Zenezi 26:25 - ꞌRe Ihâimana Uꞌâsi Mono Zadawa Wasuꞌu

²⁵ Tawamhã Izaqui, tame ẽtẽ za'ra te te 'manharĩ wamhã, ma tô Uburé Danhib'apito ãma tiwata. Duré tô taha ti'ai 're romhâ 'manharĩ na te te sima 'ri nhoré mono wamhã, ma tô duré tame tãma romhuri'wa norĩ hã â zô ab're hã siwi ab're.

Zenezi 26:25 ပူးပေါင်းရင်းမြစ်များ

Zenezi 13:18

Tawamhã ãne te te tãma waihu'u wa, Abrã te te sima i'ri nhoré mono zé hã ma tô te te awasihu, te te aza'ré da 'ri hã, rowede iwazéb zahi, Mare na isisi 'rata 're hâimana mono da oto, 'ri nho'u Hebrõ na isisi 'rata 're isa mono ãma. Tame ma tô Abrã, Uburé Danhib'apito ma, ẽtẽ za'ra hã 'manha, ãma iwatazéb da hã.

Zenezi 13:4

Tawamhã duré ẽtẽ za'ra imorĩ'rata na te te aré i'manharĩ 'rata u wisi wamhã, ma tô Uburé Danhib'apito ãma tiwata.

Zenezi 22:9

Tawamhã 'Re ihâimana u'âsi mono, ẽne te te tãma ipisutu u oto simasisi wamhã, ma tô Abra'ã, ẽtẽ za'ra hã 'manha. Duré ẽtẽ nhisi wi, ma tô mi hã sa'ra. Taha pari, ma tô ti'ra Izaqui pa ubumro, te te wapre mono da. Te te wapre mono pari, ma tô mimi za'ra nhisi wi oto tihi.

Zenezi 26:32

Tawamhã tô taha bâtâ na Izaquihi ma romhuri'wa norĩ te te siwi i'ab're wa, ub're nasi ipu ãne te te tãma wasu'u za'ra da hã, ma tô itẽme ai'aba'ré: “Wa te wasiwi i'ab're 'remhã â hã wa tô wasiwi sõpẽtẽ ni!”

Zenezi 33:20

Tawamhã tame ma tô 'Re ihâimana u'âsi mono ma, danhimizama zatazéb da ẽne hã tisã, hâiwi. Ta hã ma tô sisi El na, Izaraéu nhihudu norĩ te, 'Re ihâimana u'âsi mono nhisi na.

Zenezi 35:1

Tawamhã 'Re ihâimana u'âsi mono, Zacoho ma, te ãne tinha: — Ma'ãpé asima rob'ubumro na, Bétéu u apâ aimorĩ da, tame 're aihâimana mono da. Tame te za ẽtẽ za'ra ĩma danhoprubzé zata zéb da hã ĩma i'manha, wa hã 'Re ihâimana u'âsi mono, adub'rada Ezauhu wi aimani wa, aima ĩsihâi'ré ma.

Zenezi 4:26

Tawamhã duré Setihi ma, ma tô i'ra hã tãma 'maipodo. Ta hã ma tô duré sisi, Enosi na. Tawamhã tame ma tô oto Uburé Danhib'apito nhisi waptẽrẽ na hã ãma 're dawata na'rata za'ra.

Zenezi 8:20

Tawamhã Nowé, ẽtẽ za'ra hã ma tô 'manha, Uburé Danhib'apito ma, ãma tãma isõprubzé te te ãma zata da. Taha pari, si norĩ abaze norĩ me, 'Re ihâimana u'âsi mono ma, iwẽ hã ma tô nima norĩ si 'mai'âri za'ra. Tawamhã ta norĩ hã ma tô ẽtẽ za'ra nhisiwimhã tãma zata za'ra.

Ezodu 17:15

Tawamhã Mozési, ma tô ẽtẽ za'ra hã 'manha. Tahawa, ma tô ãne sisi: “Uburé Danhib'apito, dasi'wapé da, zazahâi waré hâimo isipra tẽme 're idasito mono ne, te ĩnhiptetezé hã ĩma tihâiba.”