Zenezi 24:45 - ꞌRe Ihâimana Uꞌâsi Mono Zadawa Wasuꞌu

⁴⁵ Zahadu ĩmreme te 'rãsutu õ ré, Rebeca ub'rẽ tinhisé ma tô we ti'â. Ta hã â zô ab're u te te si'rai wamhã, ma tô â hã hu. Tawamhã wa tô ãma 'mahâ ãne: “Ma'ãpé ĩzawi na hã, â ĩma õ na, te hâ'rẽne da.”

Zenezi 24:45 ပူးပေါင်းရင်းမြစ်များ

Zenezi 24:44

Ta hã ãne na te te ãma ĩ'mazazei wamhã, duré ĩte awaru ba'õmore ma zama te te tãma õb za'ra da, si'mai'âri wamhã, ã hã te za ĩnhib'apito 'ra ma hã, pi'õ tãma ipisu za, imro da.”

Neemia 2:4

Tawamhã te apito ĩzadanha ãne: — E marĩ te asima iwẽ. Tawamhã wa tô mre 'Re ihâimana u'âsi mono, hâiwa ãma 're isãmra mono ma hã.

Daniéu 9:19

Wanhib'apito ma'ãpé wawapari za'ra na! Wanhib'apito, duré wawasédé hã wa'ãma 'madâ'â za'ra õ di za! Wanhib'apito, ãma aima iwamreme zusizé hã ma'ãpé wapari. Duré ma'ãpé we wapawaptob za'ra na. 'Re ihâimana u'âsi mono na, a hã uburé da te dasiwi aiwaihu'u da, duré za iwanho'reptu za'ra na hã ronomro tõ, ĩte 'Re ihâimana u'âsi mono. E marĩ wa. Wa norĩ asib'a'uwẽ wa, duré Zeruzalẽ hã ate 'ri nho'õmo wa.

Daniéu 9:23

A hã tiwi irowaptẽrẽzém na ãma sãna'rata wi, ma tô 'Re ihâimana u'âsi mono hã ãma asada'â. Tãma hã asawi uptabi di. Tahawa, ma tô we ĩma rob'ru, marĩ i'a'madâ'â mono zém na te ãma aima saprĩ da. Tahawa, ma'ãpé ĩwapari pese, te aima ãma isaprĩzé hã waihu'u pese da.

Mateu 7:7

— 'Re ihâimana u'âsi mono wi, te za iwẽ hã 're iwaptẽrẽ za'ra wa'aba mo. Tawamhã te za tô te te aima 're anhomri 'wa. Iwẽ zô si te za duré asima 're asõpré u'âsi aba mo. Tawamhã taha zarina te za tô te te aima ãma 're a'uwaimrami 'wa, 'Re ihâimana u'âsi mono hã, 'râwi aima 're hâimana za'ra wa'aba mono da. Duré ni'wa hã 'ri tede'wa zô te te 're i'ridawa ta'a mono ne, te za iwẽ hã tiwi 're iwaptẽrẽ za'ra wa'aba mo. Tawamhã 'ri tede'wa te te tãma i'ridawa ne, te za tô 'Re ihâimana u'âsi mono iwẽ hã te te aima 're anhomri 'wa, si'uihâ na.

Zezusihi zadawa wasuꞌuꞌwa norĩ nhimiromhuri na robꞌuiꞌéré 10:30

Tawamhã Coneliu te asa tãma rowasu'u oto, ãne: — Bâdâ si'ubdatõ ma tô ĩ'ãma ai'utõ, aibâ ĩtẽme iwisizém na hã. 'Re ihâimana u'âsi mono ma, ĩmreme ré, ma tô ĩtẽme wi, bâdâ sipra wi. Ti'uza hâirã na ma tô rob'uiwẽ, rowa'a nherẽ.

Roma 8:26

Tane duré 'Re ihâimana u'âsi mono, iwẽ hã za te te wama 're i'apisutu mono zéb zô, wasina sô 're wanhimipari wa'a za'ra mono wamhã, Ipẽ'ẽzani si te za te te 're wa'apawapto, sô 're wanhimipari wa'a za'ra mono tõ da. Duré, wa norĩ hã niha 'Re ihâimana u'âsi mono ma, wasi'ãma 're iwamreme zusi mono zéb da hã, wa te wasina tãma ãma 're uwaimrami waihu'u za'ra mono dai õ nherẽ, te za Ipẽ'ẽzani si wa'ãma 're mreme u'âsi, 'Re ihâimana u'âsi mono ma, wahâiba mono bâ, wa'ãma 're pẽ'ẽzé uptabi mono sina. Wasi'uihâ na iwẽ hã wa te tiwi 're iwaptẽrẽ za'ra mono zém na, wa te tãma ãma 're uwaimrami waihu'u za'ra mono dai õ nherẽ, te õhõ si wa'ãma 're mreme u'âsi, te te 're wa'apawapto mono da, Ipẽ'ẽzani hã.