7 Tawamhã Abra'ã, 175 na ãma iwahum na ma tô 're hâimana.
Tawamhã Abrãhã ãma 75 na iwahub ãma, ma tô Harã hawimhã oto mo, Uburé Danhib'apito te te tãma iwaihu'uzéb zarina. Taha wamhã, Lo ma tô isiré hã mo.
Tawamhã Izaquihi ãma hã ma tô oto tiwahu, 180 na.
Tawamhã si'ihi pese wamhã, Izaqui hã ma tô oto dârâ. Tahawa, i'ra Ezau norĩ, Zacoho me ma tô sẽrẽ zahuré.
Tawamhã duré Ezitu ãma 're isãmra mono zém na hã ma tô ãma tiwahu 17 na. Ãhã wa, ãma isitom na ma tô ãma tiwahu, 147 na.
Tahawa, Zaco ma tô sada'â ãne: — 130 na ma tô oto ĩ'ãma tiwahu, hâiwi si nimomomhã 're ĩmorĩ ré hã. 'Re ĩhâimana mono zé hã 'ruture di, duré pire di. Tahawa, ĩhi'rata norĩ ãma wahub ahâ na 're iwahub za'ra mono ne, ĩ'ãma iwahub ahâ da hã waihu'u õ di.
Tawamhã Zuzé, 110 na ãma iwahub ãma ma tô oto dârâ. Tahawa, te te siwi hâiba u'réi parimhã, ma tô Ezitu ãma wedehâ're 're oto siwi tisẽ.