Zenezi 26:34 - ꞌRe Ihâimana Uꞌâsi Mono Zadawa Wasuꞌu

³⁴ Tawamhã Ezau ãma 40 na ãma iwahub ãma, ma tô Zudite, Beeri 'ra ãma hã timro, duré Basemate, Elõhõ 'ra sipi'õi ãma hã, hitita norĩ siré azarutu norĩ ãma.

Zenezi 26:34 ပူးပေါင်းရင်းမြစ်များ

Zenezi 24:3

Uburé Danhib'apito 'Re ihâimana u'âsi mono, hâiwa ãma duré ti'ai ãma zama uburé marĩ te te 're i'ab'madâ'â mono nhisi na ropisudu hã 'manharĩ, ĩ'ra Izaqui, niwa apto'o ré, ã hã Cana'ã na ti'ai wa'õtõ nho'õmo nhisi ãma 're ĩhâimana mono zéb ãma, pi'õ na imro da hã, tãma 'maipisutu tõ da.

Zenezi 27:46

Taha pari Rebeca, te Izaquihi u hã mo. Tawamhã te ãne tãma tinha: — Ezau, hitita norĩ nhipi'õ maparane tãma 'maihâimana zahuré wa, ma tô ĩwĩ sina ro'wa'ré pese zahuré. Tahawa, Zacoho zama hitita norĩ nhipi'õ na mro wamhã, ĩdâ'â da si za oto, ĩnhimirosa'rada hã.

Zenezi 28:8

Tawamhã Ezau, Cana'ã nhipi'õ, imama tõmo ma, te te irowẽ'õzé hã ma tô duré waihu'u.

Zenezi 28:9

Tahawa Ismaeu, Abra'ãhã 'ra nhorõwa u ma tô mo. Tawamhã i'ra sipi'õ Maalate, Nebaiotehe hidiba na ma tô timro, Ezau hã.

Zenezi 36:13

à hã duré Reu'éhé 'ra norĩ: Na'ate, Zera, Sama, duré Miza. Ta norĩ hã Ezauhu mro Basematehe nhihudu norĩ.

Zenezi 36:2

Ezau maparane pi'õ norĩ ãma ma tô timro zahuré, ti'ai wa'õtõ nho'u Cana'ã ãmam na, isisi hã Ada na, hitita norĩ siré Elõhõ 'ra hã. Duré imro hâiba amo nhisi hã Oolibama na, Anahã 'ra, Zibe'ãhã nhihudu, heveu norĩ siré hã.

Zenezi 36:5

Oolibama hã, Ze'usihi na, duré Zalãhã na, duré Coraha na. Ã norĩ hã Ezauhu 'ra, Cana'ã ãma 're hâimana mono ré ipoto za'ra.

Ezodu 34:16

Ai'ra norĩ wa'wa hã asiré a'uwẽ'õ norĩ sipi'õ na 're mro za'ra mono wamhã, tawamhã te aré ta norĩ hã ĩ'ãma 're ihâimana za'ra mono zém hawimhã ãma tipahâ za'ra, ĩ'upana ihâiba'õ norĩ ãma 're iwata za'ra mono na ãma 're wata za'ra mono da isiré.

1 Corĩtu 7:2

Tane nherẽ, aibâ norĩ hã mro ãna 're hâimana za'ra mono nherẽ, pi'õ na tiwasédé te te 're i'manharĩ za'ra mono zé hã, ahâ uptabi di. Duré pi'õ norĩ hã mro ãna 're hâimana za'ra mono nherẽ, aibâ na tiwasédé te te duré 're i'manharĩ za'ra mono zé hã, ahâ uptabi di. Tahawa, aibâ norĩ hã te za tô 're mro za'ra, timro me si 're hâimana za'ra mono da. Ãne hã wẽ uptabi di, pi'õ aimawi na tiwasédé te te 're 'manharĩ za'ra mono tõ da. Duré pi'õ norĩ hã te za tô 're mro za'ra aibâ na, timro me si 're hâimana za'ra mono da, ta norĩ zama, aibâ aimawi na tiwasédé te te 're 'manharĩ za'ra mono tõ da.

Hebreu 12:16

Duréihã Ezau hã tãma mrab uptabi wa, ma tô tino nhipi hã tiwi waptẽ, Zacoho wi. Tawamhã imama ma ipoto'rata zarina, uburé marĩ hã imama te te tãma ipisudu hã, duré 'Re ihâimana u'âsi mono, iwazéb zahi te te tãma ipisudu hã i'upana inoi ma 're hâimana mono da, ma tô tinoi ma ti'ru, isipi wa'rãmi Ezau hã, taha na sai õ ré. Ãne hã Ezau hã 're ihâimana wasété mono ne, te duré ni'wam norĩ hã asiré 're hâimana wasété za'ra wa'wa. Ta norĩ wi, te za 're asi'madâ'â pese za'ra wa'aba mo, sina 're isipsaihuri za'ra mono norĩ wi, 'Re ihâimana u'âsi mono hâimanazé te te 're iwazéb za'ra mono õ norĩ wi hã.

1 Samuéu 26:6

Tawamhã Dawi te hitita na a'uwẽ iwamri hã sadanha Aimereti duré Abisai, Zeru'iza na ina nhisi hã, Zoabihi sisãnawã hã ãne: — E 'wa hã te za ĩme mo, Sau norĩ te te sima i'ri nhoré za'ra zéb u hã. Tawamhã Abisai ma ãma sada'â ãne: — Wa hã wa za ãma mo asiré.