Zenezi 20:16 - ꞌRe Ihâimana Uꞌâsi Mono Zadawa Wasuꞌu

¹⁶ Abimelequi, te duré Saraha ma, ãne tãma tinha: — Aihitébré ma, 11 kilu na ẽtẽ waipo prã prata hã wa tô tãma tisõ, marĩ i'manharĩ wasété õ zém na asiré norĩ hã te te ãma siwi aiwaihu'u da hã. Ãhã zarina te za uburé waihu'u za'ra ni, aihâimanazém na i'upai õ zé hã.

Zenezi 20:16 ပူးပေါင်းရင်းမြစ်များ

Zenezi 20:17

Tawamhã Abra'ãhã mro Saraha ma, iromhâimanazéb u'âbâ ma te Uburé Danhib'apito, Abimelequihi nhorõwa 're, uburé pi'õ norĩ, 're ihâimana za'ra mono wi, 're i'ra za'ra mono zé hã tiwi anhito, 're 'ra za'ra mono tõ da. Tawamhã Abra'ã, 'Re ihâimana u'âsi mono wi te te rowaptẽrẽ wamhã, ma tô Abimelequi hã hâiba pese. Duré imro, tãma iromhuri'wa norĩ me ma tô duré apâ hã hâiba pese za'ra, apâ 're i'ra za'ra mono zém na.

Zenezi 20:5

Abra'ã si'uihâ na ma tô wasu'u, Sara tô ihidiba na hã. Õhõ zama ma tô õne na hã siwasu'u. Wa hã, ĩhâimana wẽ zarina wa tô iwẽ na marĩ hã aré tãma 'manharĩ zahuré. Tahawa tô wa hã, marĩ na i'upai'wa na hã ĩhâimana õ di.

Zenezi 24:65

Tahawa, ma tô Abra'ãhã ma romhuri'wa ãma sadanha ãne: — E 'wa hã õ hã aibâ, wa'uwaibaba za'ra we 're imorĩ hã, rom na. — Ĩnhib'apito te we 're mo. — Ãne ma te asa ãma sada'â. Tawamhã ti'rã ubuzé, ma tô sisada hã ti'â. Taha na ma tô duré tawamhã oto si'ubu ubu.

Zenezi 26:11

Tawamhã Abimelequi, ma tô uburé tinhib'a'uwẽ norĩ ma, dapo're pu hã 'manha, ãne: “Ni'wa ã hã aibâ norĩ ma, imro me, marĩ iwasédé te te tãma 'manharĩ zahuré wamhã, te za wĩrĩ ni za.”

Provébiu 12:1

Ni'wa hã tihâimanazém na te te upai wa, da te tãma roti wamhã, te za sima wẽ upta, te te iwaihu'u wẽ da si. Simiza'rese ãna 're ihâimana mono si tihâimana pese zé te te sina 're i'uzei mono da hã mare di za. Te za te te sina 're wẽ'õ.

Provébiu 25:12

Ni'wai ma, i'rãiwaihu'u wẽ te te tãma ipẽne hã te te iwapari ze zé hã, danhiptõmo hi wasisizé oru na i'manharĩ nhipai u iwẽ uptabi, duré oru na marĩ da te 're i'manharĩ za'ra mono norĩ nhipai u zama iwẽ.

Provébiu 27:5

Wẽ di, ni'wai ma, isawi zarina sõ'awi da te tãma 're ipri'i za'ra mono zé hã. Da te 're dazawi za'ra mono nherẽ, da te dama 're ipri'i za'ra mono õ zép si hã wẽ õ di.

Zona 1:6

Tawamhã uba're 're, da'madâ'â'wa hã ma tô tame sõpẽtẽ, sõtõ ré. Tahawa, te ãne tãma tinha: — E niha te a hã aiprédu ma asõ. Ai'utu, rowaptẽrẽ da, ate ihâiba'õ ãma 're i'aiwata mono wi, te te aipawaptob da. Ãté ta hã te za wa'ãma tipẽ'ẽzé za'ra, wasi'utõrĩ tõ da.

Apocalipsi 3:19

Wa hã te 're i'azawi pese mono norĩ hã wa tô te tãma 're aroti pese, tiwasété na 're sisãmri za'ra mono da. Wa duré te 're hâ za'ra, apâ 're nomro wẽ mono da. Tahawa, te za aiwasété wi aipizari za'ra wa'wa, sena na ĩ'ãma 're anomro u'âsi aba mono da oto.