Zenezi 22:11 - ꞌRe Ihâimana Uꞌâsi Mono Zadawa Wasuꞌu

¹¹ Tane nherẽ, te te sada sarõtõ wi, Uburé Danhib'apito te, hâiwa ãma romhuri'wa, te hâiwa hawi 'mahâ ãne: — Abra'ã. Abra'ã. — E marĩ. Ãhãta wa za. — Ãne ma asa sada'â.

Zenezi 22:11 ပူးပေါင်းရင်းမြစ်များ

Zenezi 16:7

Tawamhã a'ubuni wi rop si 're irosa'wari mono ãma, Su na romnhisi u bâdâdi inomro 'rata ub're ihâimana ãma sãmra ré, ma tô Uburé Danhib'apito ma, hâiwa ãma romhuri'wa sô 're irĩtĩ mono hã tisã.

Zenezi 21:17

Tawamhã 'Re ihâimana u'âsi mono, 'watébrémi wawa hã ma tô wapa. Tahawa 'Re ihâimana u'âsi mono ma, Hâiwa ãma Romhuri'wa, hâiwa hawi we te te 'mahârâ wamhã, te ãne Agaha ma tinha: — Aga, e marĩ da, te aihâtâ'â na hã aihâiba. Aipahi tõ. 'Re ihâimana u'âsi mono hã ma tô 'watébrémi wawa hã wapa isãrĩzém hawi.

Zenezi 21:18

Mo oto wahutu, 'watébrémi hã. Pa'âri, isib'rata na. E marĩ wa. Isihudu norĩ, misi a'uwẽ ãma isitom na ahâ na siré 're ihâimana za'ra mono da hã, wa za tãma 'manha.

Zenezi 22:1

Tawamhã wahu hã duré si'utõrĩ mono pari, 'Re ihâimana u'âsi mono, ma tô Abra'ã hã pibu, sena na te te sina 're umnhasi pese mono zô. Tahawa isisi na te te 'mahârâ wamhã, ma tô ãne sada'â asa: — E marĩ. Ãhãta ãme wa za.

Zenezi 22:10

Tawamhã awa'awi sib'ézé, ma tô sada sarõtõ, ti'ra te te ãma wĩrĩ da.

Zenezi 22:12

Tawamhã hâiwa ãma romhuri'wa te tãma tinha ãne: — Tô'ã. 'Watébrémi hã u'a tõ. Iwasédé hã tãma 'manharĩ tõ. Wa tô oto aiwaihu'u, 'Re ihâimana u'âsi mono 're iwazé pese mono na, ai'ra si'aibâ misi nherẽ hã tiwi sawi õ wa.

Zenezi 22:16

Te tãma tinha ãne: — Ãne hã 'manharĩ wa, ai'ra si'aibâ misi nherẽ, ĩwi sawi waihu'u õ wa, ĩnhisi na wa za wa hã Uburé Danhib'apito aima ropisutu, iwẽ hã te aima 're apisutu u'âsi mono da.

Zenezi 24:7

Uburé Danhib'apito, 'Re ihâimana u'âsi mono, hâiwa ãma 're isãmra mono ma tô ĩmama nhorõwa hawimhã, duré ĩsisãnawã norĩ nhipti'ai hawimhã we ĩwaze, ãwamhã. Duré ĩnhihudu norĩ ma, ã hã ti'a te te sõmri da, ma tô ĩma ropisutu. Õ hã te za tite hâiwa ãma romhuri'wa we satõ, te te asaprõni wẽ da hã. Ãhã wamhã te za ĩ'ra ma, pi'õ we tãma i'mazaprõ.

Zenezi 31:11

Tawamhã taha ré ma tô 'Re ihâimana u'âsi mono ma, Hâiwa ãma Romhuri'wa ĩnhisi na hã ĩ'mahâ. Ãhã wa, wa tô sada'â ãne: “E marĩ! Ãhãta wa ãme ĩhâiba.”

Zenezi 37:13

Tawamhã Zaco, te ti'ra Zuzéhé ma tinha ãne: — Aima waihu'u pese di, asisãnawã norĩ, Siquẽ 'rata pone'ẽrebâ te te 're i'madâ'â za'ra mono na hã. Tahawa, wa hã wa ĩsima wẽ, itẽmeb za'ra aimorĩ da. — Wa ĩsina mare tô, ĩzatõrĩzéb zô. — Ãne ma te Zuzé asa timama sada'â.

