Zenezi 22:15 - ꞌRe Ihâimana Uꞌâsi Mono Zadawa Wasuꞌu

¹⁵ Tawamhã Uburé Danhib'apito te, hâiwa ãma romhuri'wa te duré 'mahâ hâiwa hawi, Abra'ã hã.

Zenezi 22:15 ပူးပေါင်းရင်းမြစ်များ

Zenezi 16:10

Tawamhã te duré ãne tãma tinha: “Asihudu norĩ ahâ uptabi na 're hâimana za'ra mono da, wa za 'manha. Ahâ uptabi wa, da te 're sa'rata waihu'u za'ra mono õ di za.

Zenezi 16:7

Tawamhã a'ubuni wi rop si 're irosa'wari mono ãma, Su na romnhisi u bâdâdi inomro 'rata ub're ihâimana ãma sãmra ré, ma tô Uburé Danhib'apito ma, hâiwa ãma romhuri'wa sô 're irĩtĩ mono hã tisã.

Zenezi 18:10

Tawamhã te Abra'ãhã ma, nimahã tãma tinha ãne: — Wahup tém na tô ã a'amo na wa za we apâ atẽme mo. Tawamhã taha na te za aimro Saraha ma, i'ra hã tãma podo. Tahawa, Sara 'ridawa ãma ibabarã na isa hã ma tô isimirobzanhamrizé sina wapa.

Zenezi 22:14

Tawamhã Abra'ã taha ẽne hã ma tô sisi, “Uburé Danhib'apito, te za marĩ ibâ na te te dama 're anhomri u'âsi”. Tahawa te ta hawim haré da te ãma 're romnhisi za'ra, ãne: “Uburé Danhib'apito, tite ẽtẽ ãma marĩ ibâ na te te dama 're i'anhomri u'âsi mono” na.

Zenezi 22:16

Te tãma tinha ãne: — Ãne hã 'manharĩ wa, ai'ra si'aibâ misi nherẽ, ĩwi sawi waihu'u õ wa, ĩnhisi na wa za wa hã Uburé Danhib'apito aima ropisutu, iwẽ hã te aima 're apisutu u'âsi mono da.

Zenezi 31:11

Tawamhã taha ré ma tô 'Re ihâimana u'âsi mono ma, Hâiwa ãma Romhuri'wa ĩnhisi na hã ĩ'mahâ. Ãhã wa, wa tô sada'â ãne: “E marĩ! Ãhãta wa ãme ĩhâiba.”

Zenezi 48:16

Hâiwa ãma romhuri'wa uburé marĩ iwasété wi te te 're ĩpawapto mono 'wa hã, ã hã 'watébrémi norĩ iwẽ na te te 're ipawapto zahuré mono da si, ĩma iwẽ hã. Ĩnhisi na duré ĩmama norĩ Abra'ãhã nhisi na Izaquihi nhisi me ã norĩ hâiba u'âbâmhã ãma 're idasipo're pu'u u'âsi za'ra mono da si, ĩma iwẽ hã. Duré i'ra norĩ isihudu norĩ zama daro mono bâ isitébré za'ẽtẽ za'ra mono da hã wa aiwi waptẽ.”

Ezodu 3:2

Tawamhã tame hâimana ré, ma wede zapore hã ãro, Mozésihi 'rata. Ro'o nherẽ, zata õ di. Taré te ãro. Taha wa'wa te 'Re ihâimana u'âsi mono hã za. Mozésihi ma, sihâi'ré da, te iwa'wab za.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:30

— Midiã ãma 're sãmra mono ré hã, ma tô ãma tiwahu, 40 na. Tawamhã nimahã bâtâ na ma tô 'Re ihâimana u'âsi mono ma romhuri'wa hã itẽme sihâi'ré, hâiwa hawimhã. Sina'i na ẽtẽ 'rãihâ nhisi 'rata, ma tô itẽme sihâi'ré, a'ubuni u, wede zapore ro'o wa'wa.

Hebreu 6:13

Duréihã 'Re ihâimana u'âsi mono hã Abra'ãhã ma, te te ropisutu wamhã, tinhisi na ma tô tãma ropisutu, ni'wa hã 'Re ihâimana u'âsi mono ma isisi pire hã tãma 're hâimana mono õ wa, tinhisi na te te tãma iropisutu da hã.

Apocalipsi 10:5

Tawamhã hâiwa ãma romhuri'wa hã â nhisiwi isa hã ti'a nhisiwib zama isa hã te i'madâ hã ta hã ma tô hâiwa nho'õmo tinhib'rada hã wẽ, tinhimire niwĩ hã.