Zenezi 22:3 - ꞌRe Ihâimana Uꞌâsi Mono Zadawa Wasuꞌu

³ Tawamhã Abra'ã mara hâ ré robza'rã ré, utu wamhã, ma tô awaru po're pore sima bazadâ. Duré mi, ma tô sima anhihâ, tinhoprubzé te te ãma izatazéb da hã. Taha pari, 'Re ihâimana u'âsi mono, ro te te tãma iwasu'u u morĩ da, ma tô oto watobro. Tawamhã Izaqui norĩ, maparane tãma romhuri'wa norĩ me, ma tô isiré ai'aba'ré.

Zenezi 22:3 ပူးပေါင်းရင်းမြစ်များ

Zenezi 17:23

Tawamhã tô taha bâtâ na Abra'ã, 'Re ihâimana u'âsi mono te te tãma iwaihu'uzéb zarina ma tô 'manha. Tahawa ti'ra Ismaeu ma tô sihâiwata nhizâ. Uburé aibâ isõrõwa 're, 're ihâimana za'ra mono norĩ zama hã ma tô anhihâiwata nhihâ. Isiré a'uwẽ'õ te te tãma 're iromhuri za'ra mono, te te i'uipra za'ra norĩ zama ma tô anhihâiwata nhihâ.

Zenezi 21:14

Tawamhã awẽm na ma tô Abra'ã hã robza'rã ré mararé uptabi udu. Tahawa, Agaha ma, ĩsa hã duré romhâ 'manharĩ na ub'rẽ â ré i'masi hã ma tô tãma tisõ. Taha pari 'watébrémi isisé te te tãma sãrĩ wamhã, ma tô iré satõ, oto morĩ da. Tawamhã Aga siwa'ru a'ubuni wi rop si 're irosa'wari mono niwĩ, ma tô 're mo, Beseba na 'ri wa'õtõ nhisi niwĩ.

Zenezi 22:18

Asihudu norĩ u'âbâmhã wa za a'uwẽ mono bâ ropâ 're ĩdahâimana za'ra mono iwẽ hã te tãma 're apisutu, a hã te aima iwaihu'uzém na ĩwapari pese wa, ãne hã 'manharĩ wa.

Zenezi 22:2

Tawamhã 'Re ihâimana u'âsi mono te ãne tãma tinha: — Misi uptabi ai'ra si'aibâ Izaqui, 're isawi pese mono hã ma'ãpé saprõni, Moria na romnhisi u. Tawamhã tame ẽne te aima ihâi'ré ãma, te za ai'ra unhama na iza, ĩma ãma asõprub da hã.

Zenezi 22:4

Tawamhã si'ubdatõ bâtâ ãma zahadu itẽme si'aba'réi ré, ma tô romhâ na ré ẽne te te tãma iwasu'u hã tisã.

Salmu 119:60

Wa hã, wa sa'ẽtẽ ĩsima 're ĩtob'uzu ĩsitété ãna, asimiroti si te 're 'madâ'â pese mono na 're ĩmorĩ da oto.

Mateu 10:37

— Ni'wam norĩ hã te te 're ĩzawi za'ra mono zém nhipai u, timama norĩ hã te te 're sawi pese za'ra mono wamhã, ĩ'ãma 're nomro waihu'u mono õ di za. Duré ni'wam norĩ hã ĩzawi nhipai u ti'ra norĩ te te 're sawi pese za'ra mono wamhã, ĩ'ãma 're nomro waihu'u mono õ di za duré.

Luca 14:26

— Ãté, ni'wam norĩ hã te za we ĩtẽme ai'aba'ré, ĩzazei'wa, 're nomro mono da. Tawamhã te za te te 're ĩzawi pese za'ra, timama zawi nhipai u, duré tina zawi nhipai u, duré timro zawi nhipai u, duré ti'ra norĩ zawi nhipai u, duré tisisãnawã norĩ zawi nhipai u, duré tihâimanazém nhipai u.

Hebreu 11:8

Abra'ã hã, 'Re ihâimana u'âsi mono si te te sina 're i'umnhasi mono zéb zarina, ma tô duré isimiroti na saze, tirom nhiti watobro da, ti'a te te tãma ipisutuzéb u morĩ da, ãma isa'ru da hã. Tawamhã tirom hawi ma tô watobro tô, ti'ai amoi u morĩ da, tamomomhã bâdâdi hã te te waihu'u õ nherẽ, za ãma imorĩzéb da hã itẽme.

Zozué 3:1

Tawamhã Zozué duré uburé Izaraéu nhihudu norĩ me ma tô robza'rã ré wairé, Sitĩ hawimhã si'aba'ré da, Zodã pa u. Tawamhã pa nho'õmo na te te saprĩ za'ra wana ré, ma tô tame a'â sima 'ri nhoré za'ra.

Zozué 8:10

Ãma awẽ wamhã, mararé uptabi ma tô udu. Ma tô duré dasi'wapéi 'manharĩ'wa norĩ hã 'rã'õtõ. Tawamhã Zozué hã, Izaraéu nhihudu norĩ ma i'rãnho'õmo norĩ me hã ma tô a'uwẽ norĩ nhowamhã te te ropãrĩ za'ra mono sina sisõré pese na ai'aba'ré, Ai nho'õmoi wa'waibaba.