Zenezi 20:6 - ꞌRe Ihâimana Uꞌâsi Mono Zadawa Wasuꞌu

⁶ Tawamhã 'Re ihâimana u'âsi mono, sõtõ 'rowim na nherẽ, ma te ãma sada'â ãne: — Tô ĩma waihu'u pese di, uburé marĩ aihâimana wẽ zarina iwẽ i'manharĩzé hã. Tahawa tô aiwasété tõ da, wa hã wa tô aiwi tété, pi'õ upi tõ da hã.

Zenezi 20:6 ပူးပေါင်းရင်းမြစ်များ

Zenezi 26:11

Tawamhã Abimelequi, ma tô uburé tinhib'a'uwẽ norĩ ma, dapo're pu hã 'manha, ãne: “Ni'wa ã hã aibâ norĩ ma, imro me, marĩ iwasédé te te tãma 'manharĩ zahuré wamhã, te za wĩrĩ ni za.”

Zenezi 3:3

Tane nherẽ, rob're norĩ wede wa'wa rowede 're isa mono 'rã si, wa te 're i'mairẽne mono da hã maze di, taha si te te wawi sawi wa. Duré wa te 're upi tõ mono da, ma tô wawi sawi. Ãne hã wa te 'manharĩ wamhã, wa za, u, wadâ'â ni.

Zenezi 31:24

Tawamhã tô taha mara na sõtõ 'rowi ma tô Labãhã u, 'Re ihâimana u'âsi mono hã sihâi'ré. Tahawa te ãne tãma tinha: — Ni'ã pé! Niha na Zacoho ma hã tãma rob'manharĩ tõ. Tô'ã!

Zenezi 31:7

Tane nherẽ, ma tô ĩma sadawa hapese. 10 na ãma isahu na ĩpawa'âbâ na ma to ĩwĩ ãma ti'awi. Tane nherẽ, 'Re ihâimana u'âsi mono, marĩ hã te te ĩ'ãma i'manharĩ wasété da hã te te tãma ĩhâiba nhomri õ di.

Zenezi 35:5

Tawamhã duré oto si'aba'réi wamhã, 'Re ihâimana u'âsi mono, Zaco norĩ waptoma 'ri nho'õmo norĩ 're, 're idahâimana za'ra mono ma hã, ma tô dapahi uptabi sina dahâimana za'ra da hã dama 'manha. Tahawa Zacoho zarina dasi'aba'réi õ di, da te ãma dasiwi ro'wa'rutu da hã.

Zenezi 39:9

Ni'wa ã hã 'ri 'remhã ĩnhipai u hã hâimana õ di. Duré marĩ hã te te ĩwi pi'uri õ di. Aiwétési te ĩwi aihâiba zawi, a hã imro na wa. Ãne nherẽ, e niha wa za bété ĩwasédé hã 'Re ihâimana u'âsi mono wi 'manha.

Salmu 51:4

Aiwi wa tô ĩwasédé hã 'manha, tô aiwi si. Aima iwẽ'õ hã wa tô 'manha. Tahawa, tô ibâre ma tô niha hã ĩ'ãma iwaihu, taha zarina niha na ĩma irob'manharĩ da hã.

Ezodu 34:24

Wa za wa hã aiwana za'ra wa'aba aimawi a'uwẽ norĩ hã te 're azani. Ãne wamhã, te za asipti'a hã aima tiza'ẽtẽ za'ra wa'wa. Tawamhã si'ubdatõ dato isa'ẽne ihâimana siwaprã, ĩ'ãma 're aiwata za'ra wa'aba mono da, we ĩtẽme 're anomro aba mono wamhã, ni'wam norĩ asipti'ai aba zô te te sima 're irob'ruiwapari za'ra mono da hã mare di za.

Provébiu 21:1

Ti'ai ãma apito nhimirosa'rada, Uburé Danhib'apito ma waihu'u pese di, te te tãma 're i'rui mono da hã, â nima niwĩ 're praba mono da, te te sima iwẽzéb zarina, te te tãma ipisutu ne.