Zenezi 46:2

Tawamhã 'Re ihâimana u'âsi mono, taha mara na ma tô sõtõ 'rowim ne tãma tinha. Ãne te tawamhã isisi na hã 'mahâ: — Zaco, Zaco! — E marĩ. Ãhãta wa ãme ĩhâiba. — Ãne ma asa sada'â.

Zenezi 48:16

Hâiwa ãma romhuri'wa uburé marĩ iwasété wi te te 're ĩpawapto mono 'wa hã, ã hã 'watébrémi norĩ iwẽ na te te 're ipawapto zahuré mono da si, ĩma iwẽ hã. Ĩnhisi na duré ĩmama norĩ Abra'ãhã nhisi na Izaquihi nhisi me ã norĩ hâiba u'âbâmhã ãma 're idasipo're pu'u u'âsi za'ra mono da si, ĩma iwẽ hã. Duré i'ra norĩ isihudu norĩ zama daro mono bâ isitébré za'ẽtẽ za'ra mono da hã wa aiwi waptẽ.”

Ezodu 3:2

Tawamhã tame hâimana ré, ma wede zapore hã ãro, Mozésihi 'rata. Ro'o nherẽ, zata õ di. Taré te ãro. Taha wa'wa te 'Re ihâimana u'âsi mono hã za. Mozésihi ma, sihâi'ré da, te iwa'wab za.

Ezodu 3:4

Tawamhã Uburé Danhib'apito, Mozési 'râwi itẽme te te sina irotété na te te 'madâ'â wamhã, ma tô wede iro'o wa'wa hawi 'mahâ ãne: — Mozési! Mozési! Tawamhã awa'awi ma sada'â ãne, Mozési hã: — E marĩ. Ãhãta, ãme wa za.

Zezusihi zadawa wasuꞌuꞌwa norĩ nhimiromhuri na robꞌuiꞌéré 26:14

Tawamhã aihĩni wa tô warere'e ni, ti'ai wa. Wa hã ni'wai mreme hã wa tô wapa. Ãne te ãhã wamhã ĩma tinha, hebreu norĩ mreme na: “Saulu, Saulu, e marĩ wa, te ĩwi 're irowasutu u'âsi mo. Aipẽ'ẽ 'remhã ma tô 're asi'u'a u'âsi mo, powawẽ hã wedehu 'rã'wa na da te zusi wa, te te sina ime hã, isi'u'a ne.”

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:4

Tahawa, ma tô waptãrã, ti'ai wa. Ni'wai mreme hã ma tô duré wapa. Ãne te ãhã wamhã 'mahâ: — Saulu. Saulu. E marĩ wa, te ĩwi 're irowasutu u'âsi mo.

Zuize 2:1

Tawamhã Uburé Danhib'apito ma hâiwa ãma romhuri'wa Gilga na 'ri nho'õmo nhisi hawi ma tô mo, Boqui na romnhisi u. Morĩ wamhã, ma tô Izaraéu nhihudu norĩ ma nharĩ za'ra ãne: — Wa hã wa tô Ezitu hawimhã asani za'ra wa'wa, aihi'rata norĩ wa'aba ma, ti'a na te tãma iropisutuzéb u, te asimroi wa'aba mono da hã. Tahawa, wa tô tinha ãne: “Niwamhã te aima iropisutu za'ra wa'aba zé hã te ĩsiwi sitob õ di za, 'ridawa haré.

1 Samuéu 3:10

Tawamhã Uburé Danhib'apito ma tô oto itẽme mo. Tahawa, te oto i'rata za. Tawamhã iwana nasi te te i'mahârâ ne, ma tô duré 'mahâ, ãne: — Samuéu! Samuéu! Tawamhã Samuéu ma sada'â oto ãne: — E marĩ! Asib'a'uwẽ ãhãta wa aiwapa.

1 Samuéu 3:4

Tawamhã te Uburé Danhib'apito 'mahâ ãne: — Samuéu, Samuéu! Tawamhã ma tô sada'â ãne, Samuéu hã: — E marĩ. Ãhãta ãme wa nhamra.