Zenezi 24:7 - ꞌRe Ihâimana Uꞌâsi Mono Zadawa Wasuꞌu

⁷ Uburé Danhib'apito, 'Re ihâimana u'âsi mono, hâiwa ãma 're isãmra mono ma tô ĩmama nhorõwa hawimhã, duré ĩsisãnawã norĩ nhipti'ai hawimhã we ĩwaze, ãwamhã. Duré ĩnhihudu norĩ ma, ã hã ti'a te te sõmri da, ma tô ĩma ropisutu. Õ hã te za tite hâiwa ãma romhuri'wa we satõ, te te asaprõni wẽ da hã. Ãhã wamhã te za ĩ'ra ma, pi'õ we tãma i'mazaprõ.

Zenezi 24:7 ပူးပေါင်းရင်းမြစ်များ

Zenezi 13:15

Ta hã wa za asihudu norĩ ma ropibuma aima tisõ, õne u'â asihudu norĩ nhipti'a na tãma 're hâimana za'ra mono da, ã hã i'ab'madâ'â mono hã.

Zenezi 15:18

Tawamhã tô taha bâtâ na ma tô Uburé Danhib'apito, Abrãhã ma, tinhimiropisutuzé hã tãma 'manha, ãne: — Asihudu norĩ ma, ã hã ti'a te tãma sõmri za'ra da wa ĩnhimiropisutu zahi hã 'manha, Ezitu ãma ti'a zada'ré inomro hawi, panho'u Eufrati na isisi u hã,

Zenezi 16:7

Tawamhã a'ubuni wi rop si 're irosa'wari mono ãma, Su na romnhisi u bâdâdi inomro 'rata ub're ihâimana ãma sãmra ré, ma tô Uburé Danhib'apito ma, hâiwa ãma romhuri'wa sô 're irĩtĩ mono hã tisã.

Zenezi 17:8

Ti'a wa za aima tisõ. Asihudu norĩ ma zama wa za tisõ, dasiré a'uwẽ'õ na iwa 're i'aihâimana mono zé hã. Uburé Cana'ã ãma ti'a te za õne u'â asihudu norĩ ma, ite na tãma 're hâimana za'ra. Tawamhã wa za duré ite za'ra na 'Re ihâimana u'âsi mono na tãma 're ĩhâimana za'ra.

Zenezi 21:17

Tawamhã 'Re ihâimana u'âsi mono, 'watébrémi wawa hã ma tô wapa. Tahawa 'Re ihâimana u'âsi mono ma, Hâiwa ãma Romhuri'wa, hâiwa hawi we te te 'mahârâ wamhã, te ãne Agaha ma tinha: — Aga, e marĩ da, te aihâtâ'â na hã aihâiba. Aipahi tõ. 'Re ihâimana u'âsi mono hã ma tô 'watébrémi wawa hã wapa isãrĩzém hawi.

Zenezi 22:11

Tane nherẽ, te te sada sarõtõ wi, Uburé Danhib'apito te, hâiwa ãma romhuri'wa, te hâiwa hawi 'mahâ ãne: — Abra'ã. Abra'ã. — E marĩ. Ãhãta wa za. — Ãne ma asa sada'â.

Zenezi 24:3

Uburé Danhib'apito 'Re ihâimana u'âsi mono, hâiwa ãma duré ti'ai ãma zama uburé marĩ te te 're i'ab'madâ'â mono nhisi na ropisudu hã 'manharĩ, ĩ'ra Izaqui, niwa apto'o ré, ã hã Cana'ã na ti'ai wa'õtõ nho'õmo nhisi ãma 're ĩhâimana mono zéb ãma, pi'õ na imro da hã, tãma 'maipisutu tõ da.

Zenezi 24:40

Tahawa, ma te ãne asa ãma ĩma wa'rã: “Wa hã sena na Uburé Danhib'apito mreme hã wa tô te 're wapari pese. Ta hã te za tite hâiwa ãma romhuri'wa we atẽme satõ, asiré 're morĩ wa, uburé marĩ aima watobro wẽ da, i'uwaibaba na. Tawamhã te za ĩsiré a'uwẽ norĩ 'remhã, ĩmama siwapru norĩ 'remhã pi'õ ĩ'ra ma da hã i'maipisu.

