Zenezi 21:4 - ꞌRe Ihâimana Uꞌâsi Mono Zadawa Wasuꞌu

⁴ Izaquihi ãma ipotozém na 8 na bâdâ oto ãma nep siwapto wamhã, ma tô Abra'ã sihâiwata nhizâ, 'Re ihâimana u'âsi mono te te tãma iwaihu'uzéb zarina.

Zenezi 21:4 ပူးပေါင်းရင်းမြစ်များ

Ezodu 12:48

Aibâ norĩ hã sihâiwata nhihâri õ nherẽ, dasiré ãma 're isaihuri mono da hã mare di za, ã hã dasa na hã. Tane nherẽ, asiré a'uwẽ'õ norĩ, nima norĩ hã asiré za'ra wa'aba 're ihâimana za'ra mono hã 'Re ihâimana u'âsi mono te te 're iwazéb za'ra mono zéb zarina, Pascowa na 're saihuri mono da, te te sima 're wẽ za'ra mono wamhã, tawamhã a norĩ wa'wa hã imorĩ'rata na te za a'â 're isihâiwata nhihâri za'ra wa'aba mo, uburé isisãnawã norĩ zama, duré i'ra norĩ zama. Taha parip si te za oto Pascowa na dasa nhisi hã te te 're huri, asiré za'ra wa'aba. Duré Izaraéu nhihudu norĩ nhipti'ai 're, 're ipoto za'ra mono ne, te za tawamhã oto 're hâimana za'ra.

Luca 1:59

Tawamhã bâdâ hã iwaptã'ãzém na hã, 7 na ma tô ãma ai'utõ. Tahawa, awẽm na ma oto sihâiwata nhizâri ni. 'Re ihâimana u'âsi mono nhib'a'uwẽ 're morĩ da, ipibui pese zéb da, ma sihâiwata nhizâri ni. Tawamhã imama nhisi na, te aré sisi za'ra ai'uté hã, Zacaria na, isisãnawã norĩ hã.

Luca 1:6

Zacaria norĩ hã ma tô 're hâimana wẽ zahuré. 'Re ihâimana u'âsi mono nhimiroti te te 're 'madâ'â pese zahuré. Tahawa, tãma wẽ zahuré di, 'Re ihâimana u'âsi mono ma.

Luca 2:21

Romhuri misi ãma si'utõrĩ pari, ai'uté iwaptã'ãzém na hã, ma tô oto sihâiwata nhizâri ni. Ma tô duré sisi zahuré ina norĩ hã, Zezusi na. Ã hã isisi hã waptã'ã õ ré, hâiwa ãma romhuri'wa te te tãma iwaihu'uzéb zarina, ma sisi zahuré.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:8

— Te duré tãma roti, ãne: “Te za 're asisihâiwata nhihâri za'ra wa'aba mo, ĩzazei'wa na aipibui pese aba zéb da hã.” Ãne ma tô tãma roti. Tahawa, Izaqui hã waptã'ã wamhã, ma tô sihâiwata nhizâ, imama hã, Abra'ã hã. 8 na ãma mara wapsi, ma tô sihâiwata nhizâ. Izaqui hã ma duré ti'ra hã sihâiwata nhizâ, Zaco hã. Zaco hã isarina ma duré ti'ra hã te te 're anhihâiwata nhihâri, poto sidâpâsi, 12 na ihâiba norĩ hã. Ta norĩ hã Zacoho 'ra norĩ hã, wahi'rata na'rata uptabi.