Zenezi 20:11 - ꞌRe Ihâimana Uꞌâsi Mono Zadawa Wasuꞌu

¹¹ Tawamhã Abra'ã, ma te ãne asa ãma sada'â: — Wa tô rosa'rata aré, ã hã daza'rui 're, 'Re ihâimana u'âsi mono wazé'wa 're da'maihâimana mono õ wa, za ni'wa ĩmro hâiba zô te te ĩwĩrĩ na hã.

Zenezi 20:11 ပူးပေါင်းရင်းမြစ်များ

Zenezi 12:12

Tahawa, ezipsiu norĩ te te siwi ai'madâ'â wamhã, te za sima aiwasu'u za'ra ãne: “Ãhã pi'õ hã õhõ mro. E niha iwẽ uptabi.” Ãhã wamhã, te za siwi ĩwĩ. Tawamhã aiwétési hã te te siwi aiwĩrĩ õ di za. Aihâiba ré te za aihâiba.

Zenezi 20:10

E marĩ zarina ma tô ãne na i'manharĩ da hã asima irosa'ra.

Zenezi 20:12

Taré oto tô taha nhipai u hã, ĩmama hawib dâ'âsina te tô ĩhidiba na sena na õ hã ĩma tihâiba. Ãne nherẽ, wa hã wa tô ãma ĩmro, ĩna zé're hawi ipoto õ dâ'âsina.

Zenezi 22:12

Tawamhã hâiwa ãma romhuri'wa te tãma tinha ãne: — Tô'ã. 'Watébrémi hã u'a tõ. Iwasédé hã tãma 'manharĩ tõ. Wa tô oto aiwaihu'u, 'Re ihâimana u'âsi mono 're iwazé pese mono na, ai'ra si'aibâ misi nherẽ hã tiwi sawi õ wa.

Zenezi 26:7

Tawamhã aibâ norĩ tô õhõ 're, 're irob za'ra mono, imro na te te sadanharĩ za'ra wamhã, ma tô tihidiba na tãma wasu'u za'ra. Rebeca hã pi'õ iwẽ uptabi. Tahawa Izaqui timro na te te iwasu'u da hã pahi di, õhõ 're, aibâ norĩ 're irob za'ra mono hã te te siwi wĩrĩ õ'umnhasite, imro zô.

Zenezi 42:18

Ãhã wa, si'ubdatõ bâtâ ãma te Zuzé tãma siwasu'u za'ra ãne: — Wa hã 'Re ihâimana u'âsi mono hã wa tô te 're wazé pese. Tahawa, te aima iwaihu'u za'ra wa'aba zéb zarina, ĩma 'manharĩ za'ra wa'aba wapsi, da te ai'uprosi aba da hã te dama asa'ré za'ra wa'aba õ di za.

Neemia 5:15

Ĩwana dama i'rãnho'õmo norĩ, ma tô ropire hã te te dama 're sõmri za'ra. Ma tô duré bâtâ sidâpâsi mreme tete na te te dawi 're waibu, ẽtẽ waipo prã prata 480 grama na ipire pibuzém na da te tãma ãma 're wa'âbâ za'ra mono da, dasa norĩ uiprazéb da hã duré uwa 'rãi wa'u isé uiprazéb da. Tãma romhuri'wa norĩ zama ma tô duré te te 're dawati za'ra. Tane nherẽ, wa hã wa tô romhâimanazé aimawi na tãma ãma romhâimana za'ra, 'Re ihâimana u'âsi mono hã, te 're wazé pese mono wa.

Salmu 14:4

Tahawa, te Uburé Danhib'apito sima tinha ãne: “E niha ã hã a'uwẽ norĩ, uburé simiza'rese za'ra õ di. Ĩnhib'a'uwẽ nhimarĩ zô, te hâimana nhipese sina te te sima 're 'wani za'ra mono da si, 're hâimana za'ra. Ĩma hã 're mreme zusi mono õ di duré.”

Provébiu 1:7

Rowaihu iwẽ hã da te 're waihu'u za'ra mono da wamhã, te za 'Re ihâimana u'âsi mono, Uburé Danhib'apito hã da te dasiwi 're wazéb za'ra. Tane nherẽ, isimiza'rese'õ norĩ hã te rowaihu'uzé iwẽ hã te te siwi 're wẽ'õ pese za'ra, taré newa. Te te 're iwaihu'u za'ra mono da hã te te sima 're wẽ za'ra mono õ di.

Provébiu 16:6

Ni'wa hã 'Re ihâimana u'âsi mono te te 're sawi pese mono wamhã, duré sena na tãma 're hâimana mono wamhã, iwasédé hã te te ãma 're ab'madâ'â mono õ di za. Duré ni'wa, Uburé Danhib'apito te te 're iwazé mono hã te za marĩ iwasété wi hã tiwi sina 're hâiba za'o u'âsi, romhâ na.

Provébiu 2:5

Ãne hã 're 'manharĩ mono wamhã, te za Danhib'apito 'Re ihâimana u'âsi mono wazébzé hã iwaihu. Te za duré i'aza'rese mo, rowaihu'u wẽ zé hã.

Provébiu 8:13

Uburé Danhib'apito, da te 're wazéb za'ra mono wamhã, uburé marĩ iwasété da, 're idanhiti'ru za'ra mono zé, te wasu'u. 'Râwi 're idasi'madâ'â ze za'ra mono zé hã ĩma 'ru ti, dasina 're idawata za'ra mono zéb zama, dahâimana wasété zama, duré damreme wasété zama.

Roma 3:18

'Re ihâimana u'âsi mono zama, da te dasiwi 're hâimana wazé mono õ di.”