Zenezi 26:24 - ꞌRe Ihâimana Uꞌâsi Mono Zadawa Wasuꞌu

²⁴ Tawamhã tô taha mara na, Uburé Danhib'apito tãma sihâi'ré wamhã, te ãne tãma tinha: — Wa hã, Abra'ã aimama te, 'Re ihâimana u'âsi mono. Aipahi õ di za, wa hã asiré 're ĩhâimana u'âsi mono wa. Ĩma romhuri'wa Abra'ãhã u'âbâ, wa za iwẽ hã te aima 're apisutu. Duré asihudu norĩ ahâ uptabi na 're hâimana za'ra mono da wa za aima 'manha.

Zenezi 26:24 ပူးပေါင်းရင်းမြစ်များ

Zenezi 13:16

Asihudu norĩ hã ti'a zapru ahâ uptabi na 're ihâimana za'ra mono ne, wa za ahâ uptabi na 're hâimana za'ra mono da hã tãma pisutu za'ra. Ti'a zapru hã da te 're isa'rata waihu'u za'ra mono õ ne, duré asihudu norĩ, da te 're isa'rata waihu'u za'ra mono da hã mare di za.

Zenezi 15:1

Tawamhã ãhã parip si Abrã ma tô sõtõ 'rowim ne marĩ 'madâ. Taha na te Uburé Danhib'apito ãne tãma tinha: — Abrã, aipahi tõ. Marĩ isimimnhasi wi wa za wa hã 're ĩsimapa, ai'wawi. Duré iwẽ wa za te aima 're anhomri.

Zenezi 17:7

Ĩnhimiropisutuzé õne u'â aima 're hâimana mono da, duré asihudu norĩ ma zama õne u'â tãma 're hâimana za'ra mono da zama wa aima 'manha ãne: Õne u'â, ate 'Re ihâimana u'âsi mono na, duré asihudu norĩ te 'Re ihâimana u'âsi mono na, wa za tãma 're ĩhâimana za'ra.

Zenezi 17:8

Ti'a wa za aima tisõ. Asihudu norĩ ma zama wa za tisõ, dasiré a'uwẽ'õ na iwa 're i'aihâimana mono zé hã. Uburé Cana'ã ãma ti'a te za õne u'â asihudu norĩ ma, ite na tãma 're hâimana za'ra. Tawamhã wa za duré ite za'ra na 'Re ihâimana u'âsi mono na tãma 're ĩhâimana za'ra.

Zenezi 21:17

Tawamhã 'Re ihâimana u'âsi mono, 'watébrémi wawa hã ma tô wapa. Tahawa 'Re ihâimana u'âsi mono ma, Hâiwa ãma Romhuri'wa, hâiwa hawi we te te 'mahârâ wamhã, te ãne Agaha ma tinha: — Aga, e marĩ da, te aihâtâ'â na hã aihâiba. Aipahi tõ. 'Re ihâimana u'âsi mono hã ma tô 'watébrémi wawa hã wapa isãrĩzém hawi.

Zenezi 22:17

Asihudu sidâpâsi ahâ uptabi na 're hâimana za'ra mono da, wa za 'manha, wasi, hâiwa na 're isimasa mono ne, duré pazaihâ na supara 're isimi'wara mono ne. Asihudu norĩ hã te za tinhitob'ru norĩ te, 'ri nho'õmo norĩ ãma te te 're ai'uté za'ra.

Zenezi 22:19

Tawamhã Abra'ã, tite romhuri'wa norĩ isimasisi zahuré zéb u ma tô apâ mo. Tamomo apâ wisi wamhã, ma tô siré oto ai'aba'ré, Beseba na 'ri wa'õtõ u. Tawamhã tame te oto 're sãmra, Abra'ã hã.

Zenezi 24:12

Tawamhã ma tô mre ãne: — Uburé Danhib'apito, ĩnhib'apito Abra'ãhã te, 'Re ihâimana u'âsi mono, ma'ãpé uburé marĩ iwẽ na ĩma watobro da, ĩma 'manharĩ. Duré ĩnhib'apito ma, iwẽ si tãma 're 'manharĩ u'âsi mono.

