Zenezi 20:7 - ꞌRe Ihâimana Uꞌâsi Mono Zadawa Wasuꞌu

⁷ Ma'ãpé ãhã na apâ imro ma, pi'õ hã tãma sõmri. Õ hã ĩzadawa 'mahârâ'wa, te za ai'ãma ĩwi hã rowaptẽ, atâ'â tõ da hã. Ãne na hã wa za aipo're pu'u siro. Apâ imro tãma sõmri õ wamhã, te za tô atâ za. Duré uburé aima 're ihâimana za'ra mono norĩ hã te za ai'utõ za.

Zenezi 20:7 ပူးပေါင်းရင်းမြစ်များ

Zenezi 12:15

Tawamhã duré ni'wam norĩ, Ezitu ãma apito ma, da'madâ'â'wa norĩ ipire, pi'õ iwẽ uptabi na te te siwi 'madâ'â za'ra wa, ma tô duré tãma wasu'u za'ra. Tahawa, apito nhimiromhurizé 'ri u hã, ma tô tãma siwi saprõ.

Zenezi 12:17

Tane nherẽ, Sara'ihi hâiba u'âbâ, ma tô Uburé Danhib'apito, apito, duré isõrõwa 're, 're ihâimana za'ra mono norĩ me, ihâzé pire na hã hâ za'ra.

Zenezi 2:17

Iwẽ hã iwasété me, za da te ãma 're iwaihu'u za'ra mono wede 'rã si hã 're 'mai'rẽne mono õ di za. E marĩ wa. Nimahã bâtâ na 'mai'rẽne wamhã, õne haré za atâ'â na dâ'âsina.

Zenezi 20:3

Tawamhã 'Re ihâimana u'âsi mono, bara na Abimelequi sõtõ ré isimirosawẽrẽ na ma tô itẽme wi. Tahawa, ma tô ãne tãma tinha: — Te za atâ, pi'õ imro ré zô da'mazatõrĩ wa, sô da'maimorĩ da hã.

Zenezi 20:8

Tawamhã awẽm na mararé uptabi Abimelequi hã ma tô udu. Utu wamhã, uburé tite romhuri'wa norĩ zô hã ma tô hâ. Tawamhã sõtõ 'rowi marĩ te te iwaihu'uzé hã ma tô tãma wasu'u za'ra. Ãhã wa, ta norĩ hã ma tô tãma tipahi pese za'ra.

Zenezi 23:6

— Wanhib'apito, ma'ãpé asina wawapari za'ra na! A hã wanhib'ihâ'a za'ra te asiptete uptabi na wama 're aihâimana za'ra mo. Tahawa te za 're iwasiséme mono zé iwẽ uptabi 're, aimro ãma hã iti'a. Aimro ãma iti'a da hã wa norĩ wa te aiwi sawi za'ra dai õ di.

Ezodu 18:17

Tawamhã Zetru, te tãma tinha ãne: — Marĩ i'manharĩ hã, isarinai õ di.

Ezodu 4:16

Tawamhã Arã te za ai'upa na dama rowasu'u. Tawamhã a hã ĩsine 'Re ihâimana u'âsi mono na tãma aihâimana wa, te za marĩ te te i'manharĩzéb da hã ãma tãma i'arowasu'u mo.

Ezodu 7:1

Tawamhã Uburé Danhib'apito, te Mozésihi ma tinha ãne: — Wa hã wa za aima 'manha, ĩsine 'Re ihâimana u'âsi mono na apito Fara'oho ma aihâimana da. Tawamhã Arã adub'rada hã te za dama ipire zadawa wasu'u'wa ne, apito ma nasi asadawa wasu'u.

Zezusihi zadawa wasuꞌuꞌwa norĩ nhimiromhuri na robꞌuiꞌéré 8:24

Tawamhã Sima te asa tãma tinha, ãne: — A norĩ wa'wa hã te za ĩ'ãma aimreme 'wa, 'Re ihâimana u'âsi mono ma, ropipa hã uburé ĩma irowasu'u na te te ĩma ãma uwaimrami tõ da.

1 Corĩtu 14:4

Ni'wa hã simreme nai õ nherẽ, damreme dama iwaihu'u'õ na te te dama rowasu'u wamhã, 'râwip si te ta hã ãma sipawapto, Wanhib'apito ãma siptete na 're hâimana u'âsi mono da. Te te ãma dapawapto waihu'u õ di za, dama sadaihu'u õ wa. Tane nherẽ, ni'wa hã damreme uwaibaba, 'Re ihâimana u'âsi mono zadawa wasu'u na isazei'wa norĩ ma, te te rowasu'u wamhã, aihĩni te za wapari waihu'u za'ra, taha zarina oto ãma 're sipawaptob za'ra mono da, Wanhib'apito ãma ta norĩ hã siptete sina ãma 're hâimana za'ra mono da oto.

