Zenezi 24:14 - ꞌRe Ihâimana Uꞌâsi Mono Zadawa Wasuꞌu

¹⁴ Tawamhã nimahã we imorĩ ma, wa za ãne tãma tinha: “Ma'ãpé ĩzawi na hã â suru na te hâ'rẽne da, piza we ĩma si'ra na.” Duré ãne te te ãma ĩzada'âbâ wamhã asa: “Ã hâ'rẽne pé. Hâ'rẽne parip si, wa za ate awaru ba'õmore norĩ ma zama tãma õb za'ra”, ane wamhã, wa hã wa za waihu'u, aima romhuri'wa Izaquihi mro da, pi'õ ipisutu na hã. Ãne wamhã, wa za waihu'u, ĩnhib'apito ma, iwẽ i'manharĩzém na hã.

Zenezi 24:14 ပူးပေါင်းရင်းမြစ်များ

Zenezi 15:8

Tawamhã Abrã te asa tãma tinha ãne: — Uburé Danhib'apito, ĩte 'Re hâimana u'âsi mono, e niha wa za waihu'u, sena na ã ti'a na za ãma ĩsite da na hã.

Zenezi 24:13

Ãhãta â zô ab're 'rata wa ĩhâiba, azarutu norĩ 'ri nho'õmo 're, 're ihâimana za'ra mono, â te te 're amrami za'ra mono da, we sô 're inomro mono zéb ãma.

Zenezi 24:15

Tawamhã zahadu timreme te te sazâri õ ré, Rebeca ub'rẽ tinhisé te te âri sina te wei mo. Ta hã Betu'éhé 'ra, Milcaha 'ra 'ra, duré imro, Abra'ãhã sisãnawã Naoho 'ra 'ra.

Zenezi 24:18

— Hâ'rẽne. — Ãne ma te asa ãma sada'â. Tawamhã awa'awi tinhisé hawi te te tãma si'rai wamhã, ma tô te te hâ'rẽne ré hã a'â tãma tété.

Zenezi 24:19

Tawamhã te te tãma õ pari, te ãne azarudu hã tãma tinha: — Ate awaru ba'õmore norĩ ma zama, â hã wa za nasi tãma amrami za'ra, te te i'mahâpãrĩ za'ra zéb u, te tãma õb za'ra da.

Zenezi 24:43

Ãhãta, wa ãme â zô ab're zababa nhamra. Pi'õ â te te a'âri da, we 'maimorĩ wamhã, wa za â hã tiwi 'maiwaptẽ, te te ĩma 'mai'õb da hã tite ub'rẽ 'remhã.

Zenezi 24:44

Ta hã ãne na te te ãma ĩ'mazazei wamhã, duré ĩte awaru ba'õmore ma zama te te tãma õb za'ra da, si'mai'âri wamhã, ã hã te za ĩnhib'apito 'ra ma hã, pi'õ tãma ipisu za, imro da.”

Provébiu 19:14

Da'ra norĩ te za timama uirĩ na isimarĩ hã 'ri hã duré rob'uiprazé hã te te sima 're waibu za'ra. Tane nherẽ, Uburé Danhib'apito si te za damro pi'õ isimiza'rese wẽ hã te te dama 're anhomri.

Zuize 18:5

Tahawa, te iprédupté ma nharĩ za'ra ãne: — Ma'ãpé 'Re ihâimana u'âsi mono sadanharĩ, rowẽ na za iwasi'aba'réi wẽ zém na hã apâ bâdâdi na.

Zuize 6:17

Tawamhã Gidiã, ma te duré ãne ãma sada'â: — Ĩma aipẽ'ẽ toi wamhã, ma'ãpé tô marĩ ĩma 'manharĩ, sena tô a hã ĩma nharĩ wamhã.

Zuize 6:37

Wẽ di tô. Tane wamhã, ãne wa za 'manha pé. Suru na pone'ẽrebâ zéré hã wa za 'maza'ra, amnho trigu, wa te 're ipré'é za'ra mono zé wa. Tawamhã awẽm na mararé pone'ẽrebâ zéré si atébré te te di'i wamhã, i'uirĩ na ti'a si te te di'i õ wamhã, wa za waihu'u, za Izaraéu nhihudu norĩ, ĩhâiba u'âbâmhã i'anho'reptu na hã, iropisutuzéb zarina.

1 Samuéu 20:7

Tahawa, ãne te te nharĩ wamhã: “Wẽ di, marĩ õ di”, ĩma simimnhasi õ di. Tane nherẽ, sahi na hâimana wamhã, te za iwaihu, za marĩ te te ĩ'ãma i'manharĩ wasété zém na hã.