Zenezi 24:55 - ꞌRe Ihâimana Uꞌâsi Mono Zadawa Wasuꞌu

⁵⁵ Tane nherẽ, te Rebecaha hitébré norĩ, ina me tãma nharĩ zahuré ãne: — Wama wẽ di aré, niha bâtâ na a'â wame hâimana da hã, niha wamhã aré 10 bâtâ na. Taha parip si morĩ da wamhã, te aré tô oto mo.

Zenezi 24:55 ပူးပေါင်းရင်းမြစ်များ

Zenezi 24:56

Tane nherẽ, romhuri'wa ma ãma tãma wa'rãmi zahuré ãne: — Ĩwairĩ aba õ di za, a'â ĩnhamra da hã. Uburé Danhib'apito ma tô ĩpawapto, we ĩmorĩzé wẽ na ĩma watobro da hã. Tahawa te za ĩzatõrĩ waré wa'wa, ĩnhib'apito nhorõwa u apâ ĩmorĩ da hã.

Zenezi 4:3

Tawamhã we ropsi'utõrĩ mono pari, nimahã bâtâ na Caĩ ma tô tiburu nho hã 'mai'â, Uburé Danhib'apito ma, ãma tãma isõprubzéb da hã.

Zuize 14:8

Tawamhã duré suru na bâdâ ãma morĩ pari, ma tô apâ isõrõwa u mo, ãma mro da hã oto. Tawamhã hu'u zérépa te te iwĩrĩ te te 'madâ'â da, ma tô bâdâdi hawimhã apa. Tahawa, te te iwĩrĩ hâiba nhisiwi, mohõnire 're isisa'rei mono hã duré ipĩ ihâiba 're te te 'madâ'â wamhã, ma tô tãma a'rã.

Zuize 19:4

Tahawa isõrõwa 're, hâimana da, ma tô tãma tinha. Tawamhã tame si'ubdatõ bâtâ na ma tô i'ratamhã tihâiba. Ãne ma tô timro me nasi oto iré tisa zahuré. Ma tô duré nasi siré ãma ti'awẽ zahuré.