Zenezi 20:2 - ꞌRe Ihâimana Uꞌâsi Mono Zadawa Wasuꞌu

² Abra'ã, te Sara tihidiba na dama wasu'u. Tahawa Abimelequi, Gera ãma apito hã ma tô Sara dama ti'ru, isimiromhurizéb u 'ri 'rãihâ u da te itẽme tãma saprõni da.

Zenezi 20:2 ပူးပေါင်းရင်းမြစ်များ

Zenezi 12:15

Tawamhã duré ni'wam norĩ, Ezitu ãma apito ma, da'madâ'â'wa norĩ ipire, pi'õ iwẽ uptabi na te te siwi 'madâ'â za'ra wa, ma tô duré tãma wasu'u za'ra. Tahawa, apito nhimiromhurizé 'ri u hã, ma tô tãma siwi saprõ.

Zenezi 20:12

Taré oto tô taha nhipai u hã, ĩmama hawib dâ'âsina te tô ĩhidiba na sena na õ hã ĩma tihâiba. Ãne nherẽ, wa hã wa tô ãma ĩmro, ĩna zé're hawi ipoto õ dâ'âsina.

Zenezi 21:22

Tawamhã Abimelequi, tô taha bâdâ we isisõré mono na ma tô Abra'ãhã ma, te te robzanhamri da hã itẽme mo. Duré taha wamhã Fico, ite dasi'wapéi 'manharĩ'wa norĩ 'madâ'â'wa hã ma tô isiré mo. Tahawa te ãne tãma tinha: — 'Re ihâimana u'âsi mono, uburé marĩ 're i'ab'manharĩ mono zém na hã te we asiré 're hâimana.

Zenezi 26:1

Tawamhã taha ti'ai 're, mra te da te 're sépata za'ra, Abra'ã, 're hâimana mono ré, amnho ihâimana õ wam ne. Tahawa Izaqui, 'ri nho'u Gera na isisi u ma tô mo, Abimelequi filisteu norĩ nhib'apito 're ihâimana mono zéb u hã.

Zenezi 26:16

Tawamhã Abimelequi, te Izaquihi ma, nimahã bâtâ na tãma tinha ãne: — Te za oto aimo, wanhipti'a za'ra hawimhã. Asiptete uptabi na te wama za'ra hã 're aihâimana mo.

Zenezi 26:7

Tawamhã aibâ norĩ tô õhõ 're, 're irob za'ra mono, imro na te te sadanharĩ za'ra wamhã, ma tô tihidiba na tãma wasu'u za'ra. Rebeca hã pi'õ iwẽ uptabi. Tahawa Izaqui timro na te te iwasu'u da hã pahi di, õhõ 're, aibâ norĩ 're irob za'ra mono hã te te siwi wĩrĩ õ'umnhasite, imro zô.

Provébiu 24:16

E marĩ wa. Sena na 're ihâimana za'ra mono ahâ na tihâimanazém na 're rere'e mono nherẽ, te za apâ hã 're wahutu za'ra, hâiwi tipẽ'ẽ 'remhã para na 're simasa mono da hã. Tane nherẽ, iwasété norĩ si hã te za ropipa sô 're iwairébé mono hã te te 're uprosi.

Provébiu 29:25

Simimnhasi uptabi di, 'râwi dasima 're idapahi za'ra mono zé hã. Tane nherẽ, ni'wa 'Re ihâimana u'âsi mono si te te sina 're umnhasi mono wamhã, te za sima iwẽ na 're hâimana, tãma romnhimimnhasi ãna.

Provébiu 6:29

Tane ni'wa hã, pi'õ mro ré nherẽ, iré 're sõtõ mono wamhã, tãma simimnhasi uptabi di. Ãne ni'wa te te 're 'manharĩ mono wamhã, te za sa'ẽtẽ na te te 're robzépata.

Éfézu 4:25

Tahawa, dama 're asadawa nhipese za'ra wa'aba mono õ di za oto. Aihâiba mono bâ te za tô sena na si asima 're irowasu'u za'ra wa'aba mo.

Colosu 3:9

Taré asima 're asadawa nhipese za'ra wa'aba mono õ di za oto, 're anomro 'rata aba mono zé hã 're rẽme pese za'ra wa'aba mono nherẽ, uburé aiwasédé 're i'manharĩ za'ra wa'aba mono zé hã.