Zenezi 26:24

Tawamhã tô taha mara na, Uburé Danhib'apito tãma sihâi'ré wamhã, te ãne tãma tinha: — Wa hã, Abra'ã aimama te, 'Re ihâimana u'âsi mono. Aipahi õ di za, wa hã asiré 're ĩhâimana u'âsi mono wa. Ĩma romhuri'wa Abra'ãhã u'âbâ, wa za iwẽ hã te aima 're apisutu. Duré asihudu norĩ ahâ uptabi na 're hâimana za'ra mono da wa za aima 'manha.

Esdra 1:2

“Wa hã Ciru, Persia nhib'apito, wa aima nharĩ za'ra wa'wa ãne: Uburé Danhib'apito, 'Re ihâimana u'âsi mono hâiwa ãma 're isãmra mono hã ma tô ti'ai ãma uburé te 're ida'ab'madâ'â mono da hã danhib'ihâ'a na 're ĩhâimana mono zé hã ĩma tisõ. Ma tô duré ĩpisutu, Zeruzalẽ ãma iwa 're idawata za'ra mono zé 'ri hã te tãma sãrĩ da, Zuda na romnhisi ãma.

Salmu 103:20

Uburé Danhib'apito ãma si 're aiwata za'ra wa'aba mono, hâiwa ãma romhuri'wa asiptete na 're i'aihâimana za'ra wa'aba mono norĩ, duré imreme 're iwapari pese za'ra wa'aba mono na 're i'aihâimana za'ra wa'aba mono norĩ hã!

Salmu 32:8

Uburé Danhib'apito te ĩma tinha ãne: “Bâdâdi iwẽ na wa za ãma aima te 're rowasu'u, nimomo 're i'ane mono da hã. Wa za te 're asaprõni u'âsi. Duré wa za te 're ai'madâ'â pese.

Salmu 34:7

Hâiwa ãma Uburé Danhib'apito ma, Romhuri'wa te uburé te te 're iwazéb za'ra mono norĩ 'wawimhã 're hâimana, marĩ isimimnhasi wi, te te 're a'madâ'â mono da.

Ezodu 13:5

Uburé Danhib'apito tô sena ma tô duréihã aihi'rata norĩ wa'aba ma hã ropisutu, i'uirĩ na za'ra ti'a te te aima sõmri za'ra wa'aba da, cananeu norĩ te hã, hitita norĩ te hã, amoreu norĩ te hã, heveu norĩ te hã, duré zebuzeu norĩ te zama. Ta hã ti'a hã iwẽ, duré ãma iropoto wẽ. Tawamhã 'Re ihâimana u'âsi mono nimahã bâtâ na ti'ai u te te oto asimroi wa'aba mono wamhã, tawamhã a norĩ wa'wa hã te za dato hã 're i'manharĩ za'ra wa'aba mo, wahub sidâpâsi a'amo za'ratazé imorĩ'rada iwa 're iwaptã'ã mono sidâpâsi.

Ezodu 32:13

Ma'ãpé asib'a'uwẽ Abra'ã norĩ ãma Izaqui, duré Zaco, ãma aipo're pu'u za'ra na. Duré hâiwa na wasi ahâ uptabi na 're isimasa mono ne, isihudu norĩ ahâ na 're hâimana za'ra mono da, tãma iropisutu za'ra zém na zama ãma aipo're pu'u. Duré isihudu norĩ ma, uburé ti'a za tãma sõmri za'ra wa, itede'wa na õne u'â 're hâimana za'ra mono da, tãma iropisutu za'ra zém na zama aimreme na hã aipo're pu'u.

Ezodu 33:2

Hâiwa ãma ĩma romhuri'wa hã wa za asõwab za'ra wa'aba hã satõ, te te aima sani za'ra wa'aba da, cananeu norĩ hã, amoreu norĩ hã, hitita norĩ hã, perizeu norĩ hã, heveu norĩ hã, duré zebuzeu norĩ hã.

Daniéu 2:44

Tawamhã apito norĩ ãne na 're hâimana za'ra mono ré, 'Re ihâimana u'âsi mono hâiwa ãma 're isãmra mono hã te za danhib'ihâ'a nhimi'madâ'âzé niwa za da te ipru waihu'u'õ hã pisutu, aimawi danhib'ihâ'a norĩ te te ãma i'ai'uté za'ra õ hã. Tawamhã ã hã te za aimawi ihâiba amo norĩ danhib'ihâ'a nhimi'madâ'âzé hã uburé pese uprosi pese. Tahawa, te za õhõ si oto 're hâimana u'âsi, pire na apito nhimi'madâ'âzém na hã.

