Zenezi 24:12 - ꞌRe Ihâimana Uꞌâsi Mono Zadawa Wasuꞌu

¹² Tawamhã ma tô mre ãne: — Uburé Danhib'apito, ĩnhib'apito Abra'ãhã te, 'Re ihâimana u'âsi mono, ma'ãpé uburé marĩ iwẽ na ĩma watobro da, ĩma 'manharĩ. Duré ĩnhib'apito ma, iwẽ si tãma 're 'manharĩ u'âsi mono.

Zenezi 24:12 ပူးပေါင်းရင်းမြစ်များ

Zenezi 15:1

Tawamhã ãhã parip si Abrã ma tô sõtõ 'rowim ne marĩ 'madâ. Taha na te Uburé Danhib'apito ãne tãma tinha: — Abrã, aipahi tõ. Marĩ isimimnhasi wi wa za wa hã 're ĩsimapa, ai'wawi. Duré iwẽ wa za te aima 're anhomri.

Zenezi 24:21

Ãhã ré, te aibâ mreme ãna taré azarudu titõmo na 'madâ'â pese, te te waihu'u da, Uburé Danhib'apito romhâ na imorĩzéb zarina wẽ na marĩ tãma watobro da, te te ipawaptobzéb zô, niha wamhã mare zô duré.

Zenezi 24:27

Ãne te tinha: — Uburé Danhib'apito, Abra'ã ĩnhib'apito te, 'Re ihâimana u'âsi mono hã, iwẽ uptabi. Tô sena ma tô ĩnhib'apito ma, umnhasi sina ãma 're isiwãrĩ wẽ mono na hã tãma 're hâimana. Taha zarina ma tô isisãnawã norĩ nhorõwa u hã awa'awi u'âsi we ĩzaprõni wẽ.

Zenezi 24:42

— Tawamhã ãhã na â zô ab're u ĩwisi wamhã, wa tô 'Re ihâimana u'âsi mono ma, ãne tãma mre: “Uburé Danhib'apito, ĩnhib'apito Abra'ãhã te, 'Re ihâimana u'âsi mono, wa aiwi waptẽ, we ĩpawaptobzéb zarina i'uwaibaba na si marĩ te 'manharĩ da hã.

Zenezi 24:48

Tahawa wa tô ĩhi'rãtitõ nhamra, 'Re ihâimana u'âsi mono ãma ĩwata da. Ãhã wamhã, Uburé Danhib'apito, Abra'ã, ĩnhib'apito te, 'Re ihâimana u'âsi mono, awa'awi si Izaquihi mro da, pi'õ zô we te te ĩzaprõni wẽ 'wai ãma wa tô ĩwata tô.

Zenezi 26:24

Tawamhã tô taha mara na, Uburé Danhib'apito tãma sihâi'ré wamhã, te ãne tãma tinha: — Wa hã, Abra'ã aimama te, 'Re ihâimana u'âsi mono. Aipahi õ di za, wa hã asiré 're ĩhâimana u'âsi mono wa. Ĩma romhuri'wa Abra'ãhã u'âbâ, wa za iwẽ hã te aima 're apisutu. Duré asihudu norĩ ahâ uptabi na 're hâimana za'ra mono da wa za aima 'manha.

Zenezi 27:10

Taha parip si te za te te 'rẽne da hã tãma i'â. Ãhã wamhã, te za aimama hã dâ'â õ ré ai'ãma mre, 'Re ihâimana u'âsi mono ma, iwẽ hã te te aima 're apisutu mono da.

Zenezi 27:20

Tawamhã Izaqui te sadanha ãne: — Ĩ'ra, e niha ma te merẽ waptu na asõwẽ su. Tawamhã Zaco, ma te ãma sada'â ãne asa: — Uburé Danhib'apito, ate 'Re ihâimana u'âsi mono ma tô ãne na hã ãma ĩpawapto.

Zenezi 28:13

Tahawa, te te isahoi mono 'remhã te Uburé Danhib'apito, sai'urizé zababamhã za. Ãhã wamhã, te tãma tinha ãne, ta hã: — Wa hã Uburé Danhib'apito, ai'rada Abra'ãhã te, duré Izaqui aimama te, 'Re ihâimana u'âsi mono. Ti'a iwa i'anomrozé hã wa za aima tisõ. Asihudu norĩ ma zama wa za tãma sõmri za'ra.

Zenezi 31:42

Tawamhã duré ĩhi'rata norĩ te, 'Re ihâimana u'âsi mono, Abra'ãhã te, duré Izaquihi te te 're iwazé pese mono hã, ĩsiré 're hâimana mono õ 'wa'âhã, a hã te aré ĩzatõ, ĩnhib'rata baba na ĩmorĩ da. Tane nherẽ, õ hã ma tô te irobzépatazé hã duré te 're iromhuri mono zé hã te te 're 'madâ'â. Tahawa, ahâmhâ bara na ma tô õ hã niha na ai'ãma rowairébé, te te iwaihu'uzéb zarina.

