Zenezi 22:23 - ꞌRe Ihâimana Uꞌâsi Mono Zadawa Wasuꞌu

²³ Betu'é hã, Rebecaha mama. Ã norĩ hã 8 na Milca zé're hawi ipoto za'ra, Nao, Abra'ãhã sisãnawãi ma.

Zenezi 22:23 ပူးပေါင်းရင်းမြစ်များ

Zenezi 11:29

Tawamhã Abrã hã ma tô Sara'ihi ãma timro. Duré Nao, Milca na isisi ãma ma tô timro. Milca norĩ, Iscaha me hã, Harãhã 'ra sipi'õ zahuré.

Zenezi 22:22

Taha pari, ipoto za'ra nhisi hã ãne: Quesede, Hazo, Pilda, Zidlafe, duré Betu'é.

Zenezi 22:24

Tawamhã duré imro prã Reumahã 'ra nhisi hã ãne: Teba, Ga'ã, Ta'asi, duré Ma'aca.

Zenezi 24:15

Tawamhã zahadu timreme te te sazâri õ ré, Rebeca ub'rẽ tinhisé te te âri sina te wei mo. Ta hã Betu'éhé 'ra, Milcaha 'ra 'ra, duré imro, Abra'ãhã sisãnawã Naoho 'ra 'ra.

Zenezi 24:24

Tawamhã asa ma te ãma tãma wa'rã ãne: — Wa hã Betu'éhé 'ra, Milca norĩ nhihudu, Naoho me.

Zenezi 24:47

Tawamhã wa tô duré sadanha ãne: “E 'wa hã aimama.” Tawamhã ma te ĩzada'â ãne: “Wa hã Betu'éhé 'ra, Milca norĩ nhihudu, Naoho me.” Tawamhã wa tô isisi're ãma isi'uwazi zapodo ãma sasõ. Wa tô duré isipsisizé isimizu ãma hã tãma tiza.

Zenezi 24:51

Ãhãta te tihâiba, Rebeca hã. Te za ãma asiré isaprõ, asib'ihâ'a 'ra mro na tãma 're hâimana mono da, Uburé Danhib'apito te te inharĩzéb zarina.

Zenezi 24:60

Tawamhã iwẽ hã ma tô Rebecaha ma, pisutu za'ra ãne: “Wahidiba, a hã da'ahâ uptabi 'rata na 're i'aihâimana mono da si, iwẽ hã. Duré asihudu norĩ, tinhitob'ru norĩ te, 'ri nho'õmo ãma hã te te 're i'ai'uté za'ra mono da si, iwẽ hã.”

Zenezi 24:67

Tawamhã Izaqui, 'ri u ina Sara aré 're isãmra mono zéb u, ma tô Rebeca hã saprõ. Ãhã wamhã, ma tô oto ãma timro. Tawamhã Izaqui, Rebeca ma tô te te 're sawi pese. Ãne zarina, ma tô ina dâ'âzém na 're ipẽ'ẽzé mono zé hã sina tãma tipa.

Zenezi 25:20

Tawamhã Izaqui 40 na ãma iwahub ãma, ma tô Betu'éhé 'ra Rebecaha ãma timro, Labãhã hidiba ãma hã. Ta norĩ hã Arameu norĩ siré, te Mezopotãmia na romnhisi ãma 're hâimana zahuré.

Zenezi 28:2

Tahawa ma'ãpé asima rob'ubumro na, Mezopotãmia u aimorĩ da. Tawamhã ai'rada Betu'éhé nhorõwa ãma te za asã. Tame asãmra wamhã, te za aimama wapté Labãhã 'ra norĩ na hã ãma ai'maimro za.

Zenezi 28:5

Ãne ma tô Izaqui, Zacoho ma rob'ru, Mezopotãmia u morĩ da tame 're hâimana mono da, Labã, Betu'éhé 'ra nhorõwa ãma, Arameu norĩ siré, Rebeca Ezau norĩ na, Zacoho me taha hitébré 're isãmra mono zéb ãma.

Roma 9:10

Tawamhã Saraha 'ra hã ma tô tiprédu oto, Izaqui hã. Ta hã wahi'rada. Prédu wamhã, ma tô timro, Rebecaha ãma. Ta hã ma tô duré ti'ra, i'ra maparane isi'ubza hã, aibâ zahuré hã.