Zenezi 26:7 - ꞌRe Ihâimana Uꞌâsi Mono Zadawa Wasuꞌu

⁷ Tawamhã aibâ norĩ tô õhõ 're, 're irob za'ra mono, imro na te te sadanharĩ za'ra wamhã, ma tô tihidiba na tãma wasu'u za'ra. Rebeca hã pi'õ iwẽ uptabi. Tahawa Izaqui timro na te te iwasu'u da hã pahi di, õhõ 're, aibâ norĩ 're irob za'ra mono hã te te siwi wĩrĩ õ'umnhasite, imro zô.

Zenezi 26:7 ပူးပေါင်းရင်းမြစ်များ

Zenezi 12:11

Tawamhã Ezitu u oto simasisi wana ré, ma tô Abrã hã, timro Sara'ihi ma tinha ãne: — Te za ĩwapa! Tô sena a hã pi'õ i'aiwẽ uptabi.

Zenezi 12:13

Tahawa, te za ĩhidiba na hã dama asiwasu'u. Tawamhã ãne na dama asiwasu'u wamhã, da te dasiwi ĩwĩrĩ õ di za. Te za duré dasiwi hã ĩ'âri wẽ ni.

Zenezi 12:15

Tawamhã duré ni'wam norĩ, Ezitu ãma apito ma, da'madâ'â'wa norĩ ipire, pi'õ iwẽ uptabi na te te siwi 'madâ'â za'ra wa, ma tô duré tãma wasu'u za'ra. Tahawa, apito nhimiromhurizé 'ri u hã, ma tô tãma siwi saprõ.

Zenezi 20:11

Tawamhã Abra'ã, ma te ãne asa ãma sada'â: — Wa tô rosa'rata aré, ã hã daza'rui 're, 'Re ihâimana u'âsi mono wazé'wa 're da'maihâimana mono õ wa, za ni'wa ĩmro hâiba zô te te ĩwĩrĩ na hã.

Zenezi 20:2

Abra'ã, te Sara tihidiba na dama wasu'u. Tahawa Abimelequi, Gera ãma apito hã ma tô Sara dama ti'ru, isimiromhurizéb u 'ri 'rãihâ u da te itẽme tãma saprõni da.

Zenezi 20:5

Abra'ã si'uihâ na ma tô wasu'u, Sara tô ihidiba na hã. Õhõ zama ma tô õne na hã siwasu'u. Wa hã, ĩhâimana wẽ zarina wa tô iwẽ na marĩ hã aré tãma 'manharĩ zahuré. Tahawa tô wa hã, marĩ na i'upai'wa na hã ĩhâimana õ di.

Zenezi 24:16

Rebeca azarudu hã iwẽ uptabi, ihâiba ubuni. Zahadu aibâ te te isa'rese'õ. Ta hã â zô ab're u ma tô si'ra. Tawamhã â te te a'âri parimhã, ma tô apâ iré sai'u.

Zenezi 26:6

Ãne ma tô tawamhã Izaqui, Gera ãma hã 're sãmra.

Zenezi 26:8

Tawamhã Izaqui, taha 'remhã ma tô 're hâimana hâ pese. Tawamhã nimahã bâtâ na Abimelequi, filisteu norĩ nhib'apito hã ma tô Izaqui, timro Rebeca tinhib'rata na te te hâiba upi mono ré, zanela 'ri zadazâri hâimo hawi sipapara 'madâ.

Zenezi 29:17

Léia hã simirob'madâ'â warõire di. Raqueu si i'ubu wẽ, duré ihâiba wẽ.

Provébiu 29:25

Simimnhasi uptabi di, 'râwi dasima 're idapahi za'ra mono zé hã. Tane nherẽ, ni'wa 'Re ihâimana u'âsi mono si te te sina 're umnhasi mono wamhã, te za sima iwẽ na 're hâimana, tãma romnhimimnhasi ãna.

Mateu 10:28

Dahâiba te te dawi 're isimroi mono norĩ ma hã, tãma 're aipahi za'ra wa'aba mono õ di za, dapẽ'ẽzani hã te te dawi 're simroi waihu'u mono dai õ wa. 'Re ihâimana u'âsi mono si te za asima 're ipipa za'ra wa'aba mo. Taha ma si waihu'u pese di, dahâiba hã duré dapẽ'ẽzani zama, te te dawi 're i'a'uprosi mono zéb da hã.

Éfézu 5:25

Aibâ norĩ, Cristu hã tinhib'a'uwẽ norĩ te te 're i'azawi pese mono ne, te za aimro hã 're isawi pese za'ra wa'aba mo, tihâiba hã sawi ãna te te isõmri ne, sada dâ'â za'ra da.

Colosu 3:9

Taré asima 're asadawa nhipese za'ra wa'aba mono õ di za oto, 're anomro 'rata aba mono zé hã 're rẽme pese za'ra wa'aba mono nherẽ, uburé aiwasédé 're i'manharĩ za'ra wa'aba mono zé hã.