Zenezi 22:12 - ꞌRe Ihâimana Uꞌâsi Mono Zadawa Wasuꞌu

¹² Tawamhã hâiwa ãma romhuri'wa te tãma tinha ãne: — Tô'ã. 'Watébrémi hã u'a tõ. Iwasédé hã tãma 'manharĩ tõ. Wa tô oto aiwaihu'u, 'Re ihâimana u'âsi mono 're iwazé pese mono na, ai'ra si'aibâ misi nherẽ hã tiwi sawi õ wa.

Zenezi 22:12 ပူးပေါင်းရင်းမြစ်များ

Zenezi 20:11

Tawamhã Abra'ã, ma te ãne asa ãma sada'â: — Wa tô rosa'rata aré, ã hã daza'rui 're, 'Re ihâimana u'âsi mono wazé'wa 're da'maihâimana mono õ wa, za ni'wa ĩmro hâiba zô te te ĩwĩrĩ na hã.

Zenezi 22:13

Tawamhã Abra'ã sibabarãi u te te 're rob'madâ'â mono wamhã, ma tô pone'ẽrebâ zéré mapure si'aibâ wede zapore panhipti wa'rudu te te i'õmo tédé hã tisã. Te te sãmri wamhã, ma tô sô mo. Ma tô ti'â. Tawamhã ma tô ti'ra hâiba upana 'Re ihâimana u'âsi mono ma tãma zata, ãma tãma sõprub da.

Zenezi 22:16

Te tãma tinha ãne: — Ãne hã 'manharĩ wa, ai'ra si'aibâ misi nherẽ, ĩwi sawi waihu'u õ wa, ĩnhisi na wa za wa hã Uburé Danhib'apito aima ropisutu, iwẽ hã te aima 're apisutu u'âsi mono da.

Zenezi 22:2

Tawamhã 'Re ihâimana u'âsi mono te ãne tãma tinha: — Misi uptabi ai'ra si'aibâ Izaqui, 're isawi pese mono hã ma'ãpé saprõni, Moria na romnhisi u. Tawamhã tame ẽne te aima ihâi'ré ãma, te za ai'ra unhama na iza, ĩma ãma asõprub da hã.

Zenezi 26:5

E marĩ wa. Abra'ã hã ma tô ĩmreme duré ĩnhimiroti te te 're wapari pese. Ma tô te tãma 're iwaihu'u mono zé hã te te ĩma ãma 're uwaimrami.

Zenezi 42:18

Ãhã wa, si'ubdatõ bâtâ ãma te Zuzé tãma siwasu'u za'ra ãne: — Wa hã 'Re ihâimana u'âsi mono hã wa tô te 're wazé pese. Tahawa, te aima iwaihu'u za'ra wa'aba zéb zarina, ĩma 'manharĩ za'ra wa'aba wapsi, da te ai'uprosi aba da hã te dama asa'ré za'ra wa'aba õ di za.

Neemia 5:15

Ĩwana dama i'rãnho'õmo norĩ, ma tô ropire hã te te dama 're sõmri za'ra. Ma tô duré bâtâ sidâpâsi mreme tete na te te dawi 're waibu, ẽtẽ waipo prã prata 480 grama na ipire pibuzém na da te tãma ãma 're wa'âbâ za'ra mono da, dasa norĩ uiprazéb da hã duré uwa 'rãi wa'u isé uiprazéb da. Tãma romhuri'wa norĩ zama ma tô duré te te 're dawati za'ra. Tane nherẽ, wa hã wa tô romhâimanazé aimawi na tãma ãma romhâimana za'ra, 'Re ihâimana u'âsi mono hã, te 're wazé pese mono wa.

Salmu 1:6

Ite bâdâdi na 're inomro wẽ mono norĩ si, te tô Uburé Danhib'apito hã te te 're awẽsãmri. Tane nherẽ, 're inomro wasété mono norĩ nhibâdâdi hã te 're isi'utõrĩ mono zéb u si te te 're ãwisi za'ra.

Salmu 2:11

Uburé Danhib'apito ãma wazép sina, te za ãma 're aiwata za'ra wa'aba mo, isõ'remhã 're airẽrẽ'ẽ za'ra wa'aba mono sina.

Ezodu 20:20

Tawamhã Mozési, ma ãma da'azada'â ãne: — Aipahi za'ra wa'aba tõ. E marĩ wa. 'Re ihâimana u'âsi mono hã te sima wẽ, te te aipibu za'ra wa'aba da, tãma 're i'aipahi za'ra wa'aba mono zéb ré 're aihâimana u'âsi za'ra wa'aba mono wa, aiwasété wi 're aipizari za'ra wa'aba mono da.

