Zenezi 24:17 - ꞌRe Ihâimana Uꞌâsi Mono Zadawa Wasuꞌu

¹⁷ Tawamhã Abra'ãhã ma romhuri'wa ma tô iteme wara. Ãne ma tô tãma tinha: — Ĩzawi na hã, ma'ãpé ate ub'rẽ 'remhã â suru na te hâ'rẽne da, a'â ĩma sa'ré na.

Zenezi 24:17 ပူးပေါင်းရင်းမြစ်များ

Zenezi 24:45

Zahadu ĩmreme te 'rãsutu õ ré, Rebeca ub'rẽ tinhisé ma tô we ti'â. Ta hã â zô ab're u te te si'rai wamhã, ma tô â hã hu. Tawamhã wa tô ãma 'mahâ ãne: “Ma'ãpé ĩzawi na hã, â ĩma õ na, te hâ'rẽne da.”

Zuwã 4:7

Tawamhã 'ri nho'õmo u, ma tô isiré 're inomro mono norĩ hã ai'aba'ré, tisa te te sisa 'mai'uipra za'ra da. Zezusihi si te isa'u tinhamra za'ra, â zô ab're ãma. Tame sãmra ré, te we pi'õ hã mo, â zô, samaritanu na iwaptẽrẽ hã. Tawamhã â zô ab're u wisi wi, te Zezusi hã 'mahâ, ãne: — Â we ĩma a'âri, te hâ'rẽne da, 'rubu di.

Zuwã 4:9

Tawamhã te pi'õ hã asa tãma tinha, ãne: — E niha te â hã ĩwi iwaptẽ, wasiré samaritanu õ nherẽ. A hã zudeu. — Zudeu norĩ hã, samaritanuhu me siré 're hâimana za'ra mono õ wa, te ãne pi'õ hã tãma tinha.