Zenezi 24:48 - ꞌRe Ihâimana Uꞌâsi Mono Zadawa Wasuꞌu

⁴⁸ Tahawa wa tô ĩhi'rãtitõ nhamra, 'Re ihâimana u'âsi mono ãma ĩwata da. Ãhã wamhã, Uburé Danhib'apito, Abra'ã, ĩnhib'apito te, 'Re ihâimana u'âsi mono, awa'awi si Izaquihi mro da, pi'õ zô we te te ĩzaprõni wẽ 'wai ãma wa tô ĩwata tô.

Zenezi 24:48 ပူးပေါင်းရင်းမြစ်များ

Zenezi 22:23

Betu'é hã, Rebecaha mama. Ã norĩ hã 8 na Milca zé're hawi ipoto za'ra, Nao, Abra'ãhã sisãnawãi ma.

Zenezi 24:52

Tawamhã Abra'ãhã ma romhuri'wa ãne na te te mreme wapari zahuré wamhã, ma tô hi'rãtitõ nhamra. Duré ti'ubu na ti'ai u hã ma tô ropto. Tawamhã Uburé Danhib'apito ãma ma tô tiwata.

Esdra 8:21

Tawamhã Aava na panho'õmo 'rata, wa tô wasai ãna misi bâtâ na wahâimana za'ra da hã dama pisutu, taha ré uburé wa norĩ hã wate 'Re ihâimana u'âsi mono nho'remhã wahi'rãtitõ tãma wasisimro da, wa'ra norĩ ré, duré uburé wanhimarĩ ré, wasi'aba'réi ré we te te wanhimroi wẽ mono da, wa te tiwi waptẽrẽ za'ra da hã.

Salmu 32:8

Uburé Danhib'apito te ĩma tinha ãne: “Bâdâdi iwẽ na wa za ãma aima te 're rowasu'u, nimomo 're i'ane mono da hã. Wa za te 're asaprõni u'âsi. Duré wa za te 're ai'madâ'â pese.

Ezodu 18:20

Tawamhã a hã te za 'Re ihâimana u'âsi mono nhimiroti na hã ãma tãma 're i'arowasu'u mo. Duré te za ãma tãma 're i'azaprĩ mo isimiroti na hã, za marĩ te te 're i'manharĩ za'ra mono zéb da hã, duré niha na za 're ihâimana za'ra mono zéb da hã.

Provébiu 4:11

Wa hã wa tô te 're asaprõni, rowaihu iwẽ te, bâdâdi awa'awi na hã, i'uwaibaba na si tô 're aihâimana mono da hã.