Provébiu 1:7

Rowaihu iwẽ hã da te 're waihu'u za'ra mono da wamhã, te za 'Re ihâimana u'âsi mono, Uburé Danhib'apito hã da te dasiwi 're wazéb za'ra. Tane nherẽ, isimiza'rese'õ norĩ hã te rowaihu'uzé iwẽ hã te te siwi 're wẽ'õ pese za'ra, taré newa. Te te 're iwaihu'u za'ra mono da hã te te sima 're wẽ za'ra mono õ di.

Mateu 16:24

Tawamhã Zezusi te duré tãma nharĩ za'ra, tisiré 're inomro mono norĩ ma, ãne: — Ni'wam norĩ hã ĩsiré 're nomro u'âsi mono da, te te sima 're ĩwẽ za'ra mono wamhã, tihâimanazém na hã te te 're rosa'rata za'ra mono õ di za. Tiza'ozéb ré, ĩzarina 're inomro mono ne, te za ĩsiré 're nomro, da te 're simroi mono da nherẽ hã.

Mateu 19:29

Ãté ni'wam norĩ hã te za tinhorõwa hã te te 're rẽme pese za'ra, duré ãté tisisãnawã norĩ hã, duré ãté timama norĩ hã, duré ãté ti'ra norĩ hã, duré ãté tinhipti'a hã. Ãté ĩsiré 're nomro mono da, te za uburé marĩ hã te te 're rẽme pese za'ra. Ta norĩ ma, te za uburé marĩ te te 're irẽme za'ra mono zém nhipai u pese, 'Re ihâimana u'âsi mono te te tãma hã 're sõmri za'ra. Ta norĩ ma si te za duré dadâ'â ãna 're idanomro u'âsi mono zé hã te te tãma 're apisutu.

Mateu 5:16

Tane duré, a norĩ wa'wa hã te za sõ'awi dama 're aihâimana za'ra wa'aba mo, rob'uiwẽzé hã sõ'awi te te dama 're irob'uiwẽ za'ra mono ne. Uburé marĩ hã te za dama 're i'manharĩ wẽ u'âsi za'ra wa'aba mo, dama 're i'manharĩ wẽ za'ra wa'aba mono zé hã da te 're i'madâ'â za'ra mono zéb zarina, Aimama za'ra wa'aba ãma 're dawata za'ra mono da, hâiwa ãma 're isãmra mono ãma.

Zuwã 3:16

'Re ihâimana u'âsi mono ma, tãma dazawi pese uptabi wa, ma tô ti'ra hã misi nherẽ, we tisõ, dazada dâ'â da. Tawamhã i'ra, da te dasina 're umnhasi za'ra mono wamhã, dadâ'â ãna te za hâiwa ãma i'rata 're dasi'ubumroi u'âsi. Ropipa ãma isiti 're dasi'ubumroi mono õ di za.

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:31

Tawamhã isazei'wa norĩ ma, rowẽ di oto, Zudéa ãma, duré Galiléa ãma, duré Samaria ãma zama. Uburé tãma rowẽ za'ra di oto, siré 're isi'rã'õtõ mono norĩ ma hã daro mono bâ. 'Re ihâimana u'âsi mono pẽ'ẽzani nhimipawaptobzém na ma tô isazei'wa norĩ hã 're hâimana nhiptete za'ra. Taha zarina, ma tô duré isazei'wa norĩ za'rada hã sina hâimo. Ta norĩ hã ma tô Wanhib'apito Zezusi hã te te 're wazé pese za'ra.

Roma 5:8

Tanei õ di, 'Re ihâimana u'âsi mono nhimizawizé hã. Wa norĩ hã wawasété na 're wahâimana za'ra mono nherẽ, ma tô Cristu hã pisutu, wazada dâ'â da, wa'upana. Ãne hã ma tô 'Re ihâimana u'âsi mono hã te te wama 're awaihu'u, te te 're iwa'azawi pese mono zém na hã.

Roma 8:32

'Re ihâimana u'âsi mono hã ti'ra te te wawi sawi za'ra õ di, wazada dâ'â za'ra tõ da. Wa'udâna ma tô wama sõmri za'ra tô, te te wawi sawi za'ra ãna. E tawamhã uburé marĩ iwẽ hã te te wama 're anhomri mono õ di za. Te te wawi 're azawi mono ãna, te za tô te te wama 're anhomri, 'Re ihâimana u'âsi mono hã.

1 Corĩtu 10:13

Tô sena, asiptete sina ãma 're anomro u'âsi aba mono zô, 'Re ihâimana u'âsi mono hã te te 're aipibu za'ra wa'aba mono wamhã, aimawi na te te 're aipibu za'ra wa'aba mono õ di za, ipire uptabi na hã. Tô õhõ na si te te 're ida'apibui mono zém na si, te za tô te te 're aipibu za'ra wa'wa. 'Re ihâimana u'âsi mono hã uburé wama umnhasi za'ra di, marĩ na uburé te te wama 're i'aropisutu mono zém na hã. E tawamhã, asiptetezém nhipai u, te za ipire uptabi na te te aipibu na 're sahu za'ra wa'wa, aiwasété u apâ tiwi 're airere'e aba mono da. Mare di. Tô sena, asiptete sina ãma 're anomro u'âsi aba mono zô, te te 're aipibu za'ra wa'aba mono wamhã, te za niha te te aima 're pisutu za'ra wa'wa, rowẽ ré ihawi 're aiwairébé aba mono zéb da hã, õne haré asiptete sina ãma 're anomro u'âsi aba mono da.

