Zenezi 20:9 - ꞌRe Ihâimana Uꞌâsi Mono Zadawa Wasuꞌu

⁹ Taha pari Abimelequi, Abra'ãhã zô hârâ wamhã, ma tô ãne tãma tinha: — E marĩ ma tô wama i'manharĩ za'ra. E marĩ iwasédé hã te aiwi 'manharĩ bâ, ma tô niha na ĩma iromhâimanazé ĩnhisiwi, duré ĩte ti'ai wa'õtõ nho'õmo nhisiwi ropipa iwasété uptabi hâimana da hã ĩma i'manha! Ãne na asimi'manharĩzé hã ibâi õ di, da te dasima 're irob'manharĩ za'ra mono zéb zarinai õ wa.

Zenezi 20:9 ပူးပေါင်းရင်းမြစ်များ

Zenezi 12:18

Tahawa, te apito, Abrã itẽme morĩ da hã sô hâ. Tawamhã te ãne tãma tinha: — E marĩ da, ma ãne hã ĩma i'manha. E marĩ wa, aimro na hã ĩma wasu'u õ di bété.

Zenezi 20:10

E marĩ zarina ma tô ãne na i'manharĩ da hã asima irosa'ra.

Zenezi 20:8

Tawamhã awẽm na mararé uptabi Abimelequi hã ma tô udu. Utu wamhã, uburé tite romhuri'wa norĩ zô hã ma tô hâ. Tawamhã sõtõ 'rowi marĩ te te iwaihu'uzé hã ma tô tãma wasu'u za'ra. Ãhã wa, ta norĩ hã ma tô tãma tipahi pese za'ra.

Zenezi 26:10

Tawamhã Abimelequi te duré tãma tinha ãne: — E marĩ da, ma tô ãne hã wama i'manharĩ za'ra. Wama za'ra aré wapure di, iré iwa'manomro da hã waptâ wa. Ane 'wa'âhã, asimi'manharĩzéb zarina te aré wawasédé hã wama iwazere za'ra.

Zenezi 29:25

Tawamhã Zaco awẽm na si, Léiaha ré isõtõ na hã ma tô oto upsibi me. Tahawa timama wapté na timaprebaba ma, ma tô tãma aiwapsa. Tahawa te tãma tinha ãne: — E marĩ da, ma ãne hã ĩma i'manha. Raqueu ĩma 're hâimana mono da wa tô aima te 're romhuri. E marĩ da, ma bété ĩma asadawa nhipe.

Zenezi 34:7

Tawamhã Zacoho 'ra norĩ, a'ubuni hawi oto sihutu wamhã, duré ãne na te te waihu'u za'ra wamhã, ma tô romhâimanazé iwasété uptabi na hã titob'uzu za'ra. Ma tô duré tizahi pese za'ra. E marĩ wa. Siquẽ hã, Izaraéu nhihudu norĩ ma rowazé te te tãma wazere za'ra wa, Zacoho 'ra hâiba te te iwamnarĩ u'âbâmhã.

Zenezi 38:24

Tawamhã a'amo si'ubdatõ ãma si'utõrĩ wamhã, ma tô Zudaha ma tãma 'maiwasu'u ni ãne: — Asani'wa, te siwa'ru dahâimanazém na hã 're hâimana. Tahawa, ma tô tiwasã. Tawamhã Zuda te ãne asa tãma tinha: — Hâiba ré, pré asiwi 'rãmi aba da, te za 'ri nho'õmo 'wawi wa'ra nhiti rob u we asiwi iwazere 'wa, pi'õ hã.

Zenezi 39:9

Ni'wa ã hã 'ri 'remhã ĩnhipai u hã hâimana õ di. Duré marĩ hã te te ĩwi pi'uri õ di. Aiwétési te ĩwi aihâiba zawi, a hã imro na wa. Ãne nherẽ, e niha wa za bété ĩwasédé hã 'Re ihâimana u'âsi mono wi 'manha.

Ezodu 32:21

Tawamhã Mozési, Arãhã ma, te tãma tinha ãne: — E marĩ, ma tô ã hã a'uwẽ norĩ hã 'manharĩ za'ra, 're idasiwasété za'ra mono zé 're ihâimana mono u, a hã itẽme ãwisi za'ra da hã.

Ezodu 32:35

Tahawa, Uburé Danhib'apito dahâzé na ma tô Izaraéu nhihudu norĩ hã hâ za'ra. E marĩ wa. Ta norĩ hã Arãhã ma, te te 'ru za'ra wa, oru na powawẽ zapu te te 'manharĩ da hã.

Provébiu 28:10

Ni'wa sena na 're ihâimana za'ra mono norĩ, te te 're iwamnarĩ za'ra mono zarina marĩ iwasédé te te 're 'manharĩ za'ra mono da, te te 're isimroi mono hã, te za si'uihâ na waptãrã 're isisito mono zéb u hã. Tane nherẽ, ni'wai ãma iwasédé da te ãma 're inomri mono õ hã te za iwẽ hã te te sima 're awaibu.

Titu 1:11

Tahawa, te za ta norĩ wi 're i'azawi mo, aimawi na isazei'wa norĩ ma te te 're rowasu'u za'ra mono tõ da. E marĩ wa. Ta norĩ nhimirowasu'u zarina, ma tô ni'wam norĩ hã 're sipa za'ra, roti tô senai'õ niwĩ, damama siré 're idahâimana za'ra mono norĩ hã. Aimawi rowasu'u'wa norĩ hã te rob'uiprazé hã da te tãma 're sõmri za'ra mono da, te te sima 're rosa'rata za'ra, rowahutu wa'rãmi.

Hebreu 13:4

Imro ré norĩ hâimanazé hã te za 're iwazé pese za'ra wa'aba mo, 'Re ihâimana u'âsi mono ma, ta hã pire uptabi wa. Aimro si te za asima 're i'madâ'â u'âsi za'ra wa'aba mo. E marĩ wa. Ni'wam norĩ hã tihâiba na tiwasédé te te 're 'manharĩ za'ra mono wamhã, 'Re ihâimana u'âsi mono hã te za ta norĩ te te 're hâ za'ra. Duré ni'wam norĩ hã mro ré nherẽ, imro'õ hâiba na 're sipsaihuri za'ra mono wamhã, te za ta norĩ hã duré te te 're ahâ za'ra, 'Re ihâimana u'âsi mono hã.

Zozué 7:25

Tawamhã te Zozué tãma tinha, ãne: — E marĩ da, ropire hã wanhisiwi waptã'ã za'ra da, ma tô bété ã hã iwẽ'õ hã i'manha, a hã. Tahawa, ãhã na te za Uburé Danhib'apito ropire hã asisiwi iwaptã'ã da hã aima 'manha! Tawamhã õne haré ma tô Acã hã uburé pese dasiwi wĩrĩ ni, ẽtẽ na. Taha pari isõrõwa 're, ihâimana za'ra norĩ hã ẽtẽ na te te siwi simroi wamhã, ma tô siwi sãmra, unhama wa, zata za'ra da hã. Duré uburé pese isimarĩ zama ma tô siwi sãmra, si'unhama da unhama wa.