Zenezi 24:28 - ꞌRe Ihâimana Uꞌâsi Mono Zadawa Wasuꞌu

²⁸ Tawamhã azarudu 'ri u wara sina si ma tô wara. Oto wisi wamhã, tina ma, tãma iromhâimanazé hã ma tô tãma wasu'u.

Zenezi 24:28 ပူးပေါင်းရင်းမြစ်များ

Zenezi 24:29

Rebecaha hitébré, Labã na isisi hã ma tô isi'uwazi zapodo isisi're na isa'o, isimizu na isipsisi me hã 'madâ'â za'ra. Ma tô duré wapa, Rebecaha ma, aibâ te te tãma iwaihu'uzé te te dama iwasu'u hã. Tawamhã Labã si'aba'ré na iwa'rãmimhã ma tô sô mo, Abra'ãhã ma romhuri'wa hâiwi awaru ba'õmore norĩ zababa â zô ab're 'rata isab zô hã.

Zenezi 24:48

Tahawa wa tô ĩhi'rãtitõ nhamra, 'Re ihâimana u'âsi mono ãma ĩwata da. Ãhã wamhã, Uburé Danhib'apito, Abra'ã, ĩnhib'apito te, 'Re ihâimana u'âsi mono, awa'awi si Izaquihi mro da, pi'õ zô we te te ĩzaprõni wẽ 'wai ãma wa tô ĩwata tô.

Zenezi 24:55

Tane nherẽ, te Rebecaha hitébré norĩ, ina me tãma nharĩ zahuré ãne: — Wama wẽ di aré, niha bâtâ na a'â wame hâimana da hã, niha wamhã aré 10 bâtâ na. Taha parip si morĩ da wamhã, te aré tô oto mo.

Zenezi 24:67

Tawamhã Izaqui, 'ri u ina Sara aré 're isãmra mono zéb u, ma tô Rebeca hã saprõ. Ãhã wamhã, ma tô oto ãma timro. Tawamhã Izaqui, Rebeca ma tô te te 're sawi pese. Ãne zarina, ma tô ina dâ'âzém na 're ipẽ'ẽzé mono zé hã sina tãma tipa.

Zenezi 29:12

Tawamhã te tãma siwasu'u ãne: — Wa hã aimama 'ra waptéb uptabi, Rebecaha 'ra. Tawamhã ãne tãma siwasu'u wa, ma tô Raqueu wara, timama ma, te te tãma wasu'u da.

Zenezi 31:33

Tawamhã Labã, Zacoho te romhâ 'manharĩ na 'ri u ma tô ãzé. Taha pari ma tô duré ãzé Léiaha nhib'ri u hã, duré maparane tãma iromhuri'wa norĩ nhib'ri u zama. Tane nherẽ, romhâibarĩ hã te te sãmri za'ra õ di. Tawamhã ta norĩ hawi watobro wamhã, Raqueu nhib'ri u hã ma tô duré oto ãzé.