Zenezi 21:14 - ꞌRe Ihâimana Uꞌâsi Mono Zadawa Wasuꞌu

¹⁴ Tawamhã awẽm na ma tô Abra'ã hã robza'rã ré mararé uptabi udu. Tahawa, Agaha ma, ĩsa hã duré romhâ 'manharĩ na ub'rẽ â ré i'masi hã ma tô tãma tisõ. Taha pari 'watébrémi isisé te te tãma sãrĩ wamhã, ma tô iré satõ, oto morĩ da. Tawamhã Aga siwa'ru a'ubuni wi rop si 're irosa'wari mono niwĩ, ma tô 're mo, Beseba na 'ri wa'õtõ nhisi niwĩ.

Zenezi 21:14 ပူးပေါင်းရင်းမြစ်များ

Zenezi 16:7

Tawamhã a'ubuni wi rop si 're irosa'wari mono ãma, Su na romnhisi u bâdâdi inomro 'rata ub're ihâimana ãma sãmra ré, ma tô Uburé Danhib'apito ma, hâiwa ãma romhuri'wa sô 're irĩtĩ mono hã tisã.

Zenezi 19:27

Tawamhã awẽ wi mararé Abra'ã, ma tô wahudu. Tahawa Uburé Danhib'apito nho're ihâimanazéb u hã ma tô oto mo.

Zenezi 21:13

Romhuri'wa zé're hawib zama tô ai'ra. Tahawa isihudu norĩ da, a'uwẽ misi ãma isitom na siré 're hâimana za'ra mono da hã, wa za duré tô wa hã 'manha.

Zenezi 21:15

Tawamhã ub'rẽ 'remhã â tiwi si'utõrĩ wamhã, ma tô wede isapore zahâpâ awã wa, ti'ra 'watébrémi hã tisã.

Zenezi 21:31

Tahawa ã romnhisi hã za Beseba na, ta norĩ hã tame ropisudu hã te te sima 'manharĩ zahuré wa.

Zenezi 21:33

Tawamhã tame ma tô Abra'ã rob're hã a're, Beseba ãma. Te te a're wamhã, ma tô Uburé Danhib'apito 'Re ihâimana u'âsi mono ãma tiwata.

Zenezi 22:19

Tawamhã Abra'ã, tite romhuri'wa norĩ isimasisi zahuré zéb u ma tô apâ mo. Tamomo apâ wisi wamhã, ma tô siré oto ai'aba'ré, Beseba na 'ri wa'õtõ u. Tawamhã tame te oto 're sãmra, Abra'ã hã.

Zenezi 22:3

Tawamhã Abra'ã mara hâ ré robza'rã ré, utu wamhã, ma tô awaru po're pore sima bazadâ. Duré mi, ma tô sima anhihâ, tinhoprubzé te te ãma izatazéb da hã. Taha pari, 'Re ihâimana u'âsi mono, ro te te tãma iwasu'u u morĩ da, ma tô oto watobro. Tawamhã Izaqui norĩ, maparane tãma romhuri'wa norĩ me, ma tô isiré ai'aba'ré.

Zenezi 24:54

Tawamhã siré isi'aba'ré norĩ me tisa ma tô oto tihu. Tahawa, ma tô tamemhã a'â tinhotõ za'ra. Tawamhã awẽm na oto utu za'ra wamhã, ma tô romhuri'wa tãma nharĩ zahuré ãne: — Ma'ãpé ĩma waprosi waré na, ĩnhib'apito nhorõwa u apâ ĩmorĩ da.

Zenezi 25:6

Tane nherẽ, timro prãi 'ra norĩ ma, ma tô taré tinhimarĩ na hã ãma tãma tinhoprub za'ra. Tawamhã dâ'â wana ré, ma tô timro prãi 'ra norĩ hã Izaquihi nhiti satõrĩ za'ra, bâtâ pusizém niwĩ 're hâimana za'ra mono da.

Zenezi 26:31

Tawamhã duré awẽm na mararé uptabi utu zahuré wamhã, ma tô roti na hã sisaze zahuré. Ma tô duré ropisudu hã sima 'manharĩ zahuré. Taha pari Izaqui sisa'u te te sawi wamhã, ma tô oto rowẽ sina hã ai'aba'ré.

Zenezi 26:33

Tahawa Izaqui, ma tô â zô ab're hã sisi, Seba na. Tawamhã ta hawim haré ã hã 'ri nho'õmo nhisi hã, Beseba na te oto 're hâimana.

Zenezi 28:18

Tawamhã awẽ wi Zaco utu wamhã, ma tô ẽne ãma isi'rã zaparizé hã hâiwi tisã, ro iwazéb zahi wasu'uzéb da hã. Taha pari azeitona 'rãi wa'u to hã ma tô duré isisiwi sa'wa, 'Re ihâimana u'âsi mono ma, te te ipisutu na 're sa mono da.

Zenezi 37:15

ma tô taha rom na hã sô 're rĩtĩ za'ra, tidub'rata norĩ zô hã. Tahawa ãne ré aibâ ma tô 'madâ. Te te 'madâ'â wamhã, ma tô sadanha ãne: — E marĩ zô, te 're airĩtĩ mo.

Zenezi 46:1

Tawamhã Zaco, uburé tinhimarĩ ré ma tô oto watobro. Watobro wamhã, ma tô Beseba u hã wi. Tame ma tô imama Izaquihi te, 'Re ihâimana u'âsi mono ma, danhimizama zata na tinhopru, ãma iwatazéb da hã.

Salmu 119:60

Wa hã, wa sa'ẽtẽ ĩsima 're ĩtob'uzu ĩsitété ãna, asimiroti si te 're 'madâ'â pese mono na 're ĩmorĩ da oto.

Provébiu 27:14

Ni'wa robza'rã ré iwaptoma 're ihâimana mono hã hârâ 'rãihâ na te te sawi wamhã, tame te za hârâ 'rãihâ na te te isawizém na hã marĩ iwasété da ne, ãma rosa'rata.

Provébiu 27:8

Ni'wa, tinhorõwa nhiti romhâ na 're ihâimana mono hã, aiwa sire tizasi nhiti sina 're ipahâ za'ra mono ne hã te 're hâimana.

Zuwã 8:35

Apito ma, romhuri'wa norĩ hã, apito 'ra me, aiwab õ di. Apito 'ra, te za timama nhorõwa ãma 're sãmra u'âsi, i'ra wa. Tane nherẽ, tãma iromhuri'wa norĩ si hã isõrõwa ãma 're si'ubumroi u'âsi mono õ di za.

Zozué 3:1

Tawamhã Zozué duré uburé Izaraéu nhihudu norĩ me ma tô robza'rã ré wairé, Sitĩ hawimhã si'aba'ré da, Zodã pa u. Tawamhã pa nho'õmo na te te saprĩ za'ra wana ré, ma tô tame a'â sima 'ri nhoré za'ra.

1 Samuéu 15:12

Tawamhã ma tô awẽm na Samuéu mararé uptabi watobro, sô rĩtĩ mono da, Sauhu zô. 'Ri'ahâ Carmeru na isisi u imorĩ na hã ma tô waihu'u, isiptete na ãma 're dawata za'ra mono da ẽne hâiwi te te sima isãrĩzéb u, duré taha pari, Gilga u imorĩ na hã ma tô waihu'u.