Zenezi 21:13 - ꞌRe Ihâimana Uꞌâsi Mono Zadawa Wasuꞌu

¹³ Romhuri'wa zé're hawib zama tô ai'ra. Tahawa isihudu norĩ da, a'uwẽ misi ãma isitom na siré 're hâimana za'ra mono da hã, wa za duré tô wa hã 'manha.

Zenezi 21:13 ပူးပေါင်းရင်းမြစ်များ

Zenezi 16:10

Tawamhã te duré ãne tãma tinha: “Asihudu norĩ ahâ uptabi na 're hâimana za'ra mono da, wa za 'manha. Ahâ uptabi wa, da te 're sa'rata waihu'u za'ra mono õ di za.

Zenezi 17:20

Tawamhã duré Ismaeu ma irowaptẽrẽzéb zama wa tô wapa. Tahawa iwẽ hã wa za te tãma 're anhomri. I'ra norĩ, duré isihudu norĩ ahâ uptabi na 're hâimana za'ra mono da hã wa za 'manha. Tahawa te za 12 na dama ipire norĩ mama na 're hâimana. Duré isihudu norĩ hã a'uwẽ misi ãma isitom na dama siptete na 're hâimana za'ra mono da, wa za 'manha.

Zenezi 21:14

Tawamhã awẽm na ma tô Abra'ã hã robza'rã ré mararé uptabi udu. Tahawa, Agaha ma, ĩsa hã duré romhâ 'manharĩ na ub'rẽ â ré i'masi hã ma tô tãma tisõ. Taha pari 'watébrémi isisé te te tãma sãrĩ wamhã, ma tô iré satõ, oto morĩ da. Tawamhã Aga siwa'ru a'ubuni wi rop si 're irosa'wari mono niwĩ, ma tô 're mo, Beseba na 'ri wa'õtõ nhisi niwĩ.

Zenezi 21:18

Mo oto wahutu, 'watébrémi hã. Pa'âri, isib'rata na. E marĩ wa. Isihudu norĩ, misi a'uwẽ ãma isitom na ahâ na siré 're ihâimana za'ra mono da hã, wa za tãma 'manha.