Zenezi 23:4 - ꞌRe Ihâimana Uꞌâsi Mono Zadawa Wasuꞌu

⁴ — Wa hã asiré za'ra wa'aba a'uwẽ õ nherẽ, wa tô aiwa'wa wa'aba 're ĩhâimana. Tahawa te za ti'ai wa'õno hã asiwi ĩma i'maiwede 'wa, ĩmro te iwa ãma ti'a da.

Zenezi 23:4 ပူးပေါင်းရင်းမြစ်များ

Zenezi 17:8

Ti'a wa za aima tisõ. Asihudu norĩ ma zama wa za tisõ, dasiré a'uwẽ'õ na iwa 're i'aihâimana mono zé hã. Uburé Cana'ã ãma ti'a te za õne u'â asihudu norĩ ma, ite na tãma 're hâimana za'ra. Tawamhã wa za duré ite za'ra na 'Re ihâimana u'âsi mono na tãma 're ĩhâimana za'ra.

Zenezi 23:5

Tawamhã hitita norĩ hã ma te ãne asa ãma sada'âbâ za'ra:

Zenezi 3:19

Tawamhã duré asu'u za'ẽtẽ 'rowi te za romhuri pire na hã 're iromhuri u'âsi mo, asazéb da, ti'ai ãma 're aihâimana mono ré, apâ asiti'azéb u. E marĩ wa. Ti'a 'manharĩ na dâ'âsina, a hã. Duré a hã ti'ai 'manharĩ wa, te za apâ asiti'a.

Zenezi 47:9

Tahawa, Zaco ma tô sada'â ãne: — 130 na ma tô oto ĩ'ãma tiwahu, hâiwi si nimomomhã 're ĩmorĩ ré hã. 'Re ĩhâimana mono zé hã 'ruture di, duré pire di. Tahawa, ĩhi'rata norĩ ãma wahub ahâ na 're iwahub za'ra mono ne, ĩ'ãma iwahub ahâ da hã waihu'u õ di.

Zenezi 49:30

Maquipela ãma Mare bâtâ pusizém niwĩ, ti'ai wa'õtõ nho'u Cana'ã 'remhã. Ta hã ma tô Abra'ã Efrõhõ wi uipra, imana wawi ti'a inomro siré, da'ru iwa 're ihâimana u'âsi mono da hã.

Zenezi 50:13

Cana'ã u ma tô ihâiba hâ hã siwi ti'â. Tahawa, ma tô a'ubuni wi ẽtẽ na ab're siromo wa siwi tisẽ, Maquipela ãma Mare bâtâ pusizém niwĩ, ti'a Abra'ã, hitita norĩ siré Efrõhõ wi te te i'uiprazéb ãma, tisiré a'uwẽ norĩ 'ru da hã.

Salmu 119:19

Wa hã wa ti'ai ãma suru na 're ĩhâimana hutu. Tahawa, ma'ãpé asimiroti na ĩma 're ba'a mono õ di za.

Ezodu 2:22

Tawamhã oto 'ra wamhã, ma tô sisi Mozési hã, Gésõ na. Te te sisi wamhã, ãne te tinha: — Wa hã ĩsiré a'uwẽ'õ nhipti'ai ãma wa oto 're ĩhâimana.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:5

Tane nherẽ, we te te saprõni nherẽ, te te tãma sõmri uptabi õ di, ti'a hã ite da. Tahawa, te ãne hã tãma tinha: “Tô sena, ti'a, wa za aima tisõ, ate da, asihudu sidâpâsi, asihudu norĩ te da.” Ãne ma tô tãma ropisutu, Abra'ãhã ma, 'ra õ ré.

Hebreu 11:9

'Re ihâimana u'âsi mono si te te sina 're i'umnhasi mono zéb zarina, ma tô darob amoi ãma 're sãmra Abra'ã hã, dasiré õ nherẽ, 'Re ihâimana u'âsi mono, za ãma isa'ru da hã te te tãma ipisutuzéb ãma. Ãhã wamhã, romhâ 'manharĩ na 'ri wa, te oto 're sãmra, 'ri uptabi õ wa. Izaqui norĩ hã ma tô duré romhâ 'manharĩ na 'ri wa, 're simasisi zahuré, Zacoho me. Ta norĩ ma, ma tô duré ropisutu zahuré, Abra'ãhã ma te te iropisutu ne, 'Re ihâimana u'âsi mono hã.

1 Pedru 2:11

Ĩsisãnawã norĩ, ĩma asawi pese za'ra wa'aba norĩ hã, darom nhiti 're idahâimana za'ra mono ne, te 're aihâimana za'ra wa'aba mo, ti'ab ré. Tahawa, marĩ wasété na 'râwi asima 're rosa'rata za'ra wa'aba mono õ di za, asimirosa'rata wasété zarina 're 'manharĩ za'ra wa'aba mono tõ da, aiwasété 'wa hã.