Zenezi 24:27 - ꞌRe Ihâimana Uꞌâsi Mono Zadawa Wasuꞌu

²⁷ Ãne te tinha: — Uburé Danhib'apito, Abra'ã ĩnhib'apito te, 'Re ihâimana u'âsi mono hã, iwẽ uptabi. Tô sena ma tô ĩnhib'apito ma, umnhasi sina ãma 're isiwãrĩ wẽ mono na hã tãma 're hâimana. Taha zarina ma tô isisãnawã norĩ nhorõwa u hã awa'awi u'âsi we ĩzaprõni wẽ.

Zenezi 24:27 ပူးပေါင်းရင်းမြစ်များ

Zenezi 13:8

Tahawa, te nimahã bâtâ na Abrã, Loho ma tinha ãne: — Wa norĩ hã wasiwapru 'râwibre hã. Tahawa ibâi õ di, wasima iwazahi da hã. Duré ĩnhimizama na romhuri'wa norĩ, asimizama na romhuri'wa norĩ me sima 're isahi za'ra mono da hã, ibâi õ di.

Zenezi 14:20

Duré 'Re ihâimana u'âsi mono danhipai u 're ihâimana mono, asitob'ru norĩ asib'rata te te aima isõmri za'ra ãma si 're wawata za'ra aba mono!” Tawamhã Abrã, uburé marĩ na apâ te te ãma isiri za'ra hã 10 na ihâimana za'ra te te ipo hã misi ma tô tãma waze, Mequizédéquihi ma, te te tãma sõmri da.

Zenezi 24:12

Tawamhã ma tô mre ãne: — Uburé Danhib'apito, ĩnhib'apito Abra'ãhã te, 'Re ihâimana u'âsi mono, ma'ãpé uburé marĩ iwẽ na ĩma watobro da, ĩma 'manharĩ. Duré ĩnhib'apito ma, iwẽ si tãma 're 'manharĩ u'âsi mono.

Zenezi 24:21

Ãhã ré, te aibâ mreme ãna taré azarudu titõmo na 'madâ'â pese, te te waihu'u da, Uburé Danhib'apito romhâ na imorĩzéb zarina wẽ na marĩ tãma watobro da, te te ipawaptobzéb zô, niha wamhã mare zô duré.

Zenezi 24:4

Tahawa, te za sô aimo za, ĩnhipti'ai 'rata ãma 're ĩnhamra 'rata mono zéb u, ĩsiwapru 'ra norĩ si tãma 'maipisutu da, ĩ'ra Izaquihi mro da hã.

Zenezi 24:42

— Tawamhã ãhã na â zô ab're u ĩwisi wamhã, wa tô 'Re ihâimana u'âsi mono ma, ãne tãma mre: “Uburé Danhib'apito, ĩnhib'apito Abra'ãhã te, 'Re ihâimana u'âsi mono, wa aiwi waptẽ, we ĩpawaptobzéb zarina i'uwaibaba na si marĩ te 'manharĩ da hã.

Zenezi 24:48

Tahawa wa tô ĩhi'rãtitõ nhamra, 'Re ihâimana u'âsi mono ãma ĩwata da. Ãhã wamhã, Uburé Danhib'apito, Abra'ã, ĩnhib'apito te, 'Re ihâimana u'âsi mono, awa'awi si Izaquihi mro da, pi'õ zô we te te ĩzaprõni wẽ 'wai ãma wa tô ĩwata tô.

Zenezi 32:10

Wa hã asib'a'uwẽ, tarére na 're ĩhâimana mono nherẽ, ĩma asimizawi pese zé hã duré ai'umnhasi u'âsi wa, ĩ'ãma 're aiwamri mono zé hã aré tô ĩma hã ibâi õ di. Panho'u Zodã pa na te saprĩ wamhã, ĩsiwazusizéb ré si wa tô saprĩ. Tane nherẽ, ãhã na awa'awi na hã wa oto maparane dawa'õtõ na abaze norĩ ré hã apâ ĩsina siri.

Zenezi 32:11

Uburé Danhib'apito, wa aiwi waptẽ, ĩdub'rada Ezauhu wi ĩnho'reptu da. We imorĩzé ma hã wa tô ĩpahi pese, te te ĩwĩrĩ õ'umnhasite, pi'õ norĩ zama, ai'uté norĩ zama te te ĩwi uprosi õ'umnhasite.

Zenezi 9:26

Te duré tinha ãne, Nowé hã: “Uburé Danhib'apito ãma 're wawata za'ra wa'aba mono, Sẽhẽ nhib'apito ãma. Cana'ã hã pawa'âbâ õ nherẽ, isib'a'uwẽ na tãma 're hâimana mono.

Salmu 100:5

E marĩ wa, Uburé Danhib'apito hã wẽ uptabi wa, duré isimizawizé õne u'â tãma 're hâimana mono wa, duré umnhasi na 're ihâimana mono zé hã si'utõrĩ waihu'u õ wa.