Zenezi 28:13

Tahawa, te te isahoi mono 'remhã te Uburé Danhib'apito, sai'urizé zababamhã za. Ãhã wamhã, te tãma tinha ãne, ta hã: — Wa hã Uburé Danhib'apito, ai'rada Abra'ãhã te, duré Izaqui aimama te, 'Re ihâimana u'âsi mono. Ti'a iwa i'anomrozé hã wa za aima tisõ. Asihudu norĩ ma zama wa za tãma sõmri za'ra.

Zenezi 28:15

Wa hã wa za asiré 're ĩhâimana u'âsi. Wa za duré ai'wawimhã 're ĩsimapa, nimomo 're ane mono sidâpâsi. Wa za duré ã hã ti'ai u we apâ ai'ãma siri. Te i'airẽme da hã mare di, uburé ĩnhimiropisutuzé te aima ãma i'uwaimramizéb u.

Zenezi 28:3

'Re ihâimana u'âsi mono danhipai u iwaihu'u pe, iwẽ hã te te aima 're i'apisutu mono da si, wa ĩsima wẽ. Duré asihudu norĩ ahâ uptabi na aihawimhã a'uwẽ mono bâ sipu'u pese na 're isitébré mono da si, wa duré ĩsima wẽ.

Zenezi 30:27

Tawamhã Labã, ma te ãma sada'â ãne: — Ĩzawi na hã ma'ãpé ĩ'rata 're aihâimana u'âsi mono. E marĩ wa. Wa hã marĩ te i'manharĩ nhipese na, wa tô waihu'u, aihâiba u'âbâmhã Uburé Danhib'apito iwẽ na te te 're ĩpawapto mono zéb zarina hã.

Zenezi 31:5

Tawamhã itẽme simasisi wamhã, te ãne tãma nharĩ zahuré: — Aimama 'wa ĩsiwaihu'u na imorĩ'rata na ĩma ihâimana nei õ na isihâi'rézém na wa tô 'madâ'â waihu'u. Tane nherẽ, ĩmama te, 'Re ihâimana u'âsi mono hã te ĩsiré 're hâimana u'âsi.

Zenezi 39:2

Tame Uburé Danhib'apito, Zuzéhé siré 're hâimana u'âsi mono wa, te uburé marĩ hã te te 're ab'manharĩ wẽ u'âsi. Tawamhã te oto tinhib'ihâ'a nhorõwa ãma 're sãmra, ezipsiu nhorõwa ãma.

Zenezi 39:3

Ãne wa, Zuzéhé nhib'ihâ'a ma tô ãma waihu'u, 'Re ihâimana u'âsi mono isiré 're hâimana mono wa, uburé marĩ te te 're i'ab'manharĩ wẽ mono na te te 're ipawapto mono na hã.

Zenezi 46:1

Tawamhã Zaco, uburé tinhimarĩ ré ma tô oto watobro. Watobro wamhã, ma tô Beseba u hã wi. Tame ma tô imama Izaquihi te, 'Re ihâimana u'âsi mono ma, danhimizama zata na tinhopru, ãma iwatazéb da hã.

Ezodu 14:13

Tane nherẽ, Mozési, ma te ãne ãma sada'âbâ za'ra: — Aipahi za'ra wa'aba tõ. Ma'ãpé asiptete na aihâimana za'ra wa'aba. Tawamhã te za i'madâ'â za'ra wa'wa, ã bâtâ na Uburé Danhib'apito te te i'asõ'reptu za'ra wa'aba zé hã. Tahawa ã hã ezipsiu norĩ, niwamhã ihâiba pibu zahu za'ra wa'aba da hã, mare di za.

Ezodu 3:6

— Wa hã aihi'rata norĩ nhib'apito 'Re ĩhâimana u'âsi mono, Abra'ãhã nhib'apito, Izaquihi nhib'apito, duré Zacoho nhib'apito. Tawamhã Mozési ma tô si'ubu zuwa, pahi wa, 'Re ihâimana u'âsi mono te te i'madâ'â da hã.

