Zenezi 20:17 - ꞌRe Ihâimana Uꞌâsi Mono Zadawa Wasuꞌu

^17-18 Tawamhã Abra'ãhã mro Saraha ma, iromhâimanazéb u'âbâ ma te Uburé Danhib'apito, Abimelequihi nhorõwa 're, uburé pi'õ norĩ, 're ihâimana za'ra mono wi, 're i'ra za'ra mono zé hã tiwi anhito, 're 'ra za'ra mono tõ da. Tawamhã Abra'ã, 'Re ihâimana u'âsi mono wi te te rowaptẽrẽ wamhã, ma tô Abimelequi hã hâiba pese. Duré imro, tãma iromhuri'wa norĩ me ma tô duré apâ hã hâiba pese za'ra, apâ 're i'ra za'ra mono zém na.

Zenezi 20:17 ပူးပေါင်းရင်းမြစ်များ

Zenezi 12:17

Tane nherẽ, Sara'ihi hâiba u'âbâ, ma tô Uburé Danhib'apito, apito, duré isõrõwa 're, 're ihâimana za'ra mono norĩ me, ihâzé pire na hã hâ za'ra.

Zenezi 20:7

Ma'ãpé ãhã na apâ imro ma, pi'õ hã tãma sõmri. Õ hã ĩzadawa 'mahârâ'wa, te za ai'ãma ĩwi hã rowaptẽ, atâ'â tõ da hã. Ãne na hã wa za aipo're pu'u siro. Apâ imro tãma sõmri õ wamhã, te za tô atâ za. Duré uburé aima 're ihâimana za'ra mono norĩ hã te za ai'utõ za.

Zenezi 29:31

Tawamhã Uburé Danhib'apito, Zaco, Léia te te siwi iwẽ'õ na te te 'madâ'â wa, ma tô 'ra da hã tãma 'manha, wasã da. Tane nherẽ, Raqueu te zahadu 'ra waihu'u ãna 're hâimana.

Esdra 6:10

Ãne te za ta norĩ hã te te 're 'manharĩ za'ra, 'Re ihâimana u'âsi mono hâiwa ãma 're isãmra mono ma, 're isõprub za'ra mono zé te te 're i'awẽsãmri mono zéb da hã. Duré ĩ'ãma 're mreme zusi mono da, ĩ'ra norĩ ãma zama, rowẽ na 're wahâimana za'ra mono da hã, te za te te 're 'manharĩ za'ra.

Provébiu 15:29

Uburé Danhib'apito romhâ na te iwasété norĩ nhiti 're hâimana. Tane nherẽ, te iwẽ norĩ tãma 're imreme zusi mono zé hã te te 're awapari.

Provébiu 15:8

Danhimizama zada iwasété norĩ, Uburé Danhib'apito ma, te te 're isõmri za'ra mono hã tãma 'ru ti. Tane nherẽ, iwẽ norĩ, tãma 're imreme zusi mono zép si, tãma wẽ uptabi di.

Mateu 21:22

'Re ihâimana u'âsi mono hã 're umnhasi za'ra wa'aba mono sina, marĩ na tiwi 're rowaptẽrẽ za'ra wa'aba mono wamhã, tô sena te za te te aima ãma 're a'uwaimrami 'wa.

Mateu 7:7

— 'Re ihâimana u'âsi mono wi, te za iwẽ hã 're iwaptẽrẽ za'ra wa'aba mo. Tawamhã te za tô te te aima 're anhomri 'wa. Iwẽ zô si te za duré asima 're asõpré u'âsi aba mo. Tawamhã taha zarina te za tô te te aima ãma 're a'uwaimrami 'wa, 'Re ihâimana u'âsi mono hã, 'râwi aima 're hâimana za'ra wa'aba mono da. Duré ni'wa hã 'ri tede'wa zô te te 're i'ridawa ta'a mono ne, te za iwẽ hã tiwi 're iwaptẽrẽ za'ra wa'aba mo. Tawamhã 'ri tede'wa te te tãma i'ridawa ne, te za tô 'Re ihâimana u'âsi mono iwẽ hã te te aima 're anhomri 'wa, si'uihâ na.

Zezusihi zadawa wasuꞌuꞌwa norĩ nhimiromhuri na robꞌuiꞌéré 3:24

Duréihã uburé 'Re ihâimana u'âsi mono zadawa 'mahârâ 'rata 'wa norĩ hã ma tô ãne na te te tãma 're i'apisutu mono zéb uwaibaba, te te dama ãma 're rowasu'u za'ra. Samuéu hã uimrehẽne ma tô isadawa wasu'u na ãma sãna'rata, wahi'rata norĩ ma. Taha za'u si ma tô duré isadawa wasu'u'wa sidâpâsi te te dama ãma 're rowasu'u siromo za'ra. Uburé ma tô duré ã nimosi iromhâimanazém na zama, te te dama 're rowasu'u siromo za'ra.

Filipu 4:6

Marĩ na 're aihâtâ'â za'ra wa'aba mono ãna, te za oto 're aihâimana za'ra wa'aba mo. 'Re ihâimana u'âsi mono ma, 're aimreme zusi aba mono zép sidâpâsi, te za duré tiwi 're irowaptẽrẽ za'ra wa'aba mo, uburé marĩ zô aiwi 're irowaptâ'â za'ra wa'aba mono zém na hã. Aipẽ'ẽ 're, ãma 're aiwata za'ra wa'aba mono sina, te za asi'ãma duré tãma 're aimreme zusi aba mo.

1 Tesalonita 5:25

Wasiré isazei'wa norĩ, te za wa'ãma 're aimreme zusi aba mo, Wamama ma.

Tiagu 5:16

Ãne wa, Wanhib'apito hã aihâzé wa, te te 're aipese za'ra wa'aba mono da, marĩ 're 'manharĩ wasété za'ra wa'aba mono wamhã, te za asima 're asiwasu'u za'ra wa'aba mo. Te za duré asima tiwi 're irowaptẽrẽ za'ra wa'aba mo, Wanhib'apito wi. Tawamhã dahâimana wẽ sina, da te tiwi 're rowaptẽrẽ za'ra mono wamhã, da te tiwi 're irowaptẽrẽ za'ra mono zéb zarina, te za tô te te dama ãma 're a'uwaimrami, Wanhib'apito hã.