Zenezi 24:44 - ꞌRe Ihâimana Uꞌâsi Mono Zadawa Wasuꞌu

⁴⁴ Ta hã ãne na te te ãma ĩ'mazazei wamhã, duré ĩte awaru ba'õmore ma zama te te tãma õb za'ra da, si'mai'âri wamhã, ã hã te za ĩnhib'apito 'ra ma hã, pi'õ tãma ipisu za, imro da.”

Zenezi 24:44 ပူးပေါင်းရင်းမြစ်များ

Zenezi 2:22

Tawamhã taha waihi na ma tô pi'õ 'manha. Taha pari, te aibâ tẽmemhã oto saprõ.

Zenezi 24:14

Tawamhã nimahã we imorĩ ma, wa za ãne tãma tinha: “Ma'ãpé ĩzawi na hã â suru na te hâ'rẽne da, piza we ĩma si'ra na.” Duré ãne te te ãma ĩzada'âbâ wamhã asa: “Ã hâ'rẽne pé. Hâ'rẽne parip si, wa za ate awaru ba'õmore norĩ ma zama tãma õb za'ra”, ane wamhã, wa hã wa za waihu'u, aima romhuri'wa Izaquihi mro da, pi'õ ipisutu na hã. Ãne wamhã, wa za waihu'u, ĩnhib'apito ma, iwẽ i'manharĩzém na hã.

Zenezi 24:43

Ãhãta, wa ãme â zô ab're zababa nhamra. Pi'õ â te te a'âri da, we 'maimorĩ wamhã, wa za â hã tiwi 'maiwaptẽ, te te ĩma 'mai'õb da hã tite ub'rẽ 'remhã.

Zenezi 24:45

Zahadu ĩmreme te 'rãsutu õ ré, Rebeca ub'rẽ tinhisé ma tô we ti'â. Ta hã â zô ab're u te te si'rai wamhã, ma tô â hã hu. Tawamhã wa tô ãma 'mahâ ãne: “Ma'ãpé ĩzawi na hã, â ĩma õ na, te hâ'rẽne da.”

Provébiu 16:33

Ẽtẽre ui'éré ré iwazéb zahi hã te za da te 're sãmra, niha marĩ, da te 're i'manharĩ za'ra mono zé, da te 're waihu'u za'ra mono da hã. Tane nherẽ, Uburé Danhib'apito hawip si marĩ pisutuzé hã te 're hâimana.

Provébiu 18:22

Ni'wa timro da, pi'õ te te 'manhopẽtẽ wamhã, tãma irowẽ uptabi zép si, te za sõpẽtẽ. Ta hã, Uburé Danhib'apito, aibâ te te iwẽsãmrizé te wasu'u.

Provébiu 19:14

Da'ra norĩ te za timama uirĩ na isimarĩ hã 'ri hã duré rob'uiprazé hã te te sima 're waibu za'ra. Tane nherẽ, Uburé Danhib'apito si te za damro pi'õ isimiza'rese wẽ hã te te dama 're anhomri.

Hebreu 13:2

Darob amoi hawi atẽme 're dasihutu za'ra wa'aba mono wamhã, asõrõwa u, te za duré 're ida'mazasi wẽ za'ra wa'aba mo. Ni'wam norĩ hã tinhorõwa u te te 're da'mazasi wẽ za'ra mono wamhã, hâiwa ãma 'Re ihâimana u'âsi mono ma romhuri'wa norĩ hã ma tô te te 're 'mazasi wẽ za'ra, ta norĩ ma, tãma sa'rese za'ra õ nherẽ, hâiwa ãma romhuri'wa norĩ hã.

1 Pedru 3:8

Ĩmreme na wa za oto aima 'rãsutu za'ra wa'wa. Asimirosa'rata wẽ na te za aihĩni 're asisazei pese za'ra wa'aba mo. Duré dapẽ'ẽzé zarina da te 're robzépata za'ra mono wamhã, te za dasiré aipẽ hã 're isépata za'ra wa'aba mo, aipẽ'ẽzé sina. Duré uburé marĩ wẽ na dama 're rowẽ za'ra mono wa, 're dato za'ra mono wamhã, te za duré dasiré 're ato za'ra wa'aba mo. Te za duré 're asisawi pese za'ra wa'aba mo. Asima aipire na 're aihâimana za'ra wa'aba mono õ di za.