Zenezi 24:22 - ꞌRe Ihâimana Uꞌâsi Mono Zadawa Wasuꞌu

²² Tawamhã awaru ba'õmore norĩ te te oto âhuri parimhã, ma tô isi'uwazi zapodo, ẽtẽ waipo pré oru 'manharĩ hã ti'â, 6 grama na ipire pibuzé hã. Tawamhã ta hã ma tô isisi're ãma tãma sasõ. Ma tô duré danhipsisizé 100 grama na ipire pibuzé hã tãma tiza.

Zenezi 24:22 ပူးပေါင်းရင်းမြစ်များ

Zenezi 24:10

Tawamhã 10 na Abra'ãhã te, awaru ba'õmore norĩ hã ma tô waibu. Duré isimarĩ iwẽ norĩ ma tô waibu. Taha pari 'ri nho'u Mezopotãmia ãma Nao 're ihâimana mono zéb u ma tô oto mo.

Zenezi 24:23

Taha pari te sadanha ãne: — E 'wai 'ra, a hã. E tô aimama nhorõwa ãma rob're za'ẽtẽ di, ĩte aibâ norĩ me tame bara na iwanhotõ za'ra zéb da hã.

Zenezi 24:47

Tawamhã wa tô duré sadanha ãne: “E 'wa hã aimama.” Tawamhã ma te ĩzada'â ãne: “Wa hã Betu'éhé 'ra, Milca norĩ nhihudu, Naoho me.” Tawamhã wa tô isisi're ãma isi'uwazi zapodo ãma sasõ. Wa tô duré isipsisizé isimizu ãma hã tãma tiza.

Zenezi 24:53

Tawamhã ma tô ẽtẽ waipo prã prata 'manharĩ hã, duré ẽtẽ waipo pré oru 'manharĩ hã, da'uzazé ihâpa siré tãma sõmri za'ra, Rebecaha ma. Tawamhã ihitébré norĩ ma zama ina me hã ma tô taré marĩ iwa'âbâ za'ẽtẽ na hã ãma tãma tinhoprub zahuré.

1 Pedru 3:3

Asima 're asipese za'ra wa'aba mono na si, 're asõpré wa'aba mono õ di za, ai'rãi waipo iwẽ na, duré asõ'rebzu za'ra wa'wa hã iwẽ na. Duré ai'uza za'ra wa'wa iwẽ na si asima 're rosa'rata za'ra wa'aba mono õ di za. Asimirosa'rata wẽ na oto 're i'anomro aba mono zéb zô si, te za asima 're asõpré wa'aba mo, duré aiwaimri 're i'aihâimana za'ra wa'aba mono zéb zô zama. Ãne si tãma wẽ uptabi di, 'Re ihâimana u'âsi mono ma hã.

1 Pedru 3:8

Ĩmreme na wa za oto aima 'rãsutu za'ra wa'wa. Asimirosa'rata wẽ na te za aihĩni 're asisazei pese za'ra wa'aba mo. Duré dapẽ'ẽzé zarina da te 're robzépata za'ra mono wamhã, te za dasiré aipẽ hã 're isépata za'ra wa'aba mo, aipẽ'ẽzé sina. Duré uburé marĩ wẽ na dama 're rowẽ za'ra mono wa, 're dato za'ra mono wamhã, te za duré dasiré 're ato za'ra wa'aba mo. Te za duré 're asisawi pese za'ra wa'aba mo. Asima aipire na 're aihâimana za'ra wa'aba mono õ di za.