Zenezi 24:61 - ꞌRe Ihâimana Uꞌâsi Mono Zadawa Wasuꞌu

⁶¹ Tawamhã Rebeca, tite romhuri'wa norĩ me ma tô sima ro'ubumro za'ra. Duré awaru ba'õmore te te sima bazadâ za'ra wamhã, ma tô oto Abra'ãhã ma romhuri'wa norĩ siré hã ai'aba'ré. Ãne ma tô oto ta norĩ hã wairé.

Zenezi 24:61 ပူးပေါင်းရင်းမြစ်များ

Zenezi 2:24

Ãne wa, te za aibâ, timama tina me te te 're rẽme zahuré, timro me si, sina sihâiba sitom haré 're hâimana zahuré mono da oto. Tawamhã te za maparane ihâiba nherẽ, misi dahâiba ne oto siré 're hâimana zahuré.

Zenezi 24:60

Tawamhã iwẽ hã ma tô Rebecaha ma, pisutu za'ra ãne: “Wahidiba, a hã da'ahâ uptabi 'rata na 're i'aihâimana mono da si, iwẽ hã. Duré asihudu norĩ, tinhitob'ru norĩ te, 'ri nho'õmo ãma hã te te 're i'ai'uté za'ra mono da si, iwẽ hã.”

Zenezi 24:62

Taha ré Izaqui, ma tô apâ sina siri, Be'e-La'ai-Ro'i hawi, Negevi na supara si 're iropsa'wari mono zém nhisi ãma 're hâimana mono wa.

Zenezi 31:34

Tahawa, ma tô uburé na te te sô rowaimrami. Tane nherẽ, te te sãmri za'ra õ di, Raqueu awaru ba'õmore bazadâ siwapsẽrẽ 're te te simi'uri za'ra wa, duré isisiwi sãmra wa.

Salmu 45:10

Apito siwẽ, ma'ãpé ĩnhimiroti hã wapari pese ane: “Asiré a'uwẽ norĩ ãma te za aipo're si'â, duré asisãnawã norĩ ãma hã.

Zuize 5:30

“Ãté tiha te te iwaibu za'ra na te ãma sima sipo'o zahadu ãhã na hã, dasi'wapéi 'manharĩ'wa si'aibâ norĩ ma misi pi'õ hã, niha wamhã maparane aibâ mono bâ hã, duré Siseraha ma zazahâ ihâi waipo na hã, duré ihâ siwamnarĩ na hã pi'õ dama i'rãnho'õmo butu ubuzéb da hã.”

1 Samuéu 25:42

Tawamhã ma tô wara sina wahudu, awaru po'repore na sarõtõ da hã oto. Tahawa, 5 na tãma romhuri'wa sipi'õ norĩ ré hã ma tô mo, Dawihi ma romhuri'wa norĩ siré. Tawamhã ma tô oto ãma timro.

1 Samuéu 30:17

Tawamhã ãma awẽ wamhã, rowa'a wi ma tô Dawi hã a'wapé marazéb u. Tahawa, ni'wa hã simani õ di. 400 na aibâ ipréduptém norĩ, awaru ba'õmore te te sima ibazadâ za'ra na si, ma tô tawamhã ãma aimani za'ra.