Zenezi 24:29 - ꞌRe Ihâimana Uꞌâsi Mono Zadawa Wasuꞌu

^29-30 Rebecaha hitébré, Labã na isisi hã ma tô isi'uwazi zapodo isisi're na isa'o, isimizu na isipsisi me hã 'madâ'â za'ra. Ma tô duré wapa, Rebecaha ma, aibâ te te tãma iwaihu'uzé te te dama iwasu'u hã. Tawamhã Labã si'aba'ré na iwa'rãmimhã ma tô sô mo, Abra'ãhã ma romhuri'wa hâiwi awaru ba'õmore norĩ zababa â zô ab're 'rata isab zô hã.

Zenezi 24:29 ပူးပေါင်းရင်းမြစ်များ

Zenezi 24:55

Tane nherẽ, te Rebecaha hitébré norĩ, ina me tãma nharĩ zahuré ãne: — Wama wẽ di aré, niha bâtâ na a'â wame hâimana da hã, niha wamhã aré 10 bâtâ na. Taha parip si morĩ da wamhã, te aré tô oto mo.

Zenezi 24:60

Tawamhã iwẽ hã ma tô Rebecaha ma, pisutu za'ra ãne: “Wahidiba, a hã da'ahâ uptabi 'rata na 're i'aihâimana mono da si, iwẽ hã. Duré asihudu norĩ, tinhitob'ru norĩ te, 'ri nho'õmo ãma hã te te 're i'ai'uté za'ra mono da si, iwẽ hã.”

Zenezi 25:20

Tawamhã Izaqui 40 na ãma iwahub ãma, ma tô Betu'éhé 'ra Rebecaha ãma timro, Labãhã hidiba ãma hã. Ta norĩ hã Arameu norĩ siré, te Mezopotãmia na romnhisi ãma 're hâimana zahuré.

Zenezi 27:43

Tahawa, ĩ'ra, ĩmreme hã te za iwapa. Ãhã na te za ai'aba'ré na aimo ĩhitébré Labã, Harã na 'ri nho'õmo nhisi ãma 're ihâimana mono nhorõwa u,

Zenezi 28:2

Tahawa ma'ãpé asima rob'ubumro na, Mezopotãmia u aimorĩ da. Tawamhã ai'rada Betu'éhé nhorõwa ãma te za asã. Tame asãmra wamhã, te za aimama wapté Labãhã 'ra norĩ na hã ãma ai'maimro za.

Zenezi 29:13

Tawamhã ti'ra wapté wasu'u wẽ te te wapari wi, ma tô si'aba'ré na itẽme watobro, te te sõpẽtẽ da. Tawamhã Labã, Zaco te te sina uzusi wi, ma tô tinho'utu ti'â. Ma tô duré tob'rata hârâ na sawi. Ãhã wa, ma tô saprõ, tinhorõwa u. Tawamhã Zaco uburé tãma iromhâimanazé te te tãma wasu'u wa,

Zenezi 29:5

Tawamhã te duré Zaco sadanharĩ za'ra ãne: — E aima waihu'u pese za'ra wa'aba di, Labã, Naoho 'ra hã. — Ĩhe, wama waihu'u pese za'ra di. — Ãne ma tô duré asa sada'âbâ za'ra.