Zona 1:9

Ãne te tãma siwasu'u za'ra, Zona hã: — Wa hã hebreu na ĩwamri. Duré Uburé Danhib'apito 'Re ihâimana u'âsi mono ãma si wa ãma 're ĩwata, hâiwa ãma 're isãmra mono ãma, âporé 'manharĩ'wai ãma, duré ti'ai 'manharĩ'wai ãma.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:5

Tane nherẽ, we te te saprõni nherẽ, te te tãma sõmri uptabi õ di, ti'a hã ite da. Tahawa, te ãne hã tãma tinha: “Tô sena, ti'a, wa za aima tisõ, ate da, asihudu sidâpâsi, asihudu norĩ te da.” Ãne ma tô tãma ropisutu, Abra'ãhã ma, 'ra õ ré.

Hebreu 1:14

E niha tawamhã, hâiwa ãma romhuri'wa norĩ 're ihâimana za'ra mono zé hã. Ta norĩ hã ihâiba'õ, 'Re ihâimana u'âsi mono ma, romhuri'wa norĩ. Ta norĩ si ma tô 'Re ihâimana u'âsi mono hã te te 're satõrĩ za'ra ti'ai u, za te te isõ'reptu za'ra norĩ hã te te 're pawaptob za'ra mono da, ti'ab ré. Taha na si, ta norĩ nhimiromhurizé hã te tãma 're hâimana za'ra.

Hebreu 11:9

'Re ihâimana u'âsi mono si te te sina 're i'umnhasi mono zéb zarina, ma tô darob amoi ãma 're sãmra Abra'ã hã, dasiré õ nherẽ, 'Re ihâimana u'âsi mono, za ãma isa'ru da hã te te tãma ipisutuzéb ãma. Ãhã wamhã, romhâ 'manharĩ na 'ri wa, te oto 're sãmra, 'ri uptabi õ wa. Izaqui norĩ hã ma tô duré romhâ 'manharĩ na 'ri wa, 're simasisi zahuré, Zacoho me. Ta norĩ ma, ma tô duré ropisutu zahuré, Abra'ãhã ma te te iropisutu ne, 'Re ihâimana u'âsi mono hã.

Zozué 1:6

Asiptete, duré asib'ru na, a hã za ã hã a'uwẽ norĩ hã simroi mono dâ'âsina, ti'a te te siwi âri da hã, ihi'rata norĩ ma, te tãma ãma iropisutu za'ra hã.

Zozué 24:3

Tane nherẽ, wa hã, Abra'ã Eufrati pa zara niwĩ ti'ai hawimhã wa tô waze, uburé ãme Cana'ã ti'ai mono bâ 're morĩ da. Wa hã wa tô duré tãma sõmri za'ra isihudu hã, ahâ uptabi na hã. Abra'ãhã ma, Izaqui hã wa tô tãma tisõ.

Apocalipsi 11:13

Tawamhã zasi zahuré wi, awa'awi te za sa'ẽtẽ uptabi ti'a sãsã hã watobro. Watobro wamhã, 'ri hã nima norĩ hã te za sina, Zeruzalẽ ãma, 'ri nho'õmo 'remhã 're isimasa mono hã. 10 na 'ri 'maihâimana wamhã, te za misi si dawi rere'e. Te za duré 7 miu na tadâ'â za'ra ni, ti'a sãsã'ã na hã. Tawamhã dadâ'â ãna idasi'atarẽme mono hã te za tapahi uptabi za'ra ni. 'Re ihâimana u'âsi mono ãma te za tawata za'ra ni, hâiwa ãma 're isãmra mono ãma, simi'manharĩ waihu'u pese uptabi wa.

Zuize 2:1

Tawamhã Uburé Danhib'apito ma hâiwa ãma romhuri'wa Gilga na 'ri nho'õmo nhisi hawi ma tô mo, Boqui na romnhisi u. Morĩ wamhã, ma tô Izaraéu nhihudu norĩ ma nharĩ za'ra ãne: — Wa hã wa tô Ezitu hawimhã asani za'ra wa'wa, aihi'rata norĩ wa'aba ma, ti'a na te tãma iropisutuzéb u, te asimroi wa'aba mono da hã. Tahawa, wa tô tinha ãne: “Niwamhã te aima iropisutu za'ra wa'aba zé hã te ĩsiwi sitob õ di za, 'ridawa haré.