Zenezi 24:15 - ꞌRe Ihâimana Uꞌâsi Mono Zadawa Wasuꞌu

¹⁵ Tawamhã zahadu timreme te te sazâri õ ré, Rebeca ub'rẽ tinhisé te te âri sina te wei mo. Ta hã Betu'éhé 'ra, Milcaha 'ra 'ra, duré imro, Abra'ãhã sisãnawã Naoho 'ra 'ra.

Zenezi 24:15 ပူးပေါင်းရင်းမြစ်များ

Zenezi 11:27

à hã Teraha 'ra norĩ wasu'u, isihudu norĩ wasu'u me. Tera hã, Abrãhã mama, Naoho mama, duré Harãhã mama. Tawamhã duré Harã hã, Loho mama.

Zenezi 11:29

Tawamhã Abrã hã ma tô Sara'ihi ãma timro. Duré Nao, Milca na isisi ãma ma tô timro. Milca norĩ, Iscaha me hã, Harãhã 'ra sipi'õ zahuré.

Zenezi 21:14

Tawamhã awẽm na ma tô Abra'ã hã robza'rã ré mararé uptabi udu. Tahawa, Agaha ma, ĩsa hã duré romhâ 'manharĩ na ub'rẽ â ré i'masi hã ma tô tãma tisõ. Taha pari 'watébrémi isisé te te tãma sãrĩ wamhã, ma tô iré satõ, oto morĩ da. Tawamhã Aga siwa'ru a'ubuni wi rop si 're irosa'wari mono niwĩ, ma tô 're mo, Beseba na 'ri wa'õtõ nhisi niwĩ.

Zenezi 24:14

Tawamhã nimahã we imorĩ ma, wa za ãne tãma tinha: “Ma'ãpé ĩzawi na hã â suru na te hâ'rẽne da, piza we ĩma si'ra na.” Duré ãne te te ãma ĩzada'âbâ wamhã asa: “Ã hâ'rẽne pé. Hâ'rẽne parip si, wa za ate awaru ba'õmore norĩ ma zama tãma õb za'ra”, ane wamhã, wa hã wa za waihu'u, aima romhuri'wa Izaquihi mro da, pi'õ ipisutu na hã. Ãne wamhã, wa za waihu'u, ĩnhib'apito ma, iwẽ i'manharĩzém na hã.

Zenezi 24:24

Tawamhã asa ma te ãma tãma wa'rã ãne: — Wa hã Betu'éhé 'ra, Milca norĩ nhihudu, Naoho me.

Zenezi 24:45

Zahadu ĩmreme te 'rãsutu õ ré, Rebeca ub'rẽ tinhisé ma tô we ti'â. Ta hã â zô ab're u te te si'rai wamhã, ma tô â hã hu. Tawamhã wa tô ãma 'mahâ ãne: “Ma'ãpé ĩzawi na hã, â ĩma õ na, te hâ'rẽne da.”

Zenezi 25:20

Tawamhã Izaqui 40 na ãma iwahub ãma, ma tô Betu'éhé 'ra Rebecaha ãma timro, Labãhã hidiba ãma hã. Ta norĩ hã Arameu norĩ siré, te Mezopotãmia na romnhisi ãma 're hâimana zahuré.

Zenezi 29:5

Tawamhã te duré Zaco sadanharĩ za'ra ãne: — E aima waihu'u pese za'ra wa'aba di, Labã, Naoho 'ra hã. — Ĩhe, wama waihu'u pese za'ra di. — Ãne ma tô duré asa sada'âbâ za'ra.

Zenezi 29:9

Tawamhã Zaco zahadu, te te tãma nharĩ za'ra ré, Raqueu pone'ẽrebâ 'madâ'â'wa ma tô itẽmemhã tiwisi za'ra, timama nhimizama ré hã.

Salmu 34:15

'Re ihâimana u'âsi mono hã te sena na 're ihâimana za'ra mono norĩ hã te te 're ab'madâ'â pese. Te duré te te tiwi 're irowaptẽrẽ za'ra mono zé hã te te 're awapari.

Provébiu 31:27

Niwamhã wa'a na 're hâimana mono õ di. Õne u'â te uburé 'ri 're, tinhimi'madâ'â norĩ hã te te 're ab'madâ'â pese.

Ruti 2:17

Ãne ma tô Ruti, amnho 'rã'a'a hã hâiwahâzéb u nherẽ te te 're awaibu. Taha pari, ma tô duré pré'é, i'rãi uptabi si te te ubumro da. Tawamhã i'rã pire pibuzé hã 25 kilu u ma aré watobro.

Ruti 2:2

Tawamhã nimahã bâtâ na ma tô Ruti tãma tinha, Noẽmihi ma, ãne: — E ĩma waprosi õ di za, ĩmorĩ da, daburu na amnho 'rã a'a ti'ai baba irere'e mono hã te 're awaibui mono da. Ãté ni'wa hã buru na romhuri'wa hã te za sima ĩwẽ, isarina te awaibui mono da amnho 'rã'a'a hã. Tahawa, Noẽmi hã ma tô oto satõ, tisani'wa hã: — Saihi, mo oto pé aimorĩ.