Zenezi 21:8 - ꞌRe Ihâimana Uꞌâsi Mono Zadawa Wasuꞌu

⁸ Tawamhã 'watébrémi oto prédu wamhã, ma tô oto tina hâ hã tirẽ. Tahawa tina hâ te te irẽmezé bâtâ na, ma tô Abra'ã dasa na dato isa'ẽne hã 'manha.

Zenezi 21:8 ပူးပေါင်းရင်းမြစ်များ

Zenezi 19:3

Tane nherẽ, Lo te nasi satõrĩ zadawa za'réi õ zahuré. Tahawa ma tô isõrõwa u oto isiré tineb zahuré. Tawamhã Lo, te danhimi'ru za'ra, dasa iwẽ na tãma danhipi zahuré da hã. Duré i'u'ẽtẽ wapu duptoi'õ da te tãma 'mazebre zahuré da, ma tô dama ti'ru. Tahawa itẽme isimasi hã taha na te oto tisa zahuré.

Zenezi 21:7

Tawamhã te duré tinha, ãne na zama: — E 'wa hã Abra'ãhã ma, te te aré nharĩ da bâ bété, Sara tihâ ti'ra ma, te te tãma isõmri da na hã. Wa hã si'ĩhire nherẽ, wa tô ĩ'ra ĩzé're hawi poto da hã tãma tisõ.

Zenezi 21:9

Tawamhã Ismaeu Abra'ãhã 'ra, ezipsiu Agaha zé're te te ipodo hã nimahã bâtâ na te Izaquihi me sima tito zahuré.

Zenezi 26:30

Tawamhã Izaqui, dasa isa'ẽne te te tãma 'manharĩ za'ra wamhã, ma tô duré isimihârizé te te tãma i'manharĩ za'ra zém na tisa hã uburé ãma simihâri za'ra.

Zenezi 29:22

Tawamhã Labã, dasa isa'ẽne ma tô 'manha. Tahawa, ma tô irob 're uburé 're idahâimana za'ra mono norĩ zô hã hâ.

Zenezi 40:20

Tawamhã si'ubdatõ bâdâ ãma ne pari, apito Fara'o tiwaptã'ãzém na dasa te te 'manharĩ wamhã, ma tô uburé tite romhuri'wa norĩ ma, dasa hã tãma 'manharĩ za'ra. Tawamhã uwa 'rãi wa'u isé za'wari'wa norĩ nhib'ihâ'a, i'u'ẽtẽ wapu 'manharĩ'wa norĩ nhib'ihâ'a me apâ da te sani zahuré da hã ma tô dama 'ru zahuré. Tahawa, ma tô duré dama 'ru zahuré, dasa te te i'manharĩ u, da te dasiwi saprõni zahuré da.

Zuize 14:10

Tawamhã Sãsãhã mama, azarutu nhorõwa u ma tô mo. Tahawa, tame Sãsã dato isa'ẽne hã ma tô 'manha, ihâiba tém norĩ sina 're mro za'ra mono wa, dasa isa'ẽne te te sima 're i'manharĩ za'ra mono zéb zarina.

Zuize 14:12

Tawamhã ãne te Sãsã tãma nharĩ za'ra: — Marĩ sõ'awib'õ hã te ĩma tihâiba, te aima wasu'u za'ra wa'aba wa, pé ãma ĩwi uwaimrami za'ra wa'aba da, aimreme na hã. Tawamhã dato isa'ẽne dasina damrozém na bâdâ hã 7 na si'utõrĩ õ ré, i'uwaibaba na ãma ĩzada'âbâ za'ra wa'aba wamhã, wa hã wa za aima sõmri za'ra wa'wa za, 30 na da'uza ihâi wẽ hã, duré 30 na da'uza hâpa ihâi baihâire na hã, aihâiba mono bâ wa'aba.

1 Samuéu 1:22

Tane nherẽ, Ãna hã ime morĩ za'ra õ di. Tahawa, te ãne tãma tinha, timro Eucanahã ma: — Ĩhâ te te rẽme wapsi, wa za subza, Uburé Danhib'apito nhorõwa u hã, õmem haré oto 're hâimana u'âsi mono da.

1 Samuéu 1:24

Tawamhã tina hâ te te rẽme parip si, te oto Ãna hã subza ti'ra hã, Silo u hã. Duré powawẽ iba'õmo zapu si'ubdatõ na ãma iwahub zama ma tô siré saprõ. Duré trigu zub'a ré zama ma tô siré ti'â, 10 na ipire pibuzém na. Tawamhã ub'rẽ romhâ 'manharĩ na uwa 'rãi wa'u isé ré i'masi hã ma tô duré siré ti'â. Tawamhã Samuéu ina te te saprõni wamhã, Uburé Danhib'apito nhorõwa u hã zahadu re di.

1 Samuéu 25:36

Tawamhã Abigaiu ma tô mo apâ, timro Nabauhu u hã. Ta hã dasa isa'ẽne hã apito te te sima 're i'manharĩ za'ra mono ne, 'ri paramhã te te 'manharĩ ré, ma itẽme wi, imro hã. Tahawa, ma tô si'rãiwamna. To ti duré. Tawamhã imro Abigaiu niha hã marĩ te te tãma wasu'u õ di. Awẽm na isi'rãiwamnarĩ zahu õ zéb ãmap si ma tô uburé tãma wasu'u. Tahawa, ma tô õne haré timorĩ'õ, siri siwamnarĩ wa.