Zenezi 22:6 - ꞌRe Ihâimana Uꞌâsi Mono Zadawa Wasuꞌu

⁶ Tawamhã Abra'ã, 'Re ihâimana u'âsi mono ma, tinhoprub zata zéb da mimi wasi te te sa'rai wamhã, ma tô ti'ra Izaquihi nhisé tãma tihi. Tahawa sib'ézé, pré'a me ma tô imama hã timra. Taha pari, ma tô oto siré tineb zahuré.

Zenezi 22:6 ပူးပေါင်းရင်းမြစ်များ

Zenezi 22:5

Tahawa te tite romhuri'wa norĩ ma tãma nharĩ zahuré ãne: — Ãme aimasisi aba, awaru po're pore 'rata. Wa norĩ si wa za ĩ'ra si'watébrémi me hã wanem ni õwamhã, 'Re ihâimana u'âsi mono ãma wawata da. Ãma wawata parip si, wa za we apâ wanem ni za.

Mateu 8:17

Ãne ma tô Zezusi hã te te 're da'apawapto, Izaia hã duréihã te te ãma irob'ui'érézéb zarina te te sina uwaimrami da. Ãne Izaiaha nhimi'ui'éré hã ãma: “Wahâzé mono bâ, ma tô te te wawi 're awaibu.”

Zuwã 19:17

Tawamhã 'ri nhiti te oto siwi saprõ, Zezusi hã. Wedepo'o nhonhi'rãmi hã te sisada ti'â, Da'rãihi na romnhisi u. Hebreu norĩ mreme na Gogota na romnhisi hã. Tamomo te te siwi ãwisi za'ra wamhã, wedepo'o nhonhi'rãmi na ma tô oto siwi sasõ, da'wapéi'wa norĩ hã. Aibâ norĩ wa'wa, ma tô siwi sasõ. Aibâ maparane te ãma aiwa'aba zahuré, da te dasiwi isasõmri zahuré hã.

1 Pedru 2:24

Cristu hã wedepo'o nhonhi'rãmi na dâ'â wamhã, ma tô wawasété wa, wawa'âbâ za'ra, wawasédé hã wa te oto 're 'manharĩ tõ za'ra mono da, wahâimana wẽ na si oto 're wahâimana za'ra mono da. Ihâiba na da te tãma irob'manharĩ wasétézém na, ma tô robzépata za'ẽtẽ. Taha zarina, a norĩ wa'wa hã rowẽ na te oto 're aihâimana za'ra wa'aba mo.