Zenezi 24:53 - ꞌRe Ihâimana Uꞌâsi Mono Zadawa Wasuꞌu

⁵³ Tawamhã ma tô ẽtẽ waipo prã prata 'manharĩ hã, duré ẽtẽ waipo pré oru 'manharĩ hã, da'uzazé ihâpa siré tãma sõmri za'ra, Rebecaha ma. Tawamhã ihitébré norĩ ma zama ina me hã ma tô taré marĩ iwa'âbâ za'ẽtẽ na hã ãma tãma tinhoprub zahuré.

Zenezi 24:53 ပူးပေါင်းရင်းမြစ်များ

Zenezi 24:10

Tawamhã 10 na Abra'ãhã te, awaru ba'õmore norĩ hã ma tô waibu. Duré isimarĩ iwẽ norĩ ma tô waibu. Taha pari 'ri nho'u Mezopotãmia ãma Nao 're ihâimana mono zéb u ma tô oto mo.

Zenezi 24:22

Tawamhã awaru ba'õmore norĩ te te oto âhuri parimhã, ma tô isi'uwazi zapodo, ẽtẽ waipo pré oru 'manharĩ hã ti'â, 6 grama na ipire pibuzé hã. Tawamhã ta hã ma tô isisi're ãma tãma sasõ. Ma tô duré danhipsisizé 100 grama na ipire pibuzé hã tãma tiza.

Esdra 1:6

Tawamhã a'uwẽ iwaptoma 're ihâimana za'ra mono norĩ, te te uburé ipawaptob za'ra norĩ hã ma tô nasi tãma sõmri za'ra, prata na piza hã, oru na hã, dasa hã, danhimizama hã, duré marĩ iwa'âbâ za'ẽtẽ norĩ hã. Duré 're idanhoprub za'ra mono zéb zama ma tô tãma sõmri za'ra, Zeruzalẽ ãma 'Re ihâimana u'âsi mono nhorõwa za te te siwi i'ri norĩ ma.

Ezodu 11:2

Tahawa ma'ãpé Izaraéu nhihudu norĩ aibâ ma, duré pi'õ norĩ ma, waihu'u za'ra na, siwaptoma ezipsiu norĩ 're ihâimana za'ra mono norĩ wi, marĩ te te tiwi waptẽrẽ za'ra mono da, niha wamhã ẽtẽ waipo prã prata na marĩ 'manharĩ norĩ hã, duré ẽtẽ waipo pré oru na marĩ 'manharĩ norĩ hã.

Ezodu 12:35

Tawamhã Izaraéu nhihudu norĩ hã ma tô oto rowaptẽrẽ za'ra, ezipsiu norĩ wi. Mozési te te tãma iwaihu'u za'ra zéb zarina ma tô tiwi rowaptẽrẽ za'ra, marĩ hã da te tãma sõmri za'ra da, niha wamhã, ẽtẽ waipo pré oru 'manharĩ hã, ẽtẽ waipo prã prata 'manharĩ hã, duré da'uza hã.

Ezodu 3:22

Tahawa te za hâiba mono bâ Izaraéu nhihudu norĩ nhipi'õ, ezipsiu nhipi'õ norĩ isõrõwa 're, 're ihâimana za'ra mono wi hã, duré iwaptoma 're ihâimana za'ra mono wi hã, marĩ hã, ẽtẽ waipo prã prata hã, ẽtẽ waipo pré oru hã, duré i'uza ãma 're isi'uza za'ra mono da hã, i'ra si aibâ norĩ hã, duré i'ra sipi'õ norĩ hã tiwi tãma waptẽrẽ za'ra za. Tawamhã ãne te za ezipsiu norĩ wi isimarĩ hã tiwi iwaibu za'ra wa'wa za.