Zenezi 21:23 - ꞌRe Ihâimana Uꞌâsi Mono Zadawa Wasuꞌu

²³ Tahawa, ma'ãpé ãme 'Re ihâimana u'âsi mono nho'a, asadawa nhipese ãna, ĩma, ĩ'ra norĩ ma, duré ĩnhihudu norĩ ma, asimiropisudu hã 'manharĩ. Wa hã wa tô iwẽ na aima ĩ'umnhasi sina 're ĩhâimana. Tahawa te za sena na ĩma iropisu, ĩma, duré ã hã ti'ai wa, 're i'asãmra mono ma, ai'umnhasi sina 're aihâimana mono da.

Zenezi 21:23 ပူးပေါင်းရင်းမြစ်များ

Zenezi 20:14

Tawamhã Abimelequi, Abra'ãhã ma, ma tô Sara hã apâ tãma hâiba nho. Taha nhipai u hã ma tô pone'ẽrebâ norĩ hã, powawẽ norĩ hã, duré pawa'âbâ ãna romhuri'wa si'aibâ norĩ hã romhuri'wa sipi'õi me hã tãma sõmri za'ra.

Zenezi 21:24

Tawamhã Abra'ã ma te asa ãma tãma wa'rã ãne: — Wa za tô aima ropisutu.

Zenezi 24:3

Uburé Danhib'apito 'Re ihâimana u'âsi mono, hâiwa ãma duré ti'ai ãma zama uburé marĩ te te 're i'ab'madâ'â mono nhisi na ropisudu hã 'manharĩ, ĩ'ra Izaqui, niwa apto'o ré, ã hã Cana'ã na ti'ai wa'õtõ nho'õmo nhisi ãma 're ĩhâimana mono zéb ãma, pi'õ na imro da hã, tãma 'maipisutu tõ da.

Zenezi 26:28

Tawamhã asa ma te siwi sada'â ãne: — Uburé Danhib'apito, sena na asiré 're ihâimana mono na hã wa tô oto ai'ãma waihu'u za'ra ni. Tahawa, wa ãne wasima nharĩ za'ra ni: Ropisutu zahi hã wa za wasima 'manharĩ za'ra ni, itete na, ãne na:

Zenezi 31:44

niha ropisudu hã wa te wasima 'manharĩ da hã wa oto mare. Tahawa oto ẽne hã wa te sa'ra na, wa te wasima iropisutuzém na hã ãma 're iwasipo're pu'u mono zéb da hã.

Zenezi 31:53

Abra'ãhã te, 'Re ihâimana u'âsi mono, duré Naoho te, 'Re ihâimana u'âsi mono, te za niha wasima wawasété zarina wa'ãma rowairébé'wa na hã 're hâimana. Tawamhã Zaco, imama Izaqui, 'Re ihâimana u'âsi mono te te 're iwazé mono nhisi na ma tô ropisudu hã 'manha.

Zenezi 39:3

Ãne wa, Zuzéhé nhib'ihâ'a ma tô ãma waihu'u, 'Re ihâimana u'âsi mono isiré 're hâimana mono wa, uburé marĩ te te 're i'ab'manharĩ wẽ mono na te te 're ipawapto mono na hã.

Zenezi 47:31

Te duré Zaco tãma tinha ãne: — Ma'ãpé ĩma ropisutu, tane na hã. Tawamhã Zuzé, ma tô ropisudu hã tãma 'manha. Tahawa Zaco, tiza'warizé 'rãihâ ãma siwẽ'ẽ sina, ma tô 'Re ihâimana u'âsi mono ãma wata sina hã mre.

2 Corĩtu 1:23

Wa hã apâ ĩmorĩ wamhã, ãma atẽme ĩsipa za'ra wa'aba õ di tô, Corĩtu u hã. E marĩ wa. Marĩ hã 'manharĩ wasété za'ra wa'aba wa, te aihâ za'ra wa'aba tõ da, ãma atẽme ĩwisi aba õ di tô, apâ hã. Tô sena, wa ãne hã aima ĩsiwasu'u za'ra wa'wa, 'Re ihâimana u'âsi mono nho'a. Tahawa, ĩzadawa nhipese wamhã, 'Re ihâimana u'âsi mono te za tô ĩ'azâ pé niha hã wamhã.

Hebreu 6:16

Tane nherẽ, wa norĩ hã marĩ pire na wa te dama 're ropisutu za'ra mono wamhã, dama ipire norĩ nhisi na, wa za wa te dama 're ropisutu za'ra, sena na da te ãma 're wazaze za'ra mono da, duré da te ãma 're wawawã za'ra mono tõ da.

Zozué 2:12

Tahawa ma'ãpé, Uburé Danhib'apito nhisi na, ĩma ropisutu aba, iwẽ hã te aima 'manharĩ aba wa, a norĩ wa'aba zama ĩsisãnawã norĩ ma iwẽ hã 'manharĩ aba da, aiwab da. Ãne da, wa za aiwi rowaptẽrẽ 'wa, sena na aimreme wasu'u aba zéb da, tiha ĩma 'manharĩ aba da, ĩsima iwẽ na ĩhâimana da rosa'rata ahâ ãna.

1 Samuéu 20:13

Ĩmama, marĩ aihâiba na te te 'manharĩ wasété da wamhã, taha zarina apâ rowasu'u na te ãma aima siri õ wamhã, duré wẽ na aiwatobro da, te dawi ai'madâ'â wẽ õ wamhã, wa za ĩsi'ru 'Re ihâimana u'âsi mono te te ĩwĩrĩ da hã. Ĩmama siré 're ihâimana mono ne, asiré 're hâimana mono neza 'Re ihâimana u'âsi mono hã.

1 Samuéu 20:17

Tawamhã Zonata, Dawihi zawizém na te duré tãma 'manha, tinhimiropisudu hã. E marĩ wa, 'râwi 're isisawi pese mono ne, Dawi hã tãma sawi uptabi wa.

1 Samuéu 20:42

Tawamhã Zonata te Dawihi ma tinha ãne: — Ĩma wẽ di, 'Re ihâimana u'âsi mono hã asiré 're hâimana u'âsi mono da hã. Ĩma wẽ di duré Uburé Danhib'apito te te 're wapawapto mono da, wanhihudu norĩ zama te te duré 're pawaptob za'ra mono da, ropisudu wa te i'manharĩzé hã wa te ãma wasima 're uwaimrami u'âsi mono da si. Ãne te te tãma waihu'u pari, ma tô Dawi hã oto mo. Duré Zonata hã ma tô apâ mo, 'ri'ahâ u hã.

1 Samuéu 30:15

Tawamhã Dawi te tãma tinha ãne: — E tawamhã ĩzaprõni õ di za, amalequita norĩ ihâimana za'ra zéb u hã. Tawamhã aibâ iprédupté ma ãma tãma wa'rã ãne: — Marĩ õ di. Wa za tô asaprõ, a hã, 'Re ihâimana u'âsi mono nhisi na ĩwĩrĩ tõ da hã, duré ĩnhib'apito ma ĩhâiba nhomri tõ da hã, ĩma ropisutu wamhã.