Zenezi 24:6 - ꞌRe Ihâimana Uꞌâsi Mono Zadawa Wasuꞌu

⁶ Tawamhã Abra'ã ma te asa ãma tãma wa'rã ãne: — Mare di, tamomo apâ ĩ'ra te te sina isiri da hã.

Zenezi 24:6 ပူးပေါင်းရင်းမြစ်များ

Zenezi 24:5

Tawamhã tãma iromhuri'wa te asa ãne sadanha: — Bété azarudu we ĩme morĩ da, te te sima rowẽ õ wamhã, e marĩ, wa za 'manha. E ai'ra wa za aihâimanazéb 'rata u apâ hã saprõ.

Zenezi 24:8

Tawamhã pi'õ we asiré morĩ da, te te sima rowẽ õ wamhã, a hã te za ropisudu ĩma 'manharĩ nherẽ, asima iwẽ na aihâiba za. Tane nherẽ, ĩ'ra apâ tamomo isaprõni da hã mare di za.

Galata 5:1

Zezu Cristu hã ma tô wa'anho'reptui pa, rowẽ na ãma 're wahâimana za'ra mono da. Tahawa, 'Re ihâimana u'âsi mono nhimiroti 'rata na rob'ui'éré zarina, wa te 're irob'manharĩ za'ra mono zém na, 're wanhopré mono õ di za oto, taha zarina te te õ hã 're wa'anho'reptui mono õ wa oto. Ãne wa, tô senai'õ na rowasu'u'wa norĩ wi 're asiptete za'ra wa'aba mono za oto, isimiroti na 're aihâimana za'ra wa'aba mono wa, apâ robzei'õ na 're anomro aba mono tõ da.

Hebreu 10:39

Tane nherẽ, ta norĩ ne, wa norĩ hã 're wahâimana za'ra mono õ di oto. Nimahã na 'Re ihâimana u'âsi mono wi 're wasipizari za'ra mono õ di, ta norĩ ne. Tahawa, 'Re ihâimana u'âsi mono hã niwamhã ta norĩ zu te te wa'uprosi õ di za. Taha si wa tô wa te wasina 're umnhasi u'âsi za'ra, te te 're iwa'anho'reptui mono da hã. Taha zarina te za tô wa norĩ hã wa'anho'reptu, i'rata oto 're iwahâimana u'âsi za'ra mono da hã, 'râwi.

Hebreu 11:9

'Re ihâimana u'âsi mono si te te sina 're i'umnhasi mono zéb zarina, ma tô darob amoi ãma 're sãmra Abra'ã hã, dasiré õ nherẽ, 'Re ihâimana u'âsi mono, za ãma isa'ru da hã te te tãma ipisutuzéb ãma. Ãhã wamhã, romhâ 'manharĩ na 'ri wa, te oto 're sãmra, 'ri uptabi õ wa. Izaqui norĩ hã ma tô duré romhâ 'manharĩ na 'ri wa, 're simasisi zahuré, Zacoho me. Ta norĩ ma, ma tô duré ropisutu zahuré, Abra'ãhã ma te te iropisutu ne, 'Re ihâimana u'âsi mono hã.