2 Corĩtu 8:12

Ato sina, ãma asõprub za'ra wa'aba wamhã, 'Re ihâimana u'âsi mono si te za asõprubzém na aiwẽsãmri za'ra wa'wa. Asimarĩ aba õ wa, tô suru na isõmri za'ra wa'aba zéb zarina, te za duré ãma aiwẽsãmri za'ra wa'wa, ato sina ãma asõprub za'ra wa'aba wa.

Hebreu 11:19

Abra'ã hã ãne ma tô sima rosa'rata: “'Re ihâimana u'âsi mono ma si, waihu'u pese di, 're dadâ'â za'ra mono nherẽ, apâ te te 're ida'ahâiwa'utu mono da hã. Tahawa, ĩ'ra hã te aré tãma iwĩrĩ hã, te te duré waihu'u pese di, apâ te te ĩma ihâiwa'utu da hã, te te ĩma iropisutuzém na te te ĩma ãma uwaimrami da hã.” Ãne ma tô sima rosa'rata, Abra'ã hã. Tawamhã i'ra Izaqui hã dâ'â uptabi õ nherẽ, aré dâ'â wa, apâ te te tãma ihâiwa'utu ne, ma tô dâ'â ãna tãma tisõ apâ, 'Re ihâimana u'âsi mono hã.

Hebreu 12:28

'Re ihâimana u'âsi mono hã 'râwi te te 're wa'ab'madâ'â mono da, i'rata 're iwahâimana u'âsi za'ra mono zéb da hã, ma tô te te wama 're apisutu, da te wawi ãma i'ai'uté waihu'u za'ra õ hã. Tahawa, wa za 'Re ihâimana u'âsi mono ãma 're wawata u'âsi za'ra, sõpru wa. Te te sima 're iwa'awẽ mono zéb zarina, wa za ãma 're wawata u'âsi za'ra, wa te wasiwi 're wazéb za'ra mono sina, wama 're toi u'âsi mono da.

Tiagu 2:18

Ãté ni'wa hã te za ãne dama siwasu'u: “Wa hã marĩ iwẽ na, wa tô te 're da'apawaptob u'âsi. A hã ma tô dama 're asiwasu'u mo, Zezu Cristuhu zazei'wa 're aimorĩ na.” Ãté ãne te za dama tinha, ni'wa hã. Tawamhã wa hã wa aré asa tãma waihu'u, ãne: “Ni'wa hã Zezu Cristuhu zazei'wa na dama 're siwasu'u mono nherẽ, iwẽ na te te 're da'apawapto mono õ wamhã, tô senai õ di, dama 're isiwasu'u mono zé hã. Wa hã Zezu Cristuhu zazei'wa, wa 're mo. E niha te za ãne wamhã, dasiwi ĩwaihu'u ni, tô sena na, isazei'wa 're ĩmorĩ na. Marĩ iwẽ na te 're ida'apawapto mono zéb zarina si, te za dasiwi ĩwaihu'u ni, tô sena na dama 're ĩsiwasu'u mono na, Zezu Cristuhu zazei'wa tô 're ĩmorĩ na hã.

Apocalipsi 19:5

Tawamhã danhib'apito simasisizém hawi te ni'wa hã tinha, ãne: — Ma'ãpé, Wanhib'apito 'Re ihâimana u'âsi mono ãma si 're aiwata u'âsi za'ra wa'aba mono, uburé isib'a'uwẽ norĩ hã, duré dama aipire za'ra wa'aba norĩ hã, duré dama aiwapu na 're i'aihâimana za'ra wa'aba norĩ hã, duré uburé 'Re ihâimana u'âsi mono 're ihâimana wazéb za'ra wa'aba mono norĩ zama hã.

1 Samuéu 15:22

Tawamhã Samuéu ma duré ãma tãma wa'rã ãne: — E ma hã tawamhã tãma iwẽ, Wanhib'apito 'Re ihâimana u'âsi mono ma hã. E dapo're pe. E abaze da te tãma 're izata za'ra mono na tãma danhoprubzé. 'Re ihâimana u'âsi mono, da te 're iwapari pese za'ra mono zé hã iwẽ uptabi, pone'ẽrebâ zéré mapure si'aibâ iwẽ na tãma 're idanhoprub za'ra mono zém nhipai u.