamhã iwẽ hã te te ĩ'ãma 're apisutu mono da nherẽ, te za taha wa'rãmi iwasété si ĩmama hã te te ĩ'ãma 're apisutu.

Zenezi 27:21

Tawamhã Izaqui, te duré Zacoho ma tinha ãne: — We ĩtẽme asina rotété pé, 'râwi te ai'upi mono da. Ãhã wamhã, wa za tô aiwaihu'u, sena tô a hã ĩ'ra Ezau na hã, niha wamhã duré ta hãi õ na hã.

Zenezi 27:23

Ãne wa, Izaqui, Zaco hã te te waihu'u õ di, Ezau nhib'rata ne sib'rata sui 'ré wa. Tahawa ma tô aré ãma imreme na hã sãna'rata, 'Re ihâimana u'âsi mono ma, iwẽ hã te te tô tãma 're apisutu mono da.

Zuize 18:3

Tawamhã si'ubumroi ré, ma tô aibâ iprédupté levita norĩ siré tame 're isãmra mono mreme te te iwapari za'ra hã, siwi mremei hu'u. Tahawa 'râwi itẽme te te sina rotété za'ra wamhã, ma tô ãne siwi sadanha: — E marĩ te ãmemhã i'manha. Duré e 'wa hã ma tô we ãwamhã asaprõ.