Zenezi 20:12 - ꞌRe Ihâimana Uꞌâsi Mono Zadawa Wasuꞌu

¹² Taré oto tô taha nhipai u hã, ĩmama hawib dâ'âsina te tô ĩhidiba na sena na õ hã ĩma tihâiba. Ãne nherẽ, wa hã wa tô ãma ĩmro, ĩna zé're hawi ipoto õ dâ'âsina.

Zenezi 20:12 ပူးပေါင်းရင်းမြစ်များ

Zenezi 11:29

Tawamhã Abrã hã ma tô Sara'ihi ãma timro. Duré Nao, Milca na isisi ãma ma tô timro. Milca norĩ, Iscaha me hã, Harãhã 'ra sipi'õ zahuré.

Zenezi 12:13

Tahawa, te za ĩhidiba na hã dama asiwasu'u. Tawamhã ãne na dama asiwasu'u wamhã, da te dasiwi ĩwĩrĩ õ di za. Te za duré dasiwi hã ĩ'âri wẽ ni.

Zenezi 20:11

Tawamhã Abra'ã, ma te ãne asa ãma sada'â: — Wa tô rosa'rata aré, ã hã daza'rui 're, 'Re ihâimana u'âsi mono wazé'wa 're da'maihâimana mono õ wa, za ni'wa ĩmro hâiba zô te te ĩwĩrĩ na hã.

Zenezi 20:13

'Re ihâimana u'âsi mono, ĩmama nhorõwa hawi wasiré a'uwẽ'õ norĩ nhipti'ai mono bâ 're ĩmorĩ da, we te te ĩwazere wamhã, wa tô Saraha ma, wa hã tãma tinha ãne: “Uburé daza'rui mono bâ 're wane mono sidâpâsi ĩzawi na hã dama 're asiwasu'u mono za, wa hã tô aihitébré na hã.”

Zenezi 20:2

Abra'ã, te Sara tihidiba na dama wasu'u. Tahawa Abimelequi, Gera ãma apito hã ma tô Sara dama ti'ru, isimiromhurizéb u 'ri 'rãihâ u da te itẽme tãma saprõni da.

Zenezi 26:7

Tawamhã aibâ norĩ tô õhõ 're, 're irob za'ra mono, imro na te te sadanharĩ za'ra wamhã, ma tô tihidiba na tãma wasu'u za'ra. Rebeca hã pi'õ iwẽ uptabi. Tahawa Izaqui timro na te te iwasu'u da hã pahi di, õhõ 're, aibâ norĩ 're irob za'ra mono hã te te siwi wĩrĩ õ'umnhasite, imro zô.

1 Tesalonita 5:22

Uburé marĩ iwasédé hã te za asiwi 're iwẽ'õ pese za'ra wa'aba mo, iré 're anomro aba mono tõ da.