Zenezi 26:30 - ꞌRe Ihâimana Uꞌâsi Mono Zadawa Wasuꞌu

³⁰ Tawamhã Izaqui, dasa isa'ẽne te te tãma 'manharĩ za'ra wamhã, ma tô duré isimihârizé te te tãma i'manharĩ za'ra zém na tisa hã uburé ãma simihâri za'ra.

Zenezi 26:30 ပူးပေါင်းရင်းမြစ်များ

Zenezi 19:3

Tane nherẽ, Lo te nasi satõrĩ zadawa za'réi õ zahuré. Tahawa ma tô isõrõwa u oto isiré tineb zahuré. Tawamhã Lo, te danhimi'ru za'ra, dasa iwẽ na tãma danhipi zahuré da hã. Duré i'u'ẽtẽ wapu duptoi'õ da te tãma 'mazebre zahuré da, ma tô dama ti'ru. Tahawa itẽme isimasi hã taha na te oto tisa zahuré.

Zenezi 21:8

Tawamhã 'watébrémi oto prédu wamhã, ma tô oto tina hâ hã tirẽ. Tahawa tina hâ te te irẽmezé bâtâ na, ma tô Abra'ã dasa na dato isa'ẽne hã 'manha.

Zenezi 26:31

Tawamhã duré awẽm na mararé uptabi utu zahuré wamhã, ma tô roti na hã sisaze zahuré. Ma tô duré ropisudu hã sima 'manharĩ zahuré. Taha pari Izaqui sisa'u te te sawi wamhã, ma tô oto rowẽ sina hã ai'aba'ré.

Zenezi 31:54

Tawamhã tame ẽtẽ nhisiwi ma tô danhimizama zata na hã oto tinhopru, 'Re ihâimana u'âsi mono ma. Tahawa ma tô tisiré norĩ hã waptẽrẽ za'ra, siré saihuri da. Tawamhã saihuri pari, tô taha mara na ma tô oto tame tinhotõ za'ra.

Ezodu 18:12

Tawamhã Zetru, Mozésihi maprewa, 'Re ihâimana u'âsi mono ma, ma tô tinhimizama zata na tãma tinhopru. Tahawa, ma tô Arã norĩ hã, uburé Izaraéu nhihudu nhib'ihâ'a norĩ me hã ime ai'aba'ré, 'Re ihâimana u'âsi mono nho're imaprebaba siré saihuri da hã.

Roma 12:18

Asada 're dahâimana za'ra wa'aba mono nherẽ, rowẽ na si dasiré 're aihâimana u'âsi za'ra wa'aba mono da, te za asina 're irosa'rata wẽ u'âsi za'ra wa'aba mo.

Hebreu 12:14

Rowẽ zô te za 're asõpré wa'aba mo, dasiré 're aihâimana za'ra wa'aba mono da. Duré 'Re ihâimana u'âsi mono ma si 're asisõmri u'âsi za'ra wa'aba mono da, te za 're asi'madâ'â pese za'ra wa'aba mo. Ãne hã ni'wam norĩ hã 're hâimana wẽ za'ra mono õ nherẽ, niwamhã Wanhib'apito hã titõmo na te te dame 'madâ'â za'ra õ di za, ta norĩ hã.

1 Pedru 4:9

Te za duré 're ida'mazasi wẽ za'ra wa'aba mo ari'iwi, 're dawata'ẽ za'ra wa'aba mono ãna.