Zenezi 32:10

Wa hã asib'a'uwẽ, tarére na 're ĩhâimana mono nherẽ, ĩma asimizawi pese zé hã duré ai'umnhasi u'âsi wa, ĩ'ãma 're aiwamri mono zé hã aré tô ĩma hã ibâi õ di. Panho'u Zodã pa na te saprĩ wamhã, ĩsiwazusizéb ré si wa tô saprĩ. Tane nherẽ, ãhã na awa'awi na hã wa oto maparane dawa'õtõ na abaze norĩ ré hã apâ ĩsina siri.

Zenezi 32:9

Tawamhã Zaco, ãne te 'Re ihâimana u'âsi mono ma hã mre: — Uburé Danhib'apito, ĩhi'rata Abra'ãhã te, duré ĩmama Izaquihi te 'Re ihâimana u'âsi mono, ma'ãpé aima ĩmremezém na hã ĩwapari. A hã ma tô we ĩzatõ, apâ ĩnhipti'ai u we ĩmorĩ da, ĩsiwapru norĩ u. Duré iwẽ na si ĩma romhâimana mono da hã, ma tô ĩma iropisu.

Zenezi 43:14

'Re ihâimana u'âsi mono iwaihu'u pese si niha hã aibâ ma, te te i'manharĩ da hã wa ĩsima wẽ, taha zarina ai'ãma siwamri za'ra wa'aba wa, te te aima waprosi za'ra wa'aba da, asisãnawã norĩ na Bẽzamihĩ me we asiwi siri aba da ãwa. Bété duré ĩ'ra norĩ te simini za'ra wamhã, marĩ hã te 'manharĩ dai õ di wa hã. Ĩ'ra ãna wa za tô oto 're ĩhâimana.

Neemia 1:11

Tahawa, ma'ãpé ĩmreme na te ãma aiwi 're irowaptẽrẽ mono zé hã wapari ãhã na hã. Duré aima romhuri'wa hâiba amo norĩ ai'ãma 're iwata ze za'ra mono nhimirowaptẽrẽ zama te za iwapa. Ma'ãpé duré ĩma 'manharĩ, iwẽ na si ĩma romhâimana da, apito hã iwẽ na te te ĩma rowairébé da. Tô taha wamhã, wa tô uwa 'rãi wa'u isé za'wari'wa na aré 're ĩhâimana, apito ma hã.

Neemia 2:4

Tawamhã te apito ĩzadanha ãne: — E marĩ te asima iwẽ. Tawamhã wa tô mre 'Re ihâimana u'âsi mono, hâiwa ãma 're isãmra mono ma hã.

Salmu 118:25

Ma'ãpé wa'anho'reptu na, Uburé Danhib'apito, wanho'reptu na! Wa te wasima iwẽ za'ra zéb zarina, ma'ãpé ãma wama uwaimrami za'ra na, 'Re ihâimana u'âsi mono!

Ezodu 3:15

Uburé Danhib'apito, 'Re ĩhâimana u'âsi mono aihi'rata norĩ te, Abra'ãhã te, Izaquihi te, Zacoho te, ma tô we atẽme za'ra wa'aba hã ĩzatõ. Taha nhisi hã te õne u'â 're hâimana. Tahawa, taha nhisi na te za õne u'â a norĩ wa'wa hã ãma 're asipo're pu'u za'ra wa'aba mo.”

Ezodu 3:6

— Wa hã aihi'rata norĩ nhib'apito 'Re ĩhâimana u'âsi mono, Abra'ãhã nhib'apito, Izaquihi nhib'apito, duré Zacoho nhib'apito. Tawamhã Mozési ma tô si'ubu zuwa, pahi wa, 'Re ihâimana u'âsi mono te te i'madâ'â da hã.

Provébiu 3:6

Uburé marĩ 're i'ab'manharĩ mono na 'Re ihâimana u'âsi mono ãma 're aipo're pu'u mono. Taha wamhã bâdâdi awa'awi inomro hã te za te te aima 're hâi'ré u'âsi.

Mateu 22:32

“Wa hã Abra'ãhã nhib'apito, wa 're ĩhâimana u'âsi, duré Izaquihi nhib'apito, duré Zacoho nhib'apito.” Ãne ma tô 'Re ihâimana u'âsi mono hã Abra'ã norĩ uirĩ na nherẽ, Mozésihi ma, siwaihu'u. Wahi'rata norĩ hã dawi 're dâ'â za'ra mono nherẽ, 'Re ihâimana u'âsi mono wi, 're dâ'â za'ra mono õ di. Tahawa, ma tô Isib'apito za'ra na siwasu'u. Dâ'â u'âsi 're hâimana za'ra mono 'wa'âhã, Isib'apito za'ra na aré siwasu'u õ di.

Filipu 4:6

Marĩ na 're aihâtâ'â za'ra wa'aba mono ãna, te za oto 're aihâimana za'ra wa'aba mo. 'Re ihâimana u'âsi mono ma, 're aimreme zusi aba mono zép sidâpâsi, te za duré tiwi 're irowaptẽrẽ za'ra wa'aba mo, uburé marĩ zô aiwi 're irowaptâ'â za'ra wa'aba mono zém na hã. Aipẽ'ẽ 're, ãma 're aiwata za'ra wa'aba mono sina, te za asi'ãma duré tãma 're aimreme zusi aba mo.