Hebreu 1:1

Duréihã 'Re ihâimana u'âsi mono hã ma tô tizadawa 'mahârâ'wa norĩ ma te te 're rowasu'u, ta norĩ hã wahi'rata norĩ ma, te te oto ãma 're rowasu'u za'ra mono da, isadawa nhipai u. Ta norĩ ma, ma tô marĩ na misi si te te tãma 're rowasu'u za'ra, ãma ipu'u na hã, 'Re ihâimana u'âsi mono te te tãma 're iwaihu'u za'ra mono zép sidâpâsi.

Hebreu 13:4

Imro ré norĩ hâimanazé hã te za 're iwazé pese za'ra wa'aba mo, 'Re ihâimana u'âsi mono ma, ta hã pire uptabi wa. Aimro si te za asima 're i'madâ'â u'âsi za'ra wa'aba mo. E marĩ wa. Ni'wam norĩ hã tihâiba na tiwasédé te te 're 'manharĩ za'ra mono wamhã, 'Re ihâimana u'âsi mono hã te za ta norĩ te te 're hâ za'ra. Duré ni'wam norĩ hã mro ré nherẽ, imro'õ hâiba na 're sipsaihuri za'ra mono wamhã, te za ta norĩ hã duré te te 're ahâ za'ra, 'Re ihâimana u'âsi mono hã.

1 Zuwã 5:16

Uburé da te 're i'manharĩ wasété za'ra mono zé hã, dawasédé tô, simisutu. Tane nherẽ, ni'wam norĩ hã tiwasédé hã te te 're 'manharĩ za'ra mono nherẽ, 'Re ihâimana u'âsi mono nhimiroti u tiwasété wi oto 're sipizari za'ra mono wamhã, õ hã te te ãma 're ab'madâ'â mono õ di za tô oto. Tawamhã 'Re ihâimana u'âsi mono 'rata 're idanomro u'âsi mono zé hã, tiwi 're simani za'ra mono õ di za tô oto duré. Tawamhã ni'wam norĩ hã iwasédé te te 're 'manharĩ za'ra mono wamhã, duré iwasété na 're waihu'u za'ra wa'aba mono wamhã, te za ãma 're aimreme zusi aba mo, 'Re ihâimana u'âsi mono ma, ipẽ'ẽ 're, dâ'â ãna 're ihâimana u'âsi za'ra mono zé hã te te tãma 're apisutu mono da oto. Tane nherẽ, ni'wam norĩ hã tiwasété wi 're isipizari za'ra mono zéb zô, 'Re ihâimana u'âsi mono pẽ'ẽzani te te tãma 're iroti za'ra mono zé hã te te 're wapari za'ra mono õ wamhã, 'Re ihâimana u'âsi mono hã te za iwasédé hã te te ãma 're ab'madâ'â u'âsi. 'Re ihâimana u'âsi mono 'rata 're idanomro u'âsi mono zé hã, tahawa, te te sina 're uwaimrami za'ra mono õ di za. Tiwasété wi 're sipizari za'ra mono õ nherẽ, e niha te za 'Re ihâimana u'âsi mono hã ãma 're siwamri za'ra, te te 're isõ'reptu za'ra mono zéb da hã. Tahawa, ta norĩ ãma hã te ãma aima roti za'ra wa'aba õ di za, ãma 're i'aimreme zusi aba mono zéb da hã.

1 Samuéu 12:19

Tahawa, te Samuéu ma nharĩ za'ra ãne: — Ma'ãpé wa'ãma aimreme za'ra na asib'apito 'Re ihâimana u'âsi mono ma. Tawamhã wa norĩ hã wasi'utõrĩ õ di za. Uburé wawasédé hã wa te 're i'manharĩ za'ra mono zém nhisiwimhã wa tô duré ãhã na hã wawasété za'ra ni, apito aimawi wa te wasiwi iwaptẽrẽzém na hã.

1 Samuéu 12:23

Wa hã te ai'ãma 're irowaptẽrẽ za'ra wa'aba mono zé hã te irẽme da hã mare di. Ãnei õ wamhã, wa aré ĩwasédé hã 'manha, 'Re ihâimana u'âsi mono wi. Wa hã wa za ãma aima te 're rowasu'u za'ra wa'wa bâdâdi iwẽ na ãma 're i'anomro aba mono da hã.

1 Samuéu 7:5

Tawamhã Samuéu hã ma tô tãma 'ru za'ra Izaraéu nhihudu norĩ ma, uburé pese si'rã'õtõ da Mispa na 'ri wa'õtõ nhisi ãma. Tawamhã ma tô duré tãma ropisutu za'ra, tame ãma 're mreme za'ra mono da, Uburé Danhib'apito ma hã.

1 Samuéu 7:8

Tahawa, te Samuéu ma nharĩ za'ra ãne: — Wanhib'apito 'Re ihâimana u'âsi mono ma aimreme hã 're sahâri mono tõ, te te wanho'reptu za'ra da, filisteu norĩ nhiptetezé wi hã.