Ezodu 18:10

Tahawa, te ãne tinha: — Uburé Danhib'apito ãma wa ĩwata, ezipsiu norĩ nhib'rata hawi, duré ta norĩ nhib'apito nhib'rata hawi te te ai'awazere aba wa!

Ezodu 2:11

Tawamhã Mozési ma tô oto si'aibâ. Tahawa te nimahã bâtâ na tisiré norĩ te te sabu da oto mo. Morĩ wamhã, ma tô ab'madâ, romhuri pire na te te rob'ma'wamarĩ ré hã. Tahawa ezipsiu norĩ siré hã, isiré Izaraéu nhihudu te te i'mai'azâri zama hã ma tô 'madâ.

Ezodu 2:13

Tawamhã awẽm na rowa'a wi apâ te te sina siri wa, ma tô Izaraéu nhihudu norĩ isi'ahâri hã 'madâ'â zahuré. Tahawa tisiré te te i'azâri ma te tãma tinha ãne: — E marĩ da, ma tô asiré nherẽ i'azâ.

Ezodu 34:6

Tawamhã Mozésihi nho're te te oto ro'razâri wamhã, ma tô mreme 'rãihâ na tinha ãne: — Wa hã Uburé Danhib'apito, 'Re ihâimana u'âsi mono! Wa hã da'ãma 're ĩsiwãrĩ wẽ mono 'wa, duré da'ãma 're ĩpẽ'ẽzé mono 'wa. Dazada hã 're ĩnhiti'ru su'u mono õ di. Duré dama ĩ'umnhasizé, ĩnhimizawizé me hã sa'ẽtẽ uptabi zahuré di.

Provébiu 3:6

Uburé marĩ 're i'ab'manharĩ mono na 'Re ihâimana u'âsi mono ãma 're aipo're pu'u mono. Taha wamhã bâdâdi awa'awi inomro hã te za te te aima 're hâi'ré u'âsi.

Provébiu 8:20

Wa hã bâdâdi sena na 're ĩhâimana mono na wa 're mo. Duré i'uwaibaba zarina si wa 're mo.

Luca 1:68

— 'Re ihâimana u'âsi mono hã wẽ di, Wanhib'apito hã. Wẽ wa, wa za ãma 're wawata u'âsi za'ra. Wa norĩ hã Izaraéu nhihudu, te za we oto wapawaptob za'ra, wanhitob'ru nhimiwada'uri hã wama wapu za'ra da, rowẽ na 're wasi'ubumroi mono da.

Éfézu 1:3

'Re ihâimana u'âsi mono hã sõpru uptabi di, Wanhib'apito Zezu Cristuhu mama hã. Ta hã Cristuhu ãma 're wanomro mono wa, ma tô marĩ mono bâ wama ãma 're sõpru, uburé marĩ iwẽ na, hâiwa hawi. Tahawa, wama 're sõprub za'ra mono wa, ãma 're wawata u'âsi za'ra wa'aba mono za.

1 Timotiu 1:17

Tahawa, Danhib'apito uptabi ãma si wa za 're wawata u'âsi za'ra. Ta hã Apito u'â te dama 're sãmra, idâ'â'õ hã, ni'wa hã niwa te te i'madâ'â waihu'u õ hã. Õhõ si Danhib'apito uptabi, 'Re ihâimana u'âsi mono hã. Wẽ uptabi wa, wa za ãma 're wawata u'âsi za'ra.

Ruti 4:14

Tawamhã ãne ma tô pi'õ norĩ hã Noẽmihi ma nharĩ za'ra: — Uburé Danhib'apito ãma wawata za'ra wa'aba. E tihai wa. Ta hã asihudu da hã ã bâtâ na ma tô aima tisõ, te te 're i'ai'madâ'â mono da hã. Ã hã 'watébrémi hã niwamhã Izaraéu na darom nhisi ãma dama sa'rese za'ẽtẽ da, wama iwẽ za'ra hã.

1 Samuéu 25:32

Tawamhã Dawi ma tô ãma sada'â ãne: — Wanhib'apito Izaraéu nhihudu norĩ te 'Re ihâimana u'âsi mono ãma 're wawata za'ra wa'aba mono za, ta hã ã bâtâ na te te we asatõrĩ wa, ĩnhopẽtẽ da hã.

1 Samuéu 25:39

Tawamhã Dawi, Nabauhu dâ'âzé te te waihu'u wamhã, te ãne tinha: — Wanhib'apito 'Re ihâimana u'âsi mono ãma 're wawata za'ra wa'aba mono! Ta hã ma tô ĩ'ruiwa'â, Nabau ĩ'ãma iwasété'wa na hã. Ãne ma tô ĩpawapto, isib'a'uwẽ marĩ te 'manharĩ wasété tõ da hã. Wanhib'apito ma tô tãma rob'manha Nabauhu ma hã, wasété uptabi wa. Tawamhã Dawi hã ma tô romreme hã tãma tisõ, Abigaiuhu ma ãma mro da hã.