Zenezi 24:32 - ꞌRe Ihâimana Uꞌâsi Mono Zadawa Wasuꞌu

³² Tawamhã ãne te te tãma nharĩ wa, ma tô aibâ 'ri para u hã ãzé. Tawamhã Labã, awaru ba'õmore na marĩ te te i'wasari hã ma tô awami. Taha pari amnho teihi norĩ dui me ma tô te te tãma sa'wari za'ra, te te huri da. Ma tô duré Abra'ãhã ma romhuri'wa zada hã, duré isiré isi'aba'ré norĩ zada hã â hã a'âri za'ra, ãma sipara upsõ za'ra da.

Zenezi 24:32 ပူးပေါင်းရင်းမြစ်များ

Zenezi 18:4

 hã wa za dama ti'ru, da te we dasiwi 'mai'a'âri da, ãma asipara upsõ za'ra wa'aba zéb da hã. Taha parip si te za rowede zahâpâmhã aiwa'utu za'ra wa'wa.

Zenezi 19:2

Taha sina, ma tô ãne tãma nharĩ zahuré: — Ĩnhib'apito norĩ, ma'ãpé asib'a'uwẽ nhorõwa u ĩsiré ãma ane wa'aba da asima wẽ wa'aba. Tawamhã õmep si te za 'râwi asipara upsõi wa'wa. Te za duré tame asõtõ 'wa. Tawamhã awẽ wi mararé te za ane wa'aba zém na ãma i'uzusi 'wa za. — Mare di. 'Re idasisõpẽtẽ pese za'ra mono zéb ãma rowip si wa za wanhotõ ni. — Ãne ma te asa ãma sada'âbâ zahuré.

Zenezi 24:33

Tawamhã ĩsa te te tãma amrami za'ra wamhã, ma tô ãne Abra'ãhã ma romhuri'wa hã tãma tinha: — Ma, ĩsai õ di za a'â, marĩ na za te aima irowasu'uzéb da, te aima rowasu'u õ ré hã. Tawamhã Labã, ma te ãne ãma sada'â: — Ma'ãpé marĩ na wamhã, a'â pé rowasu'u na wama za'ra.

Zenezi 29:13

Tawamhã ti'ra wapté wasu'u wẽ te te wapari wi, ma tô si'aba'ré na itẽme watobro, te te sõpẽtẽ da. Tawamhã Labã, Zaco te te sina uzusi wi, ma tô tinho'utu ti'â. Ma tô duré tob'rata hârâ na sawi. Ãhã wa, ma tô saprõ, tinhorõwa u. Tawamhã Zaco uburé tãma iromhâimanazé te te tãma wasu'u wa,

Zenezi 43:24

Taha pari 'ri para u ma tô te te simro. Tawamhã ma tô duré â hã tãma sõmri za'ra, ãma sipara upsõ za'ra da. Awaru po're pore sazéb zama ma tô duré tãma sõmri za'ra, tisa te te ãma ihuri da hã isabâdâb za'ra.

Luca 7:44

Tawamhã pi'õi u sipi'rai wamhã, te duré tãma tinha, Simahã ma, ãne: — Ãhãta, pi'õ hã. Tãma ĩzawi pese di. A hã we ĩzébré wamhã, â hã dama 'rui õ di, da te ĩpara upsõ da. Pi'õ si ma tô ĩpara upsõ, ti'upĩni na. Ma tô duré tizéré na ĩpara u'õ.

Zuize 19:21

Tawamhã tinhorõwa u te te oto simroi mono wamhã, ma tô awaru po'repore ma isa hã tãma sõmri zahuré. Duré za isõrõwa ãma isimi'wara norĩ hã ma tô apara upsõ. Taha pari ma tô duré isihutu norĩ hã tisa tihu, te te simihâri za'ra sina.

1 Samuéu 25:41

Tawamhã ãne te te tãma rowasu'u za'ra wa, ma tô Abigaiu hã hi'rãtitõ tãma tinhamra za'ra isõ'reb za'ra. Tahawa, ma tô ti'ubu na ropto ti'ai u hã. Tawamhã te ãne tinha: — Wa hã Dawihi ma romhuri'wa. Tahawa, tãma romhuri'wa norĩ hã ĩma wẽ di, te oto ipara upsõ za'ra da si.