Zenezi 24:26 - ꞌRe Ihâimana Uꞌâsi Mono Zadawa Wasuꞌu

²⁶ Tawamhã aibâ hi'rãtitõ sãmra sina, ma tô Uburé Danhib'apito ãma hã tiwata.

Zenezi 24:26 ပူးပေါင်းရင်းမြစ်များ

Zenezi 22:5

Tahawa te tite romhuri'wa norĩ ma tãma nharĩ zahuré ãne: — Ãme aimasisi aba, awaru po're pore 'rata. Wa norĩ si wa za ĩ'ra si'watébrémi me hã wanem ni õwamhã, 'Re ihâimana u'âsi mono ãma wawata da. Ãma wawata parip si, wa za we apâ wanem ni za.

Zenezi 24:25

Wanhorõwa ãma danhotõzéb da hã rob're za'ẽtẽ di. Duré amnho teihi norĩ dui me hã sa'ẽtẽ uptabi di, awaru ba'õmore norĩ sazéb da hã.

Zenezi 24:48

Tahawa wa tô ĩhi'rãtitõ nhamra, 'Re ihâimana u'âsi mono ãma ĩwata da. Ãhã wamhã, Uburé Danhib'apito, Abra'ã, ĩnhib'apito te, 'Re ihâimana u'âsi mono, awa'awi si Izaquihi mro da, pi'õ zô we te te ĩzaprõni wẽ 'wai ãma wa tô ĩwata tô.

Zenezi 24:52

Tawamhã Abra'ãhã ma romhuri'wa ãne na te te mreme wapari zahuré wamhã, ma tô hi'rãtitõ nhamra. Duré ti'ubu na ti'ai u hã ma tô ropto. Tawamhã Uburé Danhib'apito ãma ma tô tiwata.

Neemia 8:6

Tawamhã te Esdra hã ãne dama tinha: — Ma'ãpé Uburé Danhib'apito, 'Re ihâimana u'âsi mono iwaihu'u pese uptabi ãma aiwata za'ra wa'aba! Tawamhã uburé hâimo danhib'rada da te wẽ za'ra sina, ma tô ãma sada'âbâ za'ra ni ãne: — Tane tô! Tane tô! Tawamhã dahi'rãtitõ dasi'ubumro sina, duré ti'ai u da'ubu na da te roptob za'ra sina, ma tô 'Re ihâimana u'âsi mono Uburé Danhib'apito ãma hã tawata za'ra ni.

Salmu 22:29

Uburé 'râwi 're isi'madâ'â ze za'ra mono norĩ hã te za isõ're tãma 're siwẽ'ẽ za'ra za. Uburé te za aihĩni idadâ'â za'ra norĩ hã duré za idadâ'â za'ra zama ãma 're dawata za'ra.

Salmu 72:9

Rop si 're irosa'wari mono ãma 're ihâimana za'ra mono hã te za isõ'remhã tãma 're siwẽ'ẽ za'ra. Isitob'ru norĩ hã te za duré tãma siséb za'ra wa, ipaparab u hã si'uihâ na tãma sisãmra, robzapru tẽmemhã.

Salmu 95:6

Oto we ai'aba'réi wa'aba, Wanhib'apito ma wahi'rãtitõ wasi'ubumro da, ãma wawata za'ra da. Oto tãma wasi'ubumroi wa'aba, wa'apoto mono 'wai ma, wahi'rãtitõ.

Ezodu 12:27

ãhã wa, te za ãne duré ãma tãma 're irowasu'u za'ra wa'aba mo za: “Ã hã, danhimizama zata na Pascowa na dato nhisi hã 'Re ihâimana u'âsi mono, ezipsiu norĩ te te 'mapãrĩ mono da, Ezitu nhisi baba 're morĩ wa, te te iwa'aza'rei waré mono zé, duré tinhimihâzé te te wama iba'a za'ra zé. Ta hã, ã hã Pascowa, iwasaihurizé, duré 'Re ihâimana u'âsi mono ma, wanhimizama, wa te 're isimroi mono zé.” Ãne te za ãma tãma 're irowasu'u za'ra wa'aba mo za romhutu'õmhã. Tawamhã te te wapari za'ra pari, ma tô Izaraéu nhihudu norĩ hã asimro hi'rãtitõ, ãma tãma wata za'ra da, Uburé Danhib'apito uptabi ãma.

Ezodu 34:8

Tawamhã Mozési hi'rãtitõ ma tô nhamra. Sãmra wamhã, ma tô ti'ubu na ti'ai u hã ropto. Tawamhã ma tô 'Re ihâimana u'âsi mono ãma hã tiwata.

Ezodu 4:31

Tawamhã ma tô uburé ãma saze za'ra, isimirowasu'u na hã. Uburé Danhib'apito itẽme imorĩ za'ra zém na te te sina waihu'u za'ra wa, duré da te tãma 're irob'manharĩ wasété za'ra mono zém na te te 're i'madâ'â za'ra mono na te te sina waihu'u za'ra wa, hi'rãtitõ ma tô asimro, 'Re ihâimana u'âsi mono ãma wata za'ra da hã.

Filipu 2:10

Tahawa, niwapsi te za aihĩni pese dahi'rãtitõ tãma ana ni, Zezusihi ma, dama isisi pire uptabi ma. Ãne da, ma tô 'Re ihâimana u'âsi mono hã tãma pisutu, pire uptabi na 're hâimana mono da. Hâiwa ãma uburé pese hâiba ré 're ihâimana za'ra mono norĩ hã, duré ti'ai ãma uburé pese hâiba ré 're ihâimana za'ra mono norĩ zama, te za dahi'rãtitõ tãma ana ni, dama pire wa, adâ 're ihâimana za'ra mono zéb ãma uburé pese 're ihâimana za'ra mono norĩ zama. Tawamhã tame te za uburé pese dasisõ'a dasiwi sisi za'ra ni oto, ãne: “Õ hã Zezu Cristu, uburé Danhib'apito.” Ãne na Zezu Cristuhu ãma dawata za'ra wamhã, taha u'âbâ, te za duré 'Re ihâimana u'âsi mono ãma tawata za'ra ni, Wamama ãma hã.

Zuize 7:15

Tawamhã Gidiã, rosawẽrẽ te te wapari wamhã, ma tô waihu'u, za marĩ iwatobrozé te te iwasu'uzém na hã. Tahawa hi'rãtitõ sãmra sina, ma tô 'Re ihâimana u'âsi mono ãma tiwata. Taha pari ma tô Izaraéu nhihudu norĩ isi'ubumrozéb u apâ sina siri. Tahawa, ma tô ãne tãma nharĩ za'ra: — Aiwahutu za'ra wa'aba! Uburé Danhib'apito, midiãnita norĩ te dasi'wapéi 'manharĩ'wa norĩ hã ma tô asib'ratamhã aima hâiba nhomri za'ra wa'wa.

1 Samuéu 1:28

Tahawa, ãhã na awa'awi na hã wa hã wa za apâ tãma tisõ, Uburé Danhib'apito ma, ite da, ã hã 'watébrémi hã. Duré ti'ai ãma 're hâimana mono ré hã, ite hã za tô. Tawamhã tame ma tô oto ãma tiwata za'ra, 'Re ihâimana u'âsi mono ãma hã, imama norĩ hã.