Zenezi 23:2 - ꞌRe Ihâimana Uꞌâsi Mono Zadawa Wasuꞌu

² Tawamhã 'ri nho'u Hebrõ na isisi, Quiriate-Arba na isisi amoi ãma ma tô oto dârâ, Cana'ã ti'ai ãma. Si'utõrĩ wamhã, ma tô Abra'ã hã ãma aiwa'õ, pẽ'ẽzé uptabi wa.

Zenezi 23:2 ပူးပေါင်းရင်းမြစ်များ

Zenezi 13:18

Tawamhã ãne te te tãma waihu'u wa, Abrã te te sima i'ri nhoré mono zé hã ma tô te te awasihu, te te aza'ré da 'ri hã, rowede iwazéb zahi, Mare na isisi 'rata 're hâimana mono da oto, 'ri nho'u Hebrõ na isisi 'rata 're isa mono ãma. Tame ma tô Abrã, Uburé Danhib'apito ma, ẽtẽ za'ra hã 'manha, ãma iwatazéb da hã.

Zenezi 23:1

Tawamhã Sara 127 na ãma iwahum na ma tô 're hâimana.

Zenezi 23:19

Taha pari Abra'ã, ma tô timro Saraha ãma hã oto ti'a, ẽtẽ na ab're siro ti'ai wa'õno Maquipela wa ihâimana ãma, Mare bâtâ pusizém niwĩmhã, Hebrõ na isisi amoi ãma, Cana'ã ti'ai 'remhã.

Zenezi 24:67

Tawamhã Izaqui, 'ri u ina Sara aré 're isãmra mono zéb u, ma tô Rebeca hã saprõ. Ãhã wamhã, ma tô oto ãma timro. Tawamhã Izaqui, Rebeca ma tô te te 're sawi pese. Ãne zarina, ma tô ina dâ'âzém na 're ipẽ'ẽzé mono zé hã sina tãma tipa.

Zenezi 27:41

Tawamhã Ezau, Zacoho da ma tô ab'rui pese. E marĩ wa. Imama, 'Re ihâimana u'âsi mono ma, iwẽ õhõ ma si te te 're apisutu mono da, ãma mreme wa. Tahawa ma tô ãne sima rosa'rata: “Ĩmama dâ'âzé hã romhuture di oto. Te za tidâ'â su'u. Tawamhã nimahã na apâ wapo're simrami wa, wapẽ'ẽ hâza'õtõ wapsi, wa za ĩno hã tiwĩ za.”

Zenezi 35:27

Tawamhã Zaco, timama Izaquihi siré 're hâimana mono da hã ma tô mo Mare na 'ri nho'õmo nhisi u, Arba na isisi amoi u, Hebrõ na 'ri nho'õmo nhisi 'rata 're ihâimana mono u, Abra'ã, Izaquihi siré aré 're isãmra mono zéb u.

Zenezi 37:14

Tawamhã Zaco te duré tãma tinha ãne: — Te za aimo, asisãnawã norĩ rowẽ zô, duré pone'ẽrebâ norĩ rowẽ na simasab zô sabu za'ra da, iwasu'u za'ra we ĩma âri da. Tawamhã ta hawi Hebrõ na romharé nhisi hawi ma tô Zaco ti'ra Zuzé hã satõ, Siquẽ u morĩ da. Tahawa Zuzé ma tô oto mo. Tawamhã tamomo oto wisi wamhã,

Zenezi 50:1

Tawamhã Zuzé, ma tô timama nhisiwimhã waptãrã, tinho'utu te te âri da. Tahawa, ma tô ãma siwa'õ sina tob'rata hârâ na sawi.

Zenezi 50:10

Tawamhã Atade na romnhisi u oto sihutu wamhã, Zodã â bâtâ pusizém niwĩ 're isa'wari mono u hã, ma tô amnho trigu da te 're ipré'é za'ra mono zéb ãma ihâiba na siwa'õ 'rãihâ na hã sô rob'rã ze za'ra, 7 bâtâ 'remhã.

Neemia 11:25

Izaraéu nhihudu norĩ hã te ahâ uptabi na rom na tiburu 'rata 're si'ubumro, 'ri nho'õmo mono bâ. Tawamhã Zudaha nhihudu norĩ hã 'ri nho'u Quiriate-Arba ãma, Dibõ ãma, Zecabzee'u ãma, duré ti'ai wa'õtõ mono bâ 'ri nho'õmo norĩ 'rata ma tô 're hâimana za'ra.

Zuwã 11:31

Tawamhã Maria hã watobro wamhã, ma isarina wairé rob u, isõrõwa ãma te te sina ipẽ'ẽtété za'ra norĩ hã, tihitébré 'ru u morĩ newa, ãma wawa da. Tane nherẽ, tihitébré 'ru u morĩ õ di, Maria hã. Zezusihi u te wei mo.

Zuwã 11:35

Tawamhã pẽ'ẽzé ahâ wa, te aiwa'õ, Zezusi hã.

Zozué 10:39

Tawamhã ma tô duré 'ri nho'u siwi ti'â, isib'apito zama, duré uburé iwaptoma 'ri nho'õmo norĩ zama. Tawamhã ta norĩ 'ri nho'õmo mono 're, 're idahâimana za'ra mono norĩ hã ma tô uburé siwi uprosi. Ãne ma tô Zozué, Débihi ma hã 'manha, duré ite apito ma hã, Hebrõ ma te te i'manharĩ ne hã, duré Libna ãma apito norĩ ma te te i'manharĩ za'ra ne hã.

Zuize 1:10

Tawamhã 'rinho'u Hebrõ na isisi, aré imorĩ'rada Quiriate-Arba na isisi ãma 're ihâimana za'ra mono norĩ zama, ma tô siwi wano'õ, cananeu norĩ hã. Tahawa, Anaquihi 'ra norĩ ãma, Sesai ãma hã, Aima ãma hã, duré Tauma'i ãma hã ma tô ãma ai'uté za'ra.

1 Samuéu 20:31

Dawi hã zahadu hâiba ré 're hâimana mono ré hã, i'asi'apito da hã mare di za a hã, ã hã ti'ai wa'õtõ nho'õmo 'remhã. Tahawa, ma'ãpé sô aimorĩ, we saprõni da ãwa. Dâ'â hâ!

1 Samuéu 25:1

Tawamhã Samuéu hã ma tô dârâ. Dâ'â wamhã, ma tô uburé Izaraéu nhihudu norĩ hã itẽme si'rã'õtõ, ãma 'ru'ru da hã. Tawamhã ma tô ãma siwi ti'a, Rama ãma 're ihâimana mono zéb ãma. Tawamhã Samuéu ãma te te siwi ti'ai pari, ma tô Dawi hã mo, Parã na rop si 're irosa'wari mono nhisi u.

1 Samuéu 28:3

Tawamhã Samuéu dâ'â wamhã, ma tô uburé Izaraéu nhihudu norĩ hã sô ti'ru'ru. Ma tô duré ãma siwi ti'a, 'ri'ahâ Rama na isisi wa, ipotozéb ãma. Tawamhã Sau hã ma tô uburé adâ'â zadaihu'u'wa norĩ hã, satõrĩ za'ra Izaraéu nhihudu norĩ nhipti'ai hawimhã.