Zenezi 24:16 - ꞌRe Ihâimana Uꞌâsi Mono Zadawa Wasuꞌu

¹⁶ Rebeca azarudu hã iwẽ uptabi, ihâiba ubuni. Zahadu aibâ te te isa'rese'õ. Ta hã â zô ab're u ma tô si'ra. Tawamhã â te te a'âri parimhã, ma tô apâ iré sai'u.

Zenezi 24:16 ပူးပေါင်းရင်းမြစ်များ

Zenezi 12:11

Tawamhã Ezitu u oto simasisi wana ré, ma tô Abrã hã, timro Sara'ihi ma tinha ãne: — Te za ĩwapa! Tô sena a hã pi'õ i'aiwẽ uptabi.

Zenezi 26:7

Tawamhã aibâ norĩ tô õhõ 're, 're irob za'ra mono, imro na te te sadanharĩ za'ra wamhã, ma tô tihidiba na tãma wasu'u za'ra. Rebeca hã pi'õ iwẽ uptabi. Tahawa Izaqui timro na te te iwasu'u da hã pahi di, õhõ 're, aibâ norĩ 're irob za'ra mono hã te te siwi wĩrĩ õ'umnhasite, imro zô.

Zenezi 29:17

Léia hã simirob'madâ'â warõire di. Raqueu si i'ubu wẽ, duré ihâiba wẽ.

Zenezi 39:6

Tahawa Potifa, Zuzéhé nhib'rata ma tô uburé tinhimarĩ te te tãma 're ab'madâ'â mono da hã tãma sa'ré za'ra. Ãhã wa, te hâtâ'â ãna sima iwẽ na 're hâimana. Duré ãhã wa, ma tô tisazéb zô si sima te te oto 're rosa'rata. Zuzé aibâ iwẽ na ihâiba, duré i'madâ'â ze na ihâiba.

Zenezi 4:1

Tawamhã Adã, timro Ewaha ãma nasi sapa'a wamhã, ma tô tiwasã. I'ra duré oto tãma waptã'ã wamhã, te ãne tinha: — Uburé Danhib'apito nhimipawaptobzéb zarina, ma ĩ'ra aibâ na ĩma podo. Tawamhã ma tô sisi, Caĩ na.