Zenezi 21:20 - ꞌRe Ihâimana Uꞌâsi Mono Zadawa Wasuꞌu

²⁰ Tawamhã 'Re ihâimana u'âsi mono, te 'watébrémi siré hã 're hâimana u'âsi, prédu mono ré hã. Tawamhã a'ubuni wi rop si 're irosa'wari mono ãma ma tô 're hâimana. Ma tô duré ti'i na tinhimiromhâ pe hã waihu'u pese.

Zenezi 21:20 ပူးပေါင်းရင်းမြစ်များ

Zenezi 10:9

Ta hã Uburé Danhib'apito nhimipawaptobzéb zarina, ma tô aba'wa dama iwasu'u za'ẽtẽ na 're hâimana. Tahawa te dasima da te 're nharĩ za'ra, ãne: “Ma'ãpé, Nirodihi ne hã 're ai'maihâimana aba mono, Uburé Danhib'apito nhimipawaptobzéb zarina aba pese 'wa dama isa'ẽtẽ na hã.”

Zenezi 16:12

à hã ai'ra te za awaru po're pore rom na sima iwẽ na 're ihâimana za'ra mono ne 're hâimana. Ta hã te za uburé te te 're da'a'wapé. Te za uburé da te dasiwi 're 'wapé. Duré uburé tisisãnawã norĩ nhiti te za ta hã romhâ na 're hâimana.”

Zenezi 17:20

Tawamhã duré Ismaeu ma irowaptẽrẽzéb zama wa tô wapa. Tahawa iwẽ hã wa za te tãma 're anhomri. I'ra norĩ, duré isihudu norĩ ahâ uptabi na 're hâimana za'ra mono da hã wa za 'manha. Tahawa te za 12 na dama ipire norĩ mama na 're hâimana. Duré isihudu norĩ hã a'uwẽ misi ãma isitom na dama siptete na 're hâimana za'ra mono da, wa za 'manha.

Zenezi 25:27

Tawamhã 'watébrémi norĩ ma tô oto tiprédub zahuré. Tahawa Ezau ma hã wẽ uptabi di, rom na 're ihâimana mono da hã. Tahawa ma tô sisõpãrĩ pese na hã 're hâimana. Tane nherẽ, Zaco, sima iwẽ na 'ri 'rep si 're ihâimana mono da si, tãma iwẽ hã.

Zenezi 27:3

Tahawa ma'ãpé, asimnhi'ã ate ti hã âri, rom na aba ĩzada 're aimorĩ da, abaze zô.

Zenezi 28:15

Wa hã wa za asiré 're ĩhâimana u'âsi. Wa za duré ai'wawimhã 're ĩsimapa, nimomo 're ane mono sidâpâsi. Wa za duré ã hã ti'ai u we apâ ai'ãma siri. Te i'airẽme da hã mare di, uburé ĩnhimiropisutuzé te aima ãma i'uwaimramizéb u.

Zenezi 39:21

Tane nherẽ, tame 'Re ihâimana u'âsi mono, isiré 're hâimana mono wa, ma tô iwẽ hã te te tãma 're apisutu. Taha zarina, ma tô oto dazazé 'madâ'â'wa Zuzé hã wẽsã.

Luca 1:80

Tawamhã 'watébrémi hã ma tô tiprédu. Duré ihâiba hã siptete di, prédu wamhã. Tiwasété wi 're siptete mono wa, 're morĩ wẽ di. A'ubuni wi, te ãhã wamhã oto 're sãmra. Bâdâ iwa waptã'ã wapsi, te za datẽme 're mo, te te dama 're sadawa wasu'u mono da, Izaraéu nhihudu norĩ ma hã.

Luca 2:40

Tawamhã ma tô tiprédu, 'watébrémi hã. Hâiba nhiptete di oto. Isimiroti hã wẽ uptabi di duré. 'Re ihâimana u'âsi mono te te 're pawapto mono wa, wẽ uptabi di, isimiroti hã.

Zuize 6:12

Tawamhã Uburé Danhib'apito ma Romhuri'wa ma tô tãma sihâi'ré. Tawamhã ma tô tãma tinha ãne: — Dasi'wapéi 'manharĩ'wa asib'ru, Uburé Danhib'apito te tô asiré hã 're hâimana!