Zenezi 23:6 - ꞌRe Ihâimana Uꞌâsi Mono Zadawa Wasuꞌu

⁶ — Wanhib'apito, ma'ãpé asina wawapari za'ra na! A hã wanhib'ihâ'a za'ra te asiptete uptabi na wama 're aihâimana za'ra mo. Tahawa te za 're iwasiséme mono zé iwẽ uptabi 're, aimro ãma hã iti'a. Aimro ãma iti'a da hã wa norĩ wa te aiwi sawi za'ra dai õ di.

Zenezi 23:6 ပူးပေါင်းရင်းမြစ်များ

Zenezi 13:2

Abrã hã isimarĩ pese uptabi di, pozé wasété na hã, ẽtẽ waipo prã prata na hã, duré ẽtẽ waipo pré oru na hã.

Zenezi 14:14

Tawamhã Abrã, i'ra wapté da te dasiwi âri wa, da te dasiwi isaprõnizé te te waihu'u wamhã, ma tô tite aibâ norĩ dasi'wapé na ãma 're isisanho za'ra mono hã sima 'rã'õtõ, uburé isõrõwa mono bâ 're ipoto za'ra mono norĩ hã. Uburé ta norĩ hâiba za'ra hã 318 na. Tawamhã Abrã, maparane si'uiwa na apito norĩ zarina ma tô isiré za'ra mo, 'rinho'u Dã na isisi u hã.

Zenezi 18:12

Tahawa te sihâ sina ãne 'râwi sima tinha: — E niha wa za ĩnhib'apito ãma te ĩsima rosa'rata ze, wa norĩ hã oto ihire nherẽ, ãhã na hã. Sadai õ di.

Zenezi 20:7

Ma'ãpé ãhã na apâ imro ma, pi'õ hã tãma sõmri. Õ hã ĩzadawa 'mahârâ'wa, te za ai'ãma ĩwi hã rowaptẽ, atâ'â tõ da hã. Ãne na hã wa za aipo're pu'u siro. Apâ imro tãma sõmri õ wamhã, te za tô atâ za. Duré uburé aima 're ihâimana za'ra mono norĩ hã te za ai'utõ za.

Zenezi 21:22

Tawamhã Abimelequi, tô taha bâdâ we isisõré mono na ma tô Abra'ãhã ma, te te robzanhamri da hã itẽme mo. Duré taha wamhã Fico, ite dasi'wapéi 'manharĩ'wa norĩ 'madâ'â'wa hã ma tô isiré mo. Tahawa te ãne tãma tinha: — 'Re ihâimana u'âsi mono, uburé marĩ 're i'ab'manharĩ mono zém na hã te we asiré 're hâimana.

Zenezi 23:5

Tawamhã hitita norĩ hã ma te ãne asa ãma sada'âbâ za'ra:

Zenezi 23:7

Tawamhã Abra'ã hâiwi sa wamhã oto, ma tô hitita norĩ nho'remhã tãma aiwẽ'ẽ za'ra.

Zenezi 24:18

— Hâ'rẽne. — Ãne ma te asa ãma sada'â. Tawamhã awa'awi tinhisé hawi te te tãma si'rai wamhã, ma tô te te hâ'rẽne ré hã a'â tãma tété.

Zenezi 24:35

Uburé Danhib'apito ma tô ĩnhib'apito ma iwẽ si te te tãma 're apisutu. Tahawa, ma tô sisimarĩ pese. Isimizama da, pone'ẽrebâ norĩ hã, pone'ẽrebâ zéré uzé norĩ hã, powawẽ norĩ hã, ẽtẽ waipo prã prata 'manharĩ hã, ẽtẽ waipo pré oru 'manharĩ hã, pawa'âbâ ãna tãma romhuri'wa si'aibâ norĩ hã pawa'âbâ ãna romhuri'wa sipi'õ norĩ hã, awaru ba'õmore norĩ hã, duré awaru po're pore norĩ zama hã ma tô tãma sõmri za'ra.

Zenezi 31:35

Tawamhã Raqueu te timama ma tinha ãne: — Ĩzada asahi tõ, ĩwahutu õ wa. Wahâzé hã te ĩ'ãma tihâiba. Ãne Labã tite romhâibarĩ zô hã ma tô 're rĩtĩ, te te 'masãmri da ne.

Zenezi 32:18

Tawamhã te za ãne ãma isada'â za: “Ã norĩ hã asib'a'uwẽ Zacoho nhimizama, tinhib'ihâ'a Ezauhu ma, we ãma tãma isõprub za'ra. Taha zama te we zahadu waza'u za'ra hã mo.”

Zenezi 42:10

Tawamhã asa ma te ãne ãma tãma wa'rãmi za'ra: — Mare di, wanhib'apito. Taha dai õ di. Wa norĩ hã aima romhuri'wa norĩ, mra wa te 'mai'uipra za'ra da si wa tô we ai'aba'ré ni.

Zenezi 44:5

E marĩ da, ma tô ĩnhib'ihâ'a nhimihâsizé ẽtẽ waipo prã prata na i'manharĩ hã tiwi isimi'uri za'ra wa'wa. Taha na te te 're hâsi. Taha na te duré romnhowamhã marĩ iwatobrozé hã te te 're awaihu'u siro. Marĩ iwasété uptabi ma tô i'manharĩ za'ra wa'wa.”

Zenezi 44:8

Ti'ai wa'õtõ nho'u Cana'ã hawi, we apâ wasi'aba'ré na sahu wamhã, wa tô rob'uiprazé wate za'ra sa'ui mono bâ, wa te isõpẽtẽ za'ra hã we apâ ãma siri za'ra ni. E marĩ da, wa aré bété asib'apito te, ẽtẽ waipo prã prata 'manharĩ hã niha wamhã, ẽtẽ waipo pré oru 'manharĩ hã wasiwi simi'uri ni. Waihu'u õ di.

Ezodu 32:22

Tawamhã Arã ma te ãma sada'â ãne: — Ĩzada hã asiti'ru tõ. Aima hã waihu'u pese di, ã hã a'uwẽ norĩ õne u'â marĩ iwasédé te te 're i'manharĩ ze za'ra mono na hã.

Ruti 2:13

Tawamhã Ruti ma tô Buazihi ma tinha, ãne: — Apito, wẽ na te ĩpawapto mo. Ĩma inharĩ wẽ mono zém na ma ãma ĩma irowẽ waze, wa hã aima romhuri'wa norĩ sipi'õ norĩ ma, ĩwapure nherẽ.