Provébiu 6:29

Tane ni'wa hã, pi'õ mro ré nherẽ, iré 're sõtõ mono wamhã, tãma simimnhasi uptabi di. Ãne ni'wa te te 're 'manharĩ mono wamhã, te za sa'ẽtẽ na te te 're robzépata.

Mateu 27:19

Tawamhã Pilatu hã te te 're ida'awaihu'u mono zéb da, roti ma, 're isimasisi mono zéb ãma sãmra ré, ma tô imro hã timreme hã tãma tisõ. Ãne ma te ihâiba na hã tãma waihu'u: — Ma'ãpé ãma rosazâri, aibâ ãma. Ta hã tiha te te 're ab'manharĩ mono õ di. Bara na hã ĩnhotõ 'rowi te isawẽrẽzém na hã wa tô ãma robzépata za'ẽtẽ, taha na hã. Ãma ĩpẽ'ẽzé uptabi di. Tahawa, te za ãma irosazâ.

1 Corĩtu 7:1

Rob'ui'éré na we asiwi ĩzadanharĩ za'ra wa'aba zém na, wa za oto aima roti za'ra wa'wa. E aibâ norĩ hã 're mro za'ra mono õ nherẽ, tãma 're rowẽ za'ra mono di za. Ãté mro õ nherẽ, tãma 're rowẽ za'ra mono di za tô.

2 Corĩtu 6:17

Ãne duré Danhib'apito mreme na rob'ui'éré wasu'u amo hã: “Dapo're ãna 're idanomro mono norĩ hã, te za oto asiwi 're irẽme za'ra wa'aba mo, ta norĩ hâimana wasété zém nhiti, 're aihâimana za'ra wa'aba mono da oto. Dapo're'õ norĩ hã uburé marĩ hã te te siwi 're i'manharĩ wasété za'ra mono zé hã, tiwi 're upi zahu za'ra wa'aba mono õ di za oto. Tawapsi, wa za oto ĩsitẽme te 're aiwaibui wẽ wa'wa.

2 Tesalonita 2:11

Tô sena iwasu'uwẽ hã da te dasiwi 're wẽ'õ za'ra mono wa, 'Re ihâimana u'âsi mono hã te te dapawaptob õ di za. Tawamhã te te dapawaptob õ wa, te za oto dama pisutu za'ra, tizadawa nhipese na tô sena newa te te dawi i'udâ nhimiroti si, da te 're sazei pese za'ra mono da oto.

2 Tesalonita 2:7

Ãhã na pi'uriwi, ma tô Wa'uburé hã tinhimiromhuri na ãma sãna'rata. Tawamhã 'Re ihâimana u'âsi mono te te tiwi isawizé hã te za a'â ãma 're hâimana, iwasété uptabi ãma, bâdâ iwa waptã'ã õ wa a'â. Taha parip si, te te tiwi isawizé hã ãma 're hâimana mono õ di za oto.

1 Samuéu 25:26

Wanhib'apito 'Re ihâimana u'âsi mono hã ma tô aiwi sawi asi'ruiwa'âbâ tõ da, duré asitob'ru norĩ uprosi tõ da. Tahawa, ãhã na hã wa tô sena aima waihu'u Wanhib'apito nhisi na hã. Tô sena te za asitob'ru norĩ ma rob'manharĩ za'ra ni za, Nabau ma da te tãma irob'manharĩ ne. Te za uburé te te aima rob'manharĩ za'ra da, te te sima iwẽ za'ra norĩ ma zama tãma rob'manharĩ za'ra ni za.

1 Samuéu 25:34

Tahawa wa waptẽ Wanhib'apito 'Re ihâimana u'âsi mono hã te te ĩwi sawi da hã, marĩ iwasédé te aima 'manharĩ tõ da. Tahawa, wa tô sena na aima waihu'u, Wanhib'apito Izaraéu nhihudu norĩ te 'Re ihâimana u'âsi mono nhisi na. A hã ĩnhopẽtẽ da, sa'ẽtẽ we aimorĩ õ 'wa'âhã, Nabauhu te aibâ norĩ hã, duré ai'uté norĩ zama, te aré awẽm na mararé uburé pese ai'utõ.