Mateu 22:32

“Wa hã Abra'ãhã nhib'apito, wa 're ĩhâimana u'âsi, duré Izaquihi nhib'apito, duré Zacoho nhib'apito.” Ãne ma tô 'Re ihâimana u'âsi mono hã Abra'ã norĩ uirĩ na nherẽ, Mozésihi ma, siwaihu'u. Wahi'rata norĩ hã dawi 're dâ'â za'ra mono nherẽ, 'Re ihâimana u'âsi mono wi, 're dâ'â za'ra mono õ di. Tahawa, ma tô Isib'apito za'ra na siwasu'u. Dâ'â u'âsi 're hâimana za'ra mono 'wa'âhã, Isib'apito za'ra na aré siwasu'u õ di.

Luca 12:32

Te duré tãma nharĩ za'ra, ãne: — Ĩsiré norĩ, ai'umrore wa'aba nherẽ, asina 're aihâtâ'â za'ra wa'aba mono õ di za. Aimama 'wa hã Danhib'apito uptabi hã, te za aima pisutu za'ra wa'wa, isiré dama 're roti za'ra wa'aba mono da. Ãne ma tô sima aiwẽ za'ra wa'wa.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:32

“Wa hã 'Re ihâimana u'âsi mono, aihi'rata norĩ nhib'apito, Abra'ãhã nhib'apito, duré Izaquihi nhib'apito, duré Zacoho nhib'apito.” Tawamhã Mozési hã imreme te te wapari wamhã, te tãma rẽrẽ, pipa te. Tãma pahi wa, te te 'madâ'â waihu'u õ di.

Hebreu 11:16

Tane nherẽ, daro iwẽ uptabi zô si ma tô ta norĩ hã sima 're sõpré, hâiwa ãma sô 're ihâimana za'ra mono zô si, iwa 're isi'ubumroi u'âsi mono zéb da hã. Tahawa, 'Re ihâimana u'âsi mono te te siwi wẽ'õ za'ra õ di, tinhib'apito na te te 're sisi za'ra mono tõ da hã. Taha zarina, ma tô oto tô 'ri nho'u hã iwẽ uptabi hã tãma 'manharĩ za'ra, iwa 're isi'ubumroi u'âsi mono zéb da hã, tirop téb ãma.

Hebreu 13:6

Tahawa, 'Re ihâimana u'âsi mono hã wa te wasina 're i'umnhasi za'ra mono zéb zarina, wa za ãne wa te wasima 're nharĩ za'ra, duréihã apito Dawi hã te te sima inharĩ ne, ãne: “Õhõ si Danhib'apito uptabi te te 're ĩpawaptob u'âsi. Tahawa, marĩ ma, 're ĩpahi mono õ di. E 'wa ãne wamhã, marĩ te te ĩ'ãma 'manharĩ da bâ.” Ãne duréihã Dawi hã 'râwi te te sima inharĩ ne, wa za duré wa norĩ hã wa te wasima 're nharĩ za'ra, isine ãhã na mono hã.

Apocalipsi 1:17

Tawamhã õ hã te 'madâ'â wamhã, wa tô ipapara aime sa'ẽtẽ, ĩdâ'â ne, ĩpahi te. Tane nherẽ, ma tinhib'rata nhimire niwĩ ĩ'upi, ĩpahi tõ da. Ãne te ãhã wamhã ĩma tinha: — Ĩma aipahi tõ. Wa hã romna'rada duré rob'rãsudu.

Ruti 3:11

Tahawa, ãhã na hã aipahi tõ. 'Ri nho'õmo ãma hã dama aiwaihu'u pese di, a hã pi'õ, rob'uwaibaba na si 're i'aihâimana mono zém na hã. Tahawa, uburé wa za ab'manha, ĩwi iwaptẽrẽzéb zarina.