Zenezi 23:13 - ꞌRe Ihâimana Uꞌâsi Mono Zadawa Wasuꞌu

¹³ Tawamhã Efrõhõ ma, te te inharĩzém na uburé da te dasiwi wapari da hã, ma tô mreme 'rãihâ na duré tãma tinha ãne: — Ma'ãpé ĩwapari! Wa ĩsima wẽ tô, ti'ai wa'õno te aiwi uipra da. Tahawa, za te aima iwa'âbâzéb da hã ma'ãpé ãma ĩzaze na. Taha parip si wa za ĩmro na ãma ti'a, õmemhã.

Zenezi 23:13 ပူးပေါင်းရင်းမြစ်များ

Zenezi 23:12

Tawamhã Abra'ã, ma tô hitita norĩ nho're apâ hã tãma aiwẽ'ẽ za'ra.

Zenezi 23:14

Tawamhã Efrõ, ma te asa ãne duré ãma tãma wa'rã:

Zenezi 33:19

Tawamhã duré ẽtẽ waipo prã prata 100 na isapotore na ma tô Siquẽhẽ mama Hamo na isisi taha nhihudu norĩ wi hã, ti'ai wa'õno 'mai'uipra, te te sima iwa i'ri nhoré za'ra zéb da hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 20:35

Ĩnhimiromhuri pese na wa tô aima ãma asanho za'ra wa'wa, sib'uware na 're ihâimana za'ra mono norĩ hã wanhimiromhuri na wa te ãma 're pawaptob za'ra mono da. Wanhib'apito Zezusihi mreme na te za 're aipo're pu'u u'âsi za'ra wa'aba mo. Ãne ma tô wama waihu'u za'ra: “Dama marĩ nhomri'wai ma, rowẽ uptabi di, dawi marĩ âri'wai ma, irowẽ nhipai u.”

Roma 13:8

Marĩ a'â taré dawi 're iwaibui wa'aba mono hã, apâ iwa'rãmi dama 're isõmri za'ra wa'aba mono da na ãma ronomro õ ré, te za dama ãma 're i'uwaimrami za'ra wa'aba mo. Asimizawizém na si te za 're idazawi pese za'ra wa'aba mo. 'Re dazawi pese za'ra wa'aba mono wamhã, uburé 'Re ihâimana u'âsi mono nhimiroti 'rata na Mozési te te irob'ui'érézém na te za asina tãma ãma 're i'uwaimrami za'ra wa'aba mo.

Colosu 4:5

Asimirosa'rata wẽ, oto ãma 're iwaihu'u za'ra wa'aba mono zéb zarina, te za Cristuhu zazei'õ'wa norĩ ma aihâimana prédup sina tãma 're aihâimana za'ra wa'aba mo. Duré 're danhopẽtẽ za'ra wa'aba mono sidâpâsi, te za Cristuhu wasu'uwẽ hã dama 're iwasu'u za'ra wa'aba mo, dasiré 're aihâimana za'ra wa'aba mono ré, da te 're waihu'u za'ra mono ãna 're dahâimana za'ra mono tõ da, Cristuhu wasu'uwẽ hã.

Hebreu 13:5

Rob'uiprazéb zawizé, te te aima 're roti za'ra wa'aba mono tõ da, tãma asina 're rowairébé za'ra wa'aba mono õ di za. Asibro hã aima 're ihâimana za'ra wa'aba mono na si, te za asima 're irowẽ za'ra wa'aba mo. Duréihã 'Re ihâimana u'âsi mono hã ma tô ãne dama sina ropisutu: “Niwamhã te airẽme za'ra wa'aba õ di za. Duré asiwaprosi 're aihâimana za'ra wa'aba mono da, asiti za'ra wa'aba 're ĩhâimana waihu'